إعـــــــلان

Collapse

.

,
See more
See less

ولا عزاء لأصحاب الاسبرانزا

Collapse
This topic is closed.
X
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    ولا عزاء لأصحاب الاسبرانزا

    ممكن تكون دي اول مشاركة لية في الويب سايت ده,بس للأسف خايف انها تكون اخر مشاركة
    اللي حصلي انني بعد محاولات و مداولات,نجح الشباب في اقناعي في اني ابيع رفيقة عمري لانسر 97 1300cc بعد اكثر من 260000 كم...المهم اني لمما بعت(لانها اكيد كانت هاتنهار قريب) ماكنش معايا اللا اني اجيب حاجة في حدود 65000 ,,,المهم حجزت الاسبرانزا (لعلمي اني ممكن ابيعها لمما استلم اغلى!!) استلمت..ويارتني ما استلمت

    الاستلام:
    الناس كانوا في منتهى الادب,بس للأسف العربية كانت في منتهى قلة الأدب...
    وانا طالع بيها..العربية ما دارتش :shock: :shock: المهم جابو عالم الذرة المهندس و قاللي:اصل احنا كننا فاصلين الحرنكش علشان الخرنفش!!!
    ما همتش حاجة!! مش مهم بس المهم امشي...مشيت و لسة بفرمل,,سمعت صريخ بشع..رجعت لعالم الذرة..قاللي:عادي يا بيه التيل لسة ما طببعش!!
    وبما انني ما شهدش الحوارت دي مع الانسر..قلت و ماله كده كده مش خسران حاجة...

    نظرة اولى:
    في ضوء النهار غير المعرض نهائي,,التقفيل مافيش ارخص من كده(وكنت بتريق على تقفيل الاكسنت المصري!!)
    الزراير بتاعت الكاسيت مش بتستجيب من اول مرة دايما :shock:
    العدادات شكلها معوق جدا بس برضه خللينا في المضمون...
    القعدة مريحة (نوعا ما) حاجة كده بين الانسر و الشاهين
    و بما انني مابحبش الفتي مش هقدر اعلق على شكل الموتور من جوة
    شكل العربية العام=جامد من قدام و عايز الحرق من ورا (مسألة اذواق طبعا)

    الأداء:
    اثناء التليين اتبعت القواعد:ممنوع الحرق على الغيارات+ماكسرش ال80
    وفعلا...و ظل صراخ الفرامل اللعين!! المهم عديت ال1000 كم ورحت الصيانة عملوا الازم و غيروا التيل كمان...وراح الصوت تماما و خرجت مبسوط المهم
    الدنيا كانت حر موت قلت اشوف التكييف...طللع هوا ريحته شياط!! قلت يمكن علشان لسة جديد و شوية والريحة راحت و فصل خالص مالص..طبعا رجعت لعالم الذرة بتاع الصيانة..بصوا لبعض و قالولي هنركبلك واحد تاني!! المهم ...حصل و انا علي حافة الانهيار :x :x المهم انه مالوش لازمة قوي برضه في الشمس ممكن اركبلها مروحة سقف افضل
    بالنسبة لسحب الموتور و تجميع السرعة:المنافسين لي في هذا المجال كانوا ال128 وال133 ومكانش فاضل اللا بتوع الكارو كمان...واللي يحرق الدم فعلا واحد بالادا بيبصلي و بيضحك قوي وانا مش عارف اجري وراه...و انا بناضل مع العربية و بترحم علي ايام الانسر اللي عمري ما حد عدى مني ولا كسفتني..
    المهم رجعت البيت دمي محروق اخر حاجة وتاني يوم وانا رايح الشغل سمعت صوت خرفشة في الدبرياج (اللي جلدة الدواسة المحترمة بتاعته وقعت بالمناسبة!!) فأستأذنت من الشغل ورحت لعلماء الذرة تاني..قالولي :متخافش هية لسة في الضمان و هنغير طقم الدبرياج على حسابنا آآآآآآآآآآآآآآآآآآآآآآآآآآآه
    اتصلت ب اخويا و قلتله: تعالالي بتاكسي علشان انا مش هاحط رجلي تاني فيها (وبدأت اشتم في الموبايل لغايت لمما جالي تقريبا :D ) وخللصنا و خلصنا...
    والكوميدي اننا واحنا خارجين سمعنا التيل بيصرخ تاني (يالهو بالي يامما!!) اخويا ضحك و قاللي: بكرة اقلبهالك..و بعد 48 ساعة بعتها لواحدة معاه في الشغل والحمد لله ماخسرتش كتير...

