إعـــــــلان

Collapse

.

,
See more
See less

يومى لحظة بلحظة فى صيانة الألف من قلب مركز ابورواش

Collapse
X
 
  • Filter
  • الوقت
  • Show
Clear All
new posts

  • يومى لحظة بلحظة فى صيانة الألف من قلب مركز ابورواش

    اخوانى الاحباء ..

    حبيت انقلكم اخبارى اولا بأول وانا داخل مركز صيانة ابو الفتوح فى ابو رواش خصوصا انى مطول هنا النهاردة!

    انا وصلت على البوابة بالظبط الساعة 8:30 صباحا وعلى مادخلت الاستقبال كانت 8:40 لقيت المهندس اللى انا معاه (احمد غريب) مشغول مع عميلة وعلى ما فضى ليا كانت تقريبا 9:10 وفعلا قعدت معاه وخرج معايا بص على العربية شرحتله بعض ملاحظاتى والمشكلات اللى بشتكى منها ولما دخلنا جوة يعمل أمر الشغل كملنا بقيت الملاحظات.
    فى الاخر قالى ان العربيةمش هتخلص الا على اخر النهار يعنى على العصر كده انا طبعا اتصدمت ليه ده كله قالى عشان كل حاجة ليها ورشة لوحدها وحوارات واكمن يمكن عشان انا الشكاوى بتاعتى كتيرة فبيعاقبنى..بس مشكورا بصراحة قالى ممكن تطلع الكافتيريا او تروح كارفور يعنى ضيع شوية وقت ولو احتاجنا حاجة رقمك معانا هنكلمك هههههههه قولتلو ماشى.

    خرجت بقى اشوف اى حاجة تخرجنى ترمينى عند داندى مول بس مقولكوش المكان هنا صحرا صحرا انسى تلاقى تاكسى ولا صريخ ابن يومين ولا مكان تقعد فيه ولا تشترى حاجة مشيت بتاع 200 متر كده لحد ما فقدت الامل فقررت العودة للكافتيريا وامرى لله اقعد فيها شوية لما نشوف بيقولوا فيه باص عندهم بيطلع داندى مول الساعة 11 للى عاوز يروح..

    نواليكم الاخبار لحظة بلحظة ان شاء الله

  • #2
    ههههههههههههههههههه حلو التقرير المفصل دة ياخالد بتفكرنى بالمراسلين بتوع قناة العربية والجزيرة عموما احنا فى انتظار باقى التقرير ومتشوقين نسمع حصل اية معاك وربنا يوفقك ويهون عليك اليوم الحر دة

    Comment


    • #3
      صباح الفل يا ابو حميد ايه مصحيك بدرى كده هههههههههههههههه

      هو اليوم حر صحيح بس انا قاعد فى الكافتيريا التكييف تلج والله بس مش دى المشكلة انا الىل مضايقنى انى عاوز انام اوى ولسه اليوم طويل هنا مفيش حاجة تتعمل يعنى بصراحة هموت واشوف حتة اشيش فيها عشان اظبط الدماغ هههههههههههههه معفنجان قهوة كده يصحصح .. محدش ياجماعة يعرف داندى مول فيه كافيهات فيها شيشة ولا ايه؟؟

      فى انتظار الجديد من الاخبار

      Comment


      • #4
        الان فى داندى مول قاعد بشيش :)

        Comment


        • #5
          ياسيدى عالمزاج العالي .. انا ياعم الحمدلله بطلت شيشة بقالى 5 سنين .. عقبالك

          Comment


          • #6
            عقبالى يارب عادى منيلة بنيلة

            Comment


            • #7
              والان فى مركز الصيانة تانى...

              اللى يضحك بجد واضح ان بعض الناس عارفة انهم بيتاخروا هنا اوى فتلاقى اللى جايب مراته وعياله واكلهم وشربهم والله جايبين شنطة زى ماتكون رحلة ههههههههههههه

              Comment


              • #8
                فعلا التوكيل ده زى ما تكون رحلة

                و تلاقى الكنب االى فوق الناس نايمة عليه و مدده

                بالتوفيق ان شاء الله

                بس كانت ايه الملاحظات اللى عندك تخليك تروح كذا ورشع عندهم


                نصيحة ليك

                امسك اعصابك ما تتهورش لسه اليوم طويل

                Comment


                • #9
                  لو فعلا عايز تنام مش هتلاقي احسن من الانتريه اللي موجود في الاستقبال عند احمد غريب نفسه :)

                  و علي فكرة احمد من الشخصيات المحترمة فعلا و حتي بتلاقيه كل شوية ينزل يبص علي العربيات اللي هوا مستلمها لو فيها حوارات و مش صيانة عادية .... نحسبه علي خير ولا نزكي علي الله احد .....

