""" رجــــــــــــــــــــــــــــــاء """"

[hima77]

منورين يا رجاله باقي كمان كام عضو يدخلوا ويقولوا رايهم في الموضوع ... وها قولكم علي حاجه كويسة

[king516]

والله انا فخور جدا من ملاك العربيه دى عشان ناس افاضل زى حضرتكم معاهم العربيه دى لكن عايز اقف عند نقطه معينه وهى
العربيه حلوه وجميله وكل حاجه لكن توكيلها هو اللى حرامى وميستهلش العربيه دى ابدا ونتكلم عن الأسباب :

- عدم توافر قطع الغيار الأساسيه لغير ال516 وال113
- اجبارك على الصيانه كل 3 شهور ( سياسه نصب علنى ) يعنى العربيه تبقى مثلا عامله 7 الاف كيلو تكون مجبر انك تعملها صيانه ال20 الف ده لو استخدامك متوسط او قليل
- ارتفاع سعر قطع الغيار بصوره مبالغ فيها
- لازم تاخد حقط بصوتك مش بالذوق ولا الأحترام
- فنين يكادو ميفهموش حاجه واهم حاجه عندهم ان العربيه تعد فى وقت جوه .

كل الكلام ده كوم بعيد عن العربيه اللى بحمد ربنا انه رزقنى بيها رغم انى ولله الحمد امكانياتى كانت تسمح انى اجيب كيا سيراتوا اعلى فئه زى اخويا الصغير لكن انا فضلت انى اوفر باقى المبلغ واحطه فى شغلى واكسب من ناحيتين والحمد لله كل يوم بكتشف انى صح وان الغلطه الوحيده ان العربيه دى توكيلها لأبو الفتوح بس واسف على الأطاله

[samehsalem]

انا رأيي منديش اهمية لحد من الناس اللي بتشتم ونخلينا في عربيتنا احسن عشان مفيش فايدة من الكلام مع حد نريح دماغنا ونرد علي المشاركات اللي فيها افادة لكل اللي معاه العربية وغير كدة نكبر بقي واللي يشتم يشتم واللي يتكلم كويس احنا معاه

[aboomarahmad]

السلام عليكم:
إخواني المحترمين....
تسمحوا لي أدلي بدلوي في الموضوع كله عن تجارب شخصية في كل حاجة...
أولا: أنا عندي التيجو الـ2000 سي سي مو 2010 ويمكن بعض الأعضاء المحترمين هنا يعرفوني من مشاركاتي ومقابلتي ببعضهم...يعني انا مش منحاز للعربية ولا للتوكيل
نمسك كدة نقطة نقطة من اللي كتبها الأخ المشارك ويارب اقدر افيدكم...
والله انا فخور جدا من ملاك العربيه دى عشان ناس افاضل زى حضرتكم معاهم العربيه دى لكن عايز اقف عند نقطه معينه وهى
العربيه حلوه وجميله وكل حاجه لكن توكيلها هو اللى حرامى
أنا شايف انه بلاش نغلط بالصورة دي لأنه فعلا انا كان معايا النيوبيرا من 2001 والتيجو دلوقتي....اللي بشوفه عنده بيحصل زيه و اكتر في عربية تانية عندنا وهي رينو ميجان
وميستهلش العربيه دى ابدا ونتكلم عن الأسباب :

- عدم توافر قطع الغيار الأساسيه لغير ال516 وال113
في لستة بأسماء محلات بيع قطع غيار السيارات الإسبرانزا كلها وسط البلد ومصر الجديدة واسكندرية:

التوفيقية :
عزيز سليمان و شريكه
العنوان : 12 شارع البورصة - التوفيقية - القاهرة
تليفون :025745068 - 025777327
فاكس: 025765522 - 025755482
ووجدي ممدوح المليجي
16 شارع زكي بالتوفيقية
تليفون 25787652
محمول0103880032
أبو عوف
العنوان: التوفيقيه - السنتر الجديد
التليفون: 0111923777
(البيع جمله و قطاعي)
مصر الجديدة :
السويسى
28 ش دمشق مصر الجديدة
ت 24535196 موبايل 0101454257
مركز بكين لقطع غيار السيارات الصينية
21 ش دمشق روكسي مصر الجديدة
ت 22562936 موبايل 0113288068
طلعت
شارع دمشق
أولاد زكى جرجس
44 شارع دمشق (بالقرب من ميدان الجامع مصر الجديدة)
المعادى:
الحسن -لقطع غيار السيارات
48 شارع 77 - المعادي
تليفون: 0123104040
فيصل:
الاسناوى
برج الاطباء - اول فيصل
حلوان
العمدة لقطع غيار العربيات اليابانية والكورية والصينية
33 ش احمد انسى - تقاطع ش شريف بجوار بنك مصر فرع حلوان
تليفون 29732137 - 0163903003
حدائق حلوان
الاسراء لقطع الغيار
46 ش توتنجى - حدائق حلوان
23708885
0171456660
0111644496
الإسكندرية:
الجمال
8 ش بيبرس المتفرع من ش صلاح الدين - أمام مديرية الأمن
033914347
0122243043
مينا و جوزيف
شارع جمال عبد الناصر و محمد نجيب
امام محلات اتومبيل صادق للكاوتش
طنطا :
ابو عوف لقطع غيار الاسبيرانزا
طنطا شارع صدقي مع محمد فريد
0403300056
0409115744