    ملاحظات اخري: العربية قعدت معايا 43 يوم و لاحظت وجود صدأ على الطنابير امامية والخلفية!! و علماء الذرة قالولي عادي جدا(ياحلاوة)دة الانسر يا مؤمن بعد الزمن ده كلله ما كانش فيها نص اللي كان في المحروسة :roll: ..,,,والعفشة بالمناسبة خشنة شوية...و كانت علبة الدركسيون بدات تخروش عند اليو تيرن بالأضافة الى خشونة الفتيس اللعين.

    نصيحة شخصية جدا: اسوأ تجربة اقتناء لسيارة في تاريخ عائلتنا الكريمة..و مانابنى اللا التريقة من اللي في البيت و حرق الدم من علماء الذرة
    و اخرك تشتري الصيني اطباق او لعب اطفال...ولاكتمال سمفونية الفشل عليك بالتقفيل المصري كمان..و يارب الحق اي حد قبل ما يرتكب الغلطة دي..وللي جابوها ربنا يديكو خيرها و يكفيكوا شرها

    ولا عزاء لأصحاب الاسبرانزا
    الكلمات الدلالية (Tags): 128, 1300, 20, 2007, 50, ابن, احنا, اركب, اسبيرانزا, استلمت, اسكندرية, اصدقاء, اكسنت, الاسبرانزا, التوكيل, السرعة, الشمس, الصيانة, الضمان, اللي, الي, بدون, بكرة, بيع, تكييف, تيل, حجز, دبرياج, دى, سبرانزا, سرعة, سيارة, شار, شارك, شاهين, صوت, صيانة, ضمان, طنابير, عايز, عداد, عدادات, عدة, عربية, عرض, عزاء, عفشة, عن, عيوب, غبور, غيار, فتيس, فرامل, في, قلب, كاسيت, كل, لادا, لانسر, لانوس, للسيات, مشاركة, مشاكل, مصر, مع, معرض, من, موتور, هجوم, هي, ولا
  • #2
    شكراً على تقييمك الموضوعي وأرجو من الأخوة عدم التعليق
    شكراً
    [CENTER][SIZE=5][FONT=Andalus][COLOR=#177d12][SIZE=5][FONT=Andalus][COLOR=#177d12][URL="http://www.shbab1.com/2minutes.htm"][SIZE=5][FONT=Andalus][COLOR=#177d12]أُدخل ولن تندم إن شاء الله[/COLOR][/FONT][/SIZE][/URL][/COLOR][/FONT][/SIZE][/COLOR][/FONT][/SIZE][URL="http://www.shbab1.com/2minutes.htm"][/CENTER]
    [/URL]
    [RIGHT]------------------------------[/RIGHT]


    [RIGHT][COLOR=navy]مع خالـــــــــص حبـــــــــي وتقديــــــــري[/COLOR][/RIGHT]


    [RIGHT][COLOR=navy]وائل عطــــــــــــــــــــــــية[/COLOR][/RIGHT]


    [RIGHT][COLOR=navy]"Je pense; donc je suis"[/COLOR][/RIGHT]


    [RIGHT][COLOR=navy]"أنا أفكر إذاً أنا موجـــــــــــــــــــود[/COLOR]"[/RIGHT]