                  ربنا يهون عليك ان شاء الله و تطلع من عندهم مبسوط

                  حاجة اخيرة ......

                  لو عرفت تتكلم مع احمد لو كان فاضي .... اسأله كده زي ما هاقولك بالظبط :-

                  قله:- استأذنك لو مفيهاش مضايقة , لو تفتكر قبل الثورة بكام يوم كان في واحد اسمه محمد ابراهيم جالكم 3 ايام ب عربية m11 رمادي حتي باب اللي ورا السواق مخبوط ... كانت عايزة شكمان و قربة ميه و حامل اكصدام و كان بيتابع مع بدر من خدمة العملا حتي بالامارة غيروله الشكمان اللي ورا بدل اللي قدام و بعدين ركب كله ....

                  في نفس الوقت ده كان برده في واحدة تانية m11 فيها مشكلة في الضفيرة و قلتوا لصاحبها ممكن تخرج من الضمان علشان كان مغير لمبة الشبورة ... و ساب العربية علشان تعملولها لجنة لتحديد العطل...... ممكن لو مفيهاش سئاله نعرف حصل للراجل ده ايه ....؟؟؟؟
                  [SIZE=6][COLOR=#001109]البريبئ [/COLOR]اتخرم و عايزيين [COLOR=#001109]بريبئ[/COLOR] جديد [/SIZE]:B4_444::dzey:

                  Comment


                  • #10
                    المشاركة الأصلية كتبت بواسطة egypt0777 مشاهدة المشاركة
                    فعلا التوكيل ده زى ما تكون رحلة

                    و تلاقى الكنب االى فوق الناس نايمة عليه و مدده

                    بالتوفيق ان شاء الله

                    بس كانت ايه الملاحظات اللى عندك تخليك تروح كذا ورشع عندهم


                    نصيحة ليك

                    امسك اعصابك ما تتهورش لسه اليوم طويل
                    الله يخليك يا باشا ربنا يهون عليا بقى

                    بالنسبة للملاحظات حضرتك راجع مشاركتى فى الموضوع ده بس انا لغيت بعضها لما جيت هنا واتكلمت مع احمد غريب يعنى اقنعنى انها مش عيوب زى تقل الازاز اليمين شوية هو حور عليا قالى لانك مش بتستخدمه كتير بس انا كبرت دماغى لانه مش تقيل اوى يعنى ده بيقفل بعد التانى بنص ثانية تقريبا وحكاية لسعة الكهربة استاتيكية وضعف السحب لانه اتظبط لما حطيت بنزين من بنزينة محترمة السحب اتظبط تانى انما الباقى كله حطه فى امر الشغل:

                    Comment


                    • #11
                      المشاركة الأصلية كتبت بواسطة hemaa_82 مشاهدة المشاركة
                      لو فعلا عايز تنام مش هتلاقي احسن من الانتريه اللي موجود في الاستقبال عند احمد غريب نفسه :)

                      و علي فكرة احمد من الشخصيات المحترمة فعلا و حتي بتلاقيه كل شوية ينزل يبص علي العربيات اللي هوا مستلمها لو فيها حوارات و مش صيانة عادية .... نحسبه علي خير ولا نزكي علي الله احد .....

                      ربنا يهون عليك ان شاء الله و تطلع من عندهم مبسوط

                      حاجة اخيرة ......

                      لو عرفت تتكلم مع احمد لو كان فاضي .... اسأله كده زي ما هاقولك بالظبط :-

                      قله:- استأذنك لو مفيهاش مضايقة , لو تفتكر قبل الثورة بكام يوم كان في واحد اسمه محمد ابراهيم جالكم 3 ايام ب عربية m11 رمادي حتي باب اللي ورا السواق مخبوط ... كانت عايزة شكمان و قربة ميه و حامل اكصدام و كان بيتابع مع بدر من خدمة العملا حتي بالامارة غيروله الشكمان اللي ورا بدل اللي قدام و بعدين ركب كله ....

