لعشاق التظبيط فقط للأسبرانزاويه ( مصور )

[king516]

انا كنت كاتب الكلام ده فى مشاركه فى احدى الموضوعات لكن عشان الأستفاده الكامله انا عملت بيه موضوع وهو عن الDVD والطاره المالتى فانكشن

صوره الDVD اللى ناوى بأذن الله اركبه يوم الأربع اللى جاى وهيوصل من الصين بكره ان شاء الله :








طبعا ده زائد كاميرا خلفيه + كارت ميمورى 2 جيجا + GPS للطرق المصريه

ودى صوره الDVD الخاص بالتيجو





ودى لعشاق الM11 اتفضلو





اما بخصوص الطاره المالتى فانكشن فقطعت شوط طويل فيها ودى صورتها :





ولسه فى مفجأأأأأأأأأأأأأأأأأأأأأأأأأأأأأأأأت كتير جدا جدا بعملها فى العربيه زى :

- تصميم جراب نظاره فوق رأس السائق
- عمل التابلوه ابانوس وطفايات الأبواب
- طبعا + الحاجات اللى كاتبها فى المشاركه اللى فوق زى الزينون وشغل الفيبر
- غير طبعا النواكل .

ولسه مفاجأت فعلا محدش يتوقعها
وانا عارف ومتأكد ان ممكن ناس تقول ده جنون او سفه او عبط لكن انا مبهتمش غير براحه نفسى وعربيتى لأنى من عشاق حاجه اسمها عربيات رغم انها بعيده كل البعد عن مجال شغلى

[king516]

واى حد عايز يعرف ازاى يظبط عربيته يسأل وانا اجاوبه فى كل اللى هو عايزه سواء

tiggo- m11 - 516 - 113 - 620

وانا تحت امر حضرتكم
علما انى مش تاجر ولا ببيع شىء لكن ده للأفاده فقط وانا دورى انى اقول فين وازاى يتم الحاجات دى

[angry_devil]

تمام بس العربية دي كويسة ؟؟ بصراحة عجباني وبفكر فيها انا معايا جوليت وبفكر اجيبها بس في تردد

[king516]

تمام بس العربية دي كويسة ؟؟ بصراحة عجباني وبفكر فيها انا معايا جوليت وبفكر اجيبها بس في تردد

بص هقولك حاجه قلهالى مهندس فى التوكيل قالى ابو الفتوح بيعتمد فى الأسبرانزا على نفس فكره الدايو بفئتها يعنى بالعاميه وببساطه كده :


النوبيرا = 516
الليجانزا = 620
اللانوس = m11
الجوليت = m12
الماتيز= 113

مع الخلاف فى كل شىء ولكن التشبيه لمجرد بس تشبيه الفكره التسويقيه والبيعيه لأبو الفتوح


ويشذ عن القاعده دى ال213 والتيجو طبعا

[katoba]

سعرة كام الدى فى دى يامان بتاع الm11 ومصنعية تركيبة بتتكلف كام ؟؟

[king516]

سعرة كام الدى فى دى يامان بتاع الm11 ومصنعية تركيبة بتتكلف كام ؟؟

ده سعره بيتراوح من 284 : 300 دولار بخلاف مصاريف التحويل والشحن طبعا وده سعر الجهاز صافى بدون اضافات يعنى من غير كاميرا خلفيه ولا اوبشنز زياده لأن كله بتمنه عندهم
وطبعا ده مبيتبعش هنا فى مصر ولو حد قال لك اجيبهولك من مصر يبقى كداب لأنه ممكن يجيبلك واحد فعلا لكن موتيفو اللى هو بيركب لكل العربيات لكن اللى فى الصوره ده بتاع فبريكه الأم 11 اللى يركب عليها تماما

[hugan]

شغل جامد
منتظرين الطفايه الابنوس
وجراب النضاره
والتابلوه
وياريت لو في شغل في فرش الابواب

[vengaboy_egypt]

ياريت ياباشا تقولنا لو الواحد حابب يشترى الحاجات دية من النت من انى مكان؟
انا عايز الدى فى دى والكاميرا بتاعت ال m12

[king516]

انا تحت امر حضرتكم الموقع اسمه heppa والكونيكشن مع مديره التسويق وهى شخصيه متعاونه لأقصى درجه وبتابع معاك لحد الأخر واسمها TINA ZU وانا فضلت اسألها عن الجهاز كل يوم لمده 4 ايام وهى تجاوب وبالتفصيل وتقولى اعمل ايه واروح فين لأنهم بجد ناس بيحترموا العميل اكتر من اى حاجه عنده تانيه يعنى التعمل معاهم سهل جدا جدا بشرط طبعا اجاده اللغه الأنجليزيه طبعا وانا تحت امركم فى اى استفسار

[kimocyc]

الطارة الملتي فانكشن يا نجم.. تفاصيلها ايه ؟؟

[moh_ammar_2000]

طيب انا عاوز الDVD ل m11 و عاوز طارة سبور اجيبهم منين من مصر؟

[egypt0777]

تصدق الحاجات ده شديده جدا و خطيره على العربية

بتفكرنى ايام لما كنت بروح ابو رواش و مرة واحده لقيت عربية اسبرانوا 516 اتوا

ايه و الله اوتو على ابوها اللى هيا 2000 سى سى و لما سالت المهندس قالى ان ده العربية اللى جابوها عشان يجربوا العربية فى مصر الاول تست يعنى

المهم ابوص على الفرش و الطالبوه و الطارة المالتى فنكشن و الاكر الداخلية حاجة تانية خالص و الجنوط و السنسور و الحلى اللى حولين الابوب و الفوانيس النضيفة و عاصية الفتيس اللى مش مغطيها عشان متقشرش و ذراع الفرامل و و و و و و و و و و و و و

تلاق انك لا مؤخده عاوز تروح تضرب ابو الفتوح و تدعى علية

فعلا العربية ده لو سابعها على ابوها كانت كسرت الدنيا

بس تقول ايه غباء سياسى

[attiahf]

الطارة الملتي فانكشن يا نجم.. تفاصيلها ايه ؟؟

متابع جدا؟؟؟؟
ممكن اركب المالتى فانكشن فين وبكام

[king516]

الطاره المالتى مش من مصر لكن بتيجى من الصين وتمنها 79 $ بخلاف مصاريف الشحن والجمارك
ومصاريف الشحن 117 $ والجمارك هتكون 30 $ + بوليصه المحجوزات لدى شركه االشحن وتمنها 265 ج
والأسعار دى مؤكده ومظبوطه مليون%

[attiahf]

يعنى الحوار حوالى 200 دولار ممكن الواحد فعلا يفكر فى الليلة دى