    Comment

    • #3
      انا شايف ان المداخله دى نموذجيه فى اسلوبها و أشكر كاتبها عليها لأنه كان راكب العربيه بنفسه و دى خبرته عليها بدون أى كلمات مستفزة أو جارحه وانا لو مكانه كنت بعتها فورا, و طبعا واضح عيوب التقفبل المصرى كل عربيه بها عيب مختلف و شكرا على دعواتك لنا.....
      د. ايهاب بدر
      اسرانزاوى رقم 7[b][/b]
      [img]http://www4.0zz0.com/2007/05/30/20/59862206.jpg[/img]

      Comment

      • #4
        أسف يا وائل قريت رسالتك بعد ما أرسلت
        د. ايهاب بدر
        اسرانزاوى رقم 7[b][/b]
        [img]http://www4.0zz0.com/2007/05/30/20/59862206.jpg[/img]

        Comment

        • #5
          مش عارف لية عاوز اول ما انزل من الطيارة اركب اسبيرانزا دى معرفش شكلا اساسا و كل الكلام الحلو اوى و الوحش اوى عليها :mrgreen:
          [CENTER][SIZE=4][URL="http://www.youtube.com/watch?v=AbR3fgcJacE"][B]People of The Lie[/B][/URL][/SIZE]
          [/CENTER]
          [CENTER]<!--EndFragment-->[/CENTER]

          Comment

          • #6
            لا تعليقات لو سمحتم و مش محتاج اننا نقفل الموضوع
            د. ايهاب بدر
            اسرانزاوى رقم 7[b][/b]
            [img]http://www4.0zz0.com/2007/05/30/20/59862206.jpg[/img]

            Comment

            • #7
              ليه الحساسيات دى يا استاذ ehabbadr؟؟ هوة انت مش عايز حد يعبرني واللا ايه؟؟ دنا لسة بقول يا هادي..وعايز اتفاعل مع الناس اكثر..وللا علشان انا جديد يعني :D
              ياريت الناس برضه تقولي رأيها و نستفيد كلنا

              Comment

              • #8
                لأ سيادتك فهمت غلط خالص انت على رأسنا كلنا و مافيش جديد و قديم بالعكس ده الجديد بنرحب بيه أكتر و انت شايف اننا شكرنا رسالتك لأنها عاقله جدا و بدون أى مهاترات لكن انا مانع التعليقات عليها منعا لما حدث سابقا لو سيادتك رجعت شويه للمداخلات السابقه تعرف انا قصدى ايه كويس و سوف تقدر مانفعل لأن مداخله سيلدتك ممكن تقلب الدنيا تانى ياريت تكون فهمت كلامى وسببه و تفاعل مع الناس زى مانت عايز و شكرا.....
                د. ايهاب بدر
                اسرانزاوى رقم 7[b][/b]
                [img]http://www4.0zz0.com/2007/05/30/20/59862206.jpg[/img]

                Comment

                • #9
                  مداخله سيلدتك ممكن تقلب الدنيا
                  ليه بس الروح دي؟؟ دي حتة حديدة لاطلعت ولانزلت؟؟
                  انا كان نفسي اعرف اذا كان حد حصل الكلام ده معاه وللا انا اللي نحس واللا ايه؟؟
                  رأي الناس بفيدني كتير..و يفيد الناس التانية برضه ..والأمر لايخلى احيانا من بعض السخونة
                  ولكن نعم الفائدة في النهاية..فأرجو السماح بالمشاركات اللا اذا خرج احد الزملاء عن آدب الحوار
                  ولك يا سيدي جزيل الشكر

                  Comment

                  • #10
                    حضرتك أحرجتنى بذوقك و انا باستأذن وائل عطيه فى متابعه الحديث علشان الناس تعرف اننا مش بندافع عن العربيه و واضح اسلوب حوار استاذ زيزو مرتفع
                    بخصوص العيوب اللى حصلت معاك ماسمعناش من الاعضاء انها اتجمعت كلها فى عربيه واحده بالشكل ده ممكن الدبرياج بس ممكن التكييف بس لكن كله كده ماسمعتهاش واضح ان خط الانتاج كان كله عامل دماغ و هو بيقفل العربيه
                    اما بخصوص تيل الفرامل همه بيغيروا التيل كله لكل العربيات علشان الصفاره
                    العفشه صلحوا كل اللى نازل جديد و جارى استدعاء اللى استلموا للاصلاح
                    انت ماقلتليش اللى فى الشغل مع أخوك عامله ايه العربيه معاها
                    د. ايهاب بدر
                    اسرانزاوى رقم 7[b][/b]
                    [img]http://www4.0zz0.com/2007/05/30/20/59862206.jpg[/img]