                      في نفس الوقت ده كان برده في واحدة تانية m11 فيها مشكلة في الضفيرة و قلتوا لصاحبها ممكن تخرج من الضمان علشان كان مغير لمبة الشبورة ... و ساب العربية علشان تعملولها لجنة لتحديد العطل...... ممكن لو مفيهاش سئاله نعرف حصل للراجل ده ايه ....؟؟؟؟
                      واضح فعلا يا هيما انه محترم وعنده علامة صلاة ماشاء الله بس عيبه بيجيلو مكالمات كتير عالموبايل لما خنقنى

                      عينيا لو شوفته تانى وجت فرصة هسأله بس يارب افتكر الكلام كله

                      Comment


                      • #12
                        اتاخرت عليكم يا جماعة على ما اكتب نهاية اليوم العصيب فى ابو رواش معلش اصلى استلمت العربية 4:15 م (6 ساعات ونص فى الورش) وكنت فهيصت ومشوارى لسه طويل مصدقت اخلع من هناك.

                        تقييمى للمركز:

                        1.استقبال العميل والاستماع لمشكلاته جيد جدا والمهندس كان محترم
                        2. حل المشكلات وتسليم العربية للعميل طينة هههههههه ميستاهلش القعدة هناك طول اليوم والتعسيفة دى كلها لان لما قالولى هتستلم العربية اخر النهار قولت بس يبقى هيفكوها حتة حتة ويروقوها ولكن يعنى محستش انهم عملوا حاجة تستحق الوقت ده او حتى نصه ولكن نشوف النتيجة ايه:

                        1. الصيانة المعتادة من تغيير زيت وفلتر وتربيط عفشة تمام التمام العربية نعمت وفاقت بشكل ملحوظ
                        2. مشكلة التكتكة من ناحية العجلة اليمين امامى مع المطبات احيانا والفرامل المفاجأة احيانا والملفات احيانا خصوصا فى المارشيدير وكسر العجل ناحية اليمين قالوا انها بلية بطاحة يمين وحجزوها وهيكلمونى تانى لما تيجى اروح اركبها على الضمان ولكن انا غير مقتنع تماما وغير راضى عن التشخيص ده حاسس انها مش بطاحة خالص لكن من ساعة ما استلمت العربية لحد ماجيت والحمد لله محستش صوت التكتكة ده لحد دلوقتى ربما اكون مختش بالى عشان كنت مركز مع الطريق مش العربية وربما تكون اتظبطت من جراء تربيط العفشة وكده .. الله اعلم
                        3. صوت تصفير من العجل مع السرعات الصغيرة قالوا بعد الكشف ملقوش اى مشاكل (هو انت بتستعبط؟) ولكن اللى يشفعلهم انى فعلا بقالى يومين تلاتة غير النهاردة مسمعتش الصوت اساسا .. ربنا يسهل ومسمعوش تانى
                        4. لسعة الكهربا من الباب بعد النزول من العربيه محطنهاش فى امر الشغل لانهم اقنعونى انها كهربا استاتيكية فى جسم الانسان ودى حاجة طبيعية مش عيب فى العربية وانا اقتنعت تماما لان اكتر من حد برة التوكيل قالى الكلام ده وغير كده العميل اللى كان جنبى مع المهندس محمد العطفى قال نفس الشكوى ورد المهندس نفس الرد وانا كنت رامى ودنى هناك حتى يطمأن قلبى انها مش مشكلة عربيتى لوحدى .. الحمد لله استحمل بقى اللسعة ومع الوقت هتعود :)
                        5. تزييق فى الطارة محستوش اعتقد اتحلت او حتى لو متحلتش هو صوت مش مزعج وميتسمعش الا اذا كانت الدنيا هادية اوى حوالين العربية ومفيش صوت .. ماعلينا
                        6. كاوتش الزجاج الامامى ظبطوه كان سايب مع انى حاسس انهم ملزقهوش اوى بس اتظبط طبعا كان سايب خالص وطالع برة .. الحمد لله
                        7. الزوايا وحدفة ناحية اليمين ظبطوها والمهندس قالى التقرير بتاع الزوايا طالع عنب العنب ههههههه .. فعلا اتظبطت كتيير
                        8. خشونة الفتيس احيانا خصوصا الغيارين الاول والتانى قالوا كشفنا وملقناش مشكلة ده الطبيعى .. بصراحة انا شايف انه الطبيعى بس كنت انا محبكها حبتين فاكر ان العربية زيرو يبقى فتيسها سكينة فى الحلاوة انما لأ هو بيكون تقيل شوية لما تكون العربية باردة عشان طبعا الزيت بيكون تقيل .. الحمد لله
                        9. باكيتات الاكصدام الامامى والباب الخلفى شمال كانت سايبة حاجة بسيطة اوى عاوزة تتكبس او تتلزق يعنى هى مش باينة ولا سايبة بشكل يخوف بس قولت مادا رايح اطلع عين ابوهم انما هم قالوا مش هنقدر نعمل فيها حاجة الا لما تسيب خالص .. منطقى لانه عشان يكبسها صح او يلزقها لازم يفكها كلها ويركبها تانى وعلى ايه ماهى حلوة كده
                        10. رشاشات المساحات كان واحد منهم مسدود شوية والاتنين كانوا عاوز ظبط اتجاهات قالولى ظبطناها ولما طلعت مروح فى الطريق بجرب لقيتهم سلكوه بسيط كده ولا ظبطوا اتجاهاتهم ولا حاجة .. عامة مش مشكلة لان المية بتطلع المساحات قوية ماشاء الله بتنطرها على الازاز كله وتنضفه كويس
                        11. انا متعود وانا بدور العربية اكون دايس دبرياج عشان لو مبطل على غيار فكنت بحس وانا بدور ان فيه خبطة خفيفة فى الدبرياج كده انا حكيت عنها فى الاخر للمهندس وانا بقوله مشاكلى لكن هو كلفتنى ومحطهاش فى امر الشغل وقال كده كده بنبص على كله .. لما اتسلمت العربية لقيت الخبطة اختفت والحمد لله

