اشترى a113 ولا لاء بس ردو عليا بامانة

[mamado_baki]

السلام عليكم

انا عاوز انزل اشترى عربية

ومش عارف اجيب ايه

بس لما روحت المعرض اتفرج على العربية

لقيت شكلها حلو وموصفاتها جميلة جدا

بس انا دة كلو مش يهمنى

انا عاوز حد يكون جربها

ويقولى بامانة اشترى واتوكل على الله

ولا اجيب ايه بدلها فى حدود 50 الف جنيه

===================

تحذير اللون الاحمر مخصص فقط للاداره

مشــرف القسم

[fahd_628]

انا رأى بلاش و انا مجربتهاش بس كان فية اخ معانا فى المنتدى جابها و باعها

[noni67]

انا لسة شاريها لبنت خالى من اسبوع تقريبا
وشايف انها ممتازة
وكنا بيها فى السويس من يومين وكنت طاير بيها 170 كيلو فى الساعه ما شاء الله ثابته جدا
وموتورها قوى جدا عليها والتكييف مش بيأثر فيه بتاتا
وواسعه جدا من جوه والتابلوه بتاعها واهمى وفول اوبشن بصراحه عربية لقطة
اتكل على الله وهاتها

[eng_mkhalaf]

عربية هايلة توكل على الله

[noornoo]

يا اخي اتمنى ان نصل في التطور الى ربع ما عملته الصين ونبطل نطلع عيوب بس .
احنا الشعوب العربيه اختصاصنا النقد الهدام فقط ويراتنا عملنا حاجه تفرح

[Bossy_Fadl]

و الله انا زيك بالظبببببببببببببط

كنت هاموت عليها و الله العظيم

كل ما اقول لحد عاوزاها يقولولي لالالالالالالالالالا الا الاسبرانزا

طيب ليه يا جماعه

يقولولي عربيه مش ثابته و عفشتها مش متينه و الصاج بتاعها ورق و لو فكرتي تبيعيها هتنزل في تمنها عشرين الف علي الاقل اوي

قرفوني و زهقوني بجد

بحس ان الناس بتبعد عن الصيني و تنتقد فيه و خلاص لمجرد انه صيني مش عشان هي دي الحقيقه

لو سالت الناس اللي معاهم صيني هيقولولك ان العربيات جميله و بتتحمل

و لو سالت اي حد تاني معاه عربيه كوري و لا يابانيو لا ماليزي و لا الماني هتقعد تسمع كلام يقرف للصبح

مبقتش عارفه اصدق اللي معاه العربيه فعلا و مجربها و لا اللي معاه عربيه تانية و بيقول وجهة نظر بس

صلي صلاة استخارة و توكل علي الله و لو ليك نصيب فيها هتجيبها

بوســـــــي

[Ayman_Abdullah]

لو لم أكن مصريا لوددت أن أكون صينيا أو هنديا
بصراحة الناس دول عباقرة و بجد عربية تحفة و أنا كمان نفسى فيها جدا

[MomoMedo]

انا رأيي في موضوع العربيات دة تجيب العربية اللي بتحبها وسيبك من كلام الناس
لان كل اللي معاه عربية هيشكر فيها وهتبأى كل العربيات التانية وحشة

[THEMAYOR]

انا انصحك بمحاوله تجربة العربيه من اى صديق و احكم بعدها
و ده الى انا هاعملوه النهارده لانى تعبت جدا من كلام الناس و مبقتيش عارف اجيب ايه
الحيره وحشه جدا لانى معظمنا بيجيب الفلوس ده بعد تعب شديد و غربة و مش عايز يدخل نفسه فى مشاكل.
و هناك قاعده عامه مفيش حاجه كلها حلوه او كلها وحشه . اى عربيه عبارة عن مميزات + عيوب + تاقلمك الشخصى معها و اقناعك بها

فاشترى الى تحس انه مريحك و مقنع بيه

نجى بقى للعربيه : العربيه ده مع 2 زمايلى فى العمل و بيشكروا فيها جدا و للعلم احنا شغالين فى شرم الشيخ. يعنى الناس بتضرب 600 كيلو من القاهرة الى شرم و العكس
و سالتهم قالولى عنها تماما مع بعض العيوب البسيطه التى تحل فى اول زيارة للتوكيل " مثل - تعطل الزجاج الكهربائى - الريموت - الشكمان ".