                    Comment

                    • #11
                      لسة بايعها من اسبوع...و هية خادتها وسافرت الساحل....ربنا معاها وربنا يستر من الفضايح :roll:

                      و شكرا لذوقك و مرة اخرى ادعوا الجميع للمشاركة

                      Comment

                      • #12
                        لي سؤال يا أستاذ زيزو

                        العربية موديل كام؟

                        استلمتها إمتى بالضبط؟ و من مين أبو الفتوح و لا حد من الوكلاء؟
                        [B] رأيي صواب يحتمل الخطأ و رأي غيري خطأ يحتمل الصواب

                        م/ محمد صبري
                        [/B][SIZE=1]اسبرانزاوي رقم 25
                        [/SIZE] A516 فيراني

                        Comment

                        • #13
                          واضح ان خط الانتاج كان كله عامل دماغ و هو بيقفل العربيه
                          :mrgreen: :mrgreen: :mrgreen: .......انا ضحكت من قلبى بعيدا عن مشاكل العربية......
                          اصل اتخيلت الموقف دة فى غبور بما انى معايا هيونداى....تخيلوا كدة كل واحد من العمال والمهندسين ماسكين شيشة تفاح فى ايدهم اليمين وماسكين المفك فى الايد الشمال.....وغبور نفسة قاعد فوق وفى ايدة الجوزة وماسك كرباك بأيدة التانية بيضرب بية (تم حذف كلمة غير ملائمة - وائل عطية)(اقصد العمال) اللى شغالين تحت....بجد منظر مسخرة :mrgreen: :mrgreen:
                          [url=http://www.up4world.com/images/][img]http://www.up4world.com/images/store10/d735ac5e26.jpg[/img][/url]

                          Comment

                          • #14
                            تحياتى للجميع

                            فعلا الصفارة دى علشان التيل بيطبع و هيستمر طول 700 ك الاوليين بس لم يحصل معايا موضوع الكاسيت بالعكس هو كويس و الصوت حلو ومش محتاج تركب سماعات الا لو كنت من شباب الدبدبة والترذيع
                            انا كان معايا اكسنت وتقريبا التقفيل واحد لانه اليد مصرية و انتو عارفين بقى
                            معك حق فى شكل العربية من ورا خانقانى و بوظو حلاوتها بس انا قمت داهن النمر سودا و فيمت الفوانيس و تحسن نسبيا بس ذلك حسب لون السيارة انا رمادى فاتح وتحسن الشكل
                            لا لا ده انا وانا بلين خيطت لانوس بس لاحظت السحب بيضعف لو على مطلع زى الكوبرى
                            مش عارف انت حظك تقريبا وحش و اتمنى ان لا يتكرر ده مع حد وربنا يخلف عليك معلش ولك تحياتى
                            انا بقيت قلقان بس العربية معايا كويسة

                            وشكرا
                            عماد عثمان

                            Comment

                            • #15
                              لأ يا دكتور ايهاب -لو تتذكر الاخ -v i pايام كونتكت برضة اتجمعت مشاكل كتير فى عربية واحدة يعنى دية مش اول مرة --وبعدها مباشرا تقابلنا جميعا وجربنا كل السيارات ولم نلاحظ الا صوت غريب فى سيارة المهندس كامل --وباقى السيارات كانت تمام بشهادة الجميع --وقلبى معك يا اخ زيزو وان شاء الله ربنا يعوض عليك --

                              Comment

                              السابق 1 2 template التالي
                              Working...
                              X