                        خلاصة الكلام اقدر اقول انهم بيستسهلوا بمعنى انهم بيبصوا على المشكلة اللى العميل محددها تحديد تام وهم عارفين حلها يعنى لما اقول بتحدف يمين يبقى عاوزها ظبط زوايا اكيد مش حاجة تانية مش كيميا انما لما اقول تكتكة وطرقعة وفيلم هندى لسه هيدوروا ويفكوا مساعدين ومواويل وهم مش فاضيين يقوم يكبر دماغه ويقولك هنجيبك فى ميعاد تانى لما القطعة تيجى وياعالم هتطلع العيب فيها ولا لأ لانى شاكك .. تانى نقطة انهم بيكبروا دماغهم للمشاكل غير المؤثرة على اداء العربية بشكل عام يعنى رشاشات المساحات مثلا جزء ثانوى ومادام بتطلع مية والازاز بينضف خلاص بقى احمد ربنا وكبر دماغك اما تتسد خالص بقى متطلعش نقطة مية نبقى نظبطها

                        خلاصة الخلاصة .. حاسس ان العربية اتحسنت والحمد لله بس لسه عاوز ادى لنفسى شوية وقت اركز مع الاصوات اشوف بتحصل ولا لسه وان شاء الله مسمعش اى حاجة تانى خالص وربنا يهدى العربية وتمشى كويس

                        بس دى كل قصتى النهاردة .. معلش صدعتكم معايا طول اليوم

                        Comment


                        • #13
                          تمام يامعلم الله ينور وان شاء الله متسمعش الاصوات دى تانى بس انت مقلتلناش التكلفة اية بالتفصيل ؟؟ وعقبال صيانه ال 1000000 وانت وعربيتك فى احسن حال

                          Comment


                          • #14
                            الله يكرمك يا احمد باشا عقبال عربيتك ان شاء الله ونبقى معاك خطوة بخطوة

                            التكلفة 367.5 جنيه مصرى تمن الزيت والفلتر المصنعيات مجانا

                            Comment


                            • #15
                              المشاركة الأصلية كتبت بواسطة khaled_saga مشاهدة المشاركة