و لعلمك انا سالت الاثنين زمايلى و شكروا فيها و سالت باقى زمايلنا الى بيستلفوها منهم لقضاء بعض الرحلات او المشاوير بيشكروا فيها برضه مع تعليق ابعد عن الصينى و غنيله

عن نفسى قررت استلفها منه النهارده بعد الشغل و هاخدها منه يوميا لفترة 10 ايام
للخروج بها مع زوجتى و من خلال تجربتى الحقيقيه لها هقرر . لو ارتاحتلها هجيبها بدون تردد حتى لو من بلاد الواك الواك او متصنعه تحت بير السلم

مش عربيه كويسه و انا مرتاحلها و هتكفينى شر المواصلات و البهدله و حط فى دماغك العربيه هتجيبلك عربيه . اعتقد انى الحيرة الشديدة بتقبى فى اول عربيه تشتريها و بعد كده قلبك بيجمد و الى مش مريحك هتغيره

اسف للاطاله بس قولت افضفض شويه احسن اتخنقت من اراء الناس

نجيب فيرنا ---- لا وحشه بتعوم

نجيب اسبيرانزا ---- لا صينى

نجيب نيسان ----- عفشتها مش حلوه

نجيب شيفروليه ---- قطع غياره غاليه على الفاضى ده الدايو سابقا

نجيب ماتريكس - الالنترا ---- ابعد عن غبور

نجيب لانسر ----- بتاكل تيل و مش حلوه و بقت مرترترة فى الشارع

نجيب شيروكى ---- هتسد بنزين منين

نجيب عربيه صغيره "الالتو - بيكانتو - برادوا " ---- متستحملش سفر و علشان اغراضك انت و البيت

نجيب مستعمل ----- خاليك فى الزيرو اضمن

نجيب زيرو ----- مش اول لما تشطح تنطح

طب نركب مواصلات ---- ايه ياعم البهدله ده هاتلك حته صغيره ليك و لمراتك

فاتذكر عند كتابتى هذه قصه حجا و ابنه و انك صعب تمشى ورا كلام كل الناس

فشوف الى مريحك و جمد قلبك و امشى بدماغك بعض دراسة متانيه و صلاة استخارة لنوع العربيه التى تريد امتلاكها

و ده خلاصة القول

انا هامشى بقى علشان الضرب هيشتغل عليا على ودنه

[hotboja]

ايوة صح عندك حق يا THEMAYOR

اكيد الحل فى الريسسس انا بفكر فى الريس هو احل

الريس هو الحل الريس هو الحل

ههههههههههه

[eng / AhmeD]

عزيزي THEMAYOR
ربنا يفتحها في وشط و يوفقك في الاختيار

[hotboja]

بس بنسبة للموضوع انا شايف انك تروح تركب العربية وتشوف ابعدة اية هترتح فية ولا لا

وياسلامممممم لو فى دريفف تاست

هتعرف اذا كنت عايزة ولا لا

وربنا يوفقك

[THEMAYOR]

انا اسف لو كنت ضايقتكم براى بس ادينا بنتناقش مع بعض و الى شايف حاجه بيقولها للتانى و لا ايه

اخى HOT BOJA انا بقى بافكر فى الطيارات احسن و اريح و مفيش لجان تقرفك

حته طياره صغيره ب 200 الف و شكرا

بس تعتقد الناس مش هتلاقى فيها عيوب

انا مش ضد من يحاول بابداء رايه لان الاراء ده هى الى انا بكون خبرتى من خلالها لانى مش هاقدر اجرب كل العربيات

فانا نفسى يبقى الموضوع عباره عن العربيه الفلانيه - مميزاتها كذا - عيوبها كذا
و انت قرر مش كل واحد جاب عربيه و طلع نصيبه فيها مش حلو يبقى كل العربيات من الموديل ده وحشه

هاحيلكم على حاجة " اسف اصل انا رغاى شويه "

و احد صاحبى بيحب يغير عربيات كتير و مبيركبش غير زيرو جاب ياريس اشتكى من العفشه و باعها بعدها بفتره جوز اخته جابها بيجربها منه لاقى مفيش العيب ده
فبيسال قالوله حضرتك طالبتها عفشة رياضيه و ده بتبقلا ناشفة شويه عن العادى . يعنى مش عيب و لا حاجة . طب بعد ما باع اشترى النترا و كان عنده مشكله تقريبا فى الشاسيه بعد استلامه بايام . و صلحه لانه بدا يقتنع انا مش هاقضى حياتى كلها تنطيط من عربيه للتانيه . اثبت على موديل و احاول اشوف عيوب ايه و احلها او اتاقلم معها على حسب ظروف سواقتى

عموما هى قرف يعنى لو قرفتك حلوه عربيتك هتبقى حلوه

[hotboja]

فكرة الطيارة حلوة بس مش هتلقى مكان تركنة ممكن هلكوبتر على السطوح بقى وتبقى احلة مشور فى ثوانى

لا يامان عندك حق فى وحد مرة قالى لم تيجى تعمل مشروع اسئل 10 هتلقى 9 يقلولك بلاش

وحدة يخوفك من الموضوع هى فى الاخر نصيب وربنا يوفق الجميع

[zazaza20002000]

لااله الا انت سبحانك اني كنت من الظالمين