وللأمانة ده كله منقول من منتدى تاني لكن ناس كتير جربتهم
- اجبارك على الصيانه كل 3 شهور ( سياسه نصب علنى ) يعنى العربيه تبقى مثلا عامله 7 الاف كيلو تكون مجبر انك تعملها صيانه ال20 الف ده لو استخدامك متوسط او قليل
انا لسة كنت عندهم في ابورواش م.محمد العطفي عشان مشكلة في الشكمان...العربية آخر صيانة لها كان من 10/2010 قراءة7111كم يعني من 7أشهر تقريبا فالراجل لفت نظري للموضوع وقالي انت كدة مسقط صيانتين فالأفضل تعمل دلوقتي الصيانة..زيت وفلتر يعني...فقلت بكام قال 470ج. لكن ماكنش معايا اللي يكمل ومع ذلك الناس عملوا الشكمان داخل الضمان ببلاش وكان تغيير للعلبة الوسطانية بالماسورة الأمامية والخلفية بتاعتها
إذن مش بيصروا اوي على حتة ال3 شهور دي بالرغم ان في الميجان عند والدي بيدقوا عليها

- ارتفاع سعر قطع الغيار بصوره مبالغ فيها
والله من كلام الناس بالمحلات المذكورة عاليه ممكن تشيك على كدة ربما هتلاقي العكس
فلتر الزيت كان ب30ج. وفي واحد قابلني في التوكيل بتيجو 1600 سأل على الإكصدام الأمامي في التوكيل كان 700 جابه من برة 110ج أو 170ج. مش فاكر اوي.....بس ده كلامه

- لازم تاخد حقط بصوتك مش بالذوق ولا الأحترام
برده الكلام ده 100x 100 حرام...سواء في تكنو المهندس خالد محي الدين او خالد غنيم او محمد عوض
وفي ابورواش محمد العطفي او م.احمد غريب او م. ابوبكر او م. صافيناز.....والله كانوا معايا غاية الإحترام والذوق
عيبهم الوحيد التأخير في شغل العربية وربما ده للزحمة عندهم
- فنين يكادو ميفهموش حاجه واهم حاجه عندهم ان العربيه تعد فى وقت جوه .
اللي اعرفه من تجربة اخو المدام عندي معاه تيجو 1600 مو 2010...عمل بيها حادثة موت من سنة...وهو مهندس ودايما بيدقق في كل حاجة كان بيمدح فيهم جدا ورجعوا العربية زي ماكانت
انا شخصيا اول ما اشتريت كان من ابوغالي....كان في طقطقة في العجلة الشمال الخلفية....طلع عينهم وفي الآخر
رجعت العربية واخدت واحدة تانية....بعد الترخيص لقيت فيها نفس العيب قالوا رولمان بلي ولازم تروح توكيلها الأصلي...ودي كانت اول تجربة ليا...رحت تكنو الراجل اول ما سمع الصوت قالي مين اللي قالك رولمان بلي؟؟؟ ده رجلاج كابل فرامل اليد وفعلا نزل واتعملت في 5 دقايق وانتهى الموضوع ولله الحمد

كل الكلام ده كوم بعيد عن العربيه اللى بحمد ربنا انه رزقنى بيها رغم انى ولله الحمد امكانياتى كانت تسمح انى اجيب كيا سيراتوا اعلى فئه زى اخويا الصغير لكن انا فضلت انى اوفر باقى المبلغ واحطه فى شغلى واكسب من ناحيتين والحمد لله كل يوم بكتشف انى صح وان الغلطه الوحيده ان العربيه دى توكيلها لأبو الفتوح بس واسف على الأطاله