                              2. مشكلة التكتكة من ناحية العجلة اليمين امامى مع المطبات احيانا والفرامل المفاجأة احيانا والملفات احيانا خصوصا فى المارشيدير وكسر العجل ناحية اليمين قالوا انها بلية بطاحة يمين وحجزوها وهيكلمونى تانى لما تيجى اروح اركبها على الضمان ولكن انا غير مقتنع تماما وغير راضى عن التشخيص ده حاسس انها مش بطاحة خالص لكن من ساعة ما استلمت العربية لحد ماجيت والحمد لله محستش صوت التكتكة ده لحد دلوقتى ربما اكون مختش بالى عشان كنت مركز مع الطريق مش العربية وربما تكون اتظبطت من جراء تربيط العفشة وكده .. الله اعلم

                              بص .. وانا رايح صيانة ال 25 حصل الصوت ده عندي ... بس انا نزلت من العربية و بصيت علي دشمة العجلة اليمين -نزلت تحت العربية- لقيت ان المقص مهوي من عند الجلبة بتاعت الطرف علشان كدة بيتك مع الفرامل او البنزين .... و حتي برضه كان في حدفة طبعا نتيجة البوش ده .... لما قلتلهم مطلوب تغيير جلب ... ربطوها و قالولي لازم تقرير زوايا علشان نشوف هنغير المقص ولا مش محتاج ... بس كده كده الصوت راح و الزوايا ظبطت بعد الربط من غير ما اظبط زوايا ... يبقي كان بس المقص صامولته مهويا مش اكتر و الحمد لله بقالي اسبوعين زي الفل ....... هتلاقي ده اللي كان حاصل عندك


                              3. صوت تصفير من العجل مع السرعات الصغيرة قالوا بعد الكشف ملقوش اى مشاكل (هو انت بتستعبط؟) ولكن اللى يشفعلهم انى فعلا بقالى يومين تلاتة غير النهاردة مسمعتش الصوت اساسا .. ربنا يسهل ومسمعوش تانى

                              هتلاقي التيل علشان بس يعتبر جديد فكان بيلمس مع التراب و القرف اللي في بلادنا ... عادي

                              7. الزوايا وحدفة ناحية اليمين ظبطوها والمهندس قالى التقرير بتاع الزوايا طالع عنب العنب ههههههه .. فعلا اتظبطت كتيير

                              ده يأكد الكلام اللي انا قلتهولك علي التكتكة

                              9. باكيتات الاكصدام الامامى والباب الخلفى شمال كانت سايبة حاجة بسيطة اوى عاوزة تتكبس او تتلزق يعنى هى مش باينة ولا سايبة بشكل يخوف بس قولت مادا رايح اطلع عين ابوهم انما هم قالوا مش هنقدر نعمل فيها حاجة الا لما تسيب خالص .. منطقى لانه عشان يكبسها صح او يلزقها لازم يفكها كلها ويركبها تانى وعلى ايه ماهى حلوة كده

                              دي كلبسات ... انت ممكن انت تفكها و تركبها بس نصيحة طنش علشان اللي يبصلك يلاقي حاججة تكسر عينه و ربنا يحفظك

                              10. رشاشات المساحات كان واحد منهم مسدود شوية والاتنين كانوا عاوز ظبط اتجاهات قالولى ظبطناها ولما طلعت مروح فى الطريق بجرب لقيتهم سلكوه بسيط كده ولا ظبطوا اتجاهاتهم ولا حاجة .. عامة مش مشكلة لان المية بتطلع المساحات قوية ماشاء الله بتنطرها على الازاز كله وتنضفه كويس

                              ممكن تحركها بايديك علشان هيه ليها شفة بتعليها و توطيها ... و لو محتاجة تتسلك هات شعرة سلك نحاس من اي سلك كهربا و دخلها فيها سنة بسيطة و هتسلك


                              11. انا متعود وانا بدور العربية اكون دايس دبرياج عشان لو مبطل على غيار فكنت بحس وانا بدور ان فيه خبطة خفيفة فى الدبرياج كده انا حكيت عنها فى الاخر للمهندس وانا بقوله مشاكلى لكن هو كلفتنى ومحطهاش فى امر الشغل وقال كده كده بنبص على كله .. لما اتسلمت العربية لقيت الخبطة اختفت والحمد لله

                              بصراحة مجربتش خالص ...

                              و الف مبروك علي الصيانة و ربنا يسلم طريقك ان شاء الله
                              [SIZE=6][COLOR=#001109]البريبئ [/COLOR]اتخرم و عايزيين [COLOR=#001109]بريبئ[/COLOR] جديد [/SIZE]:B4_444::dzey:

                              Comment

                              Working...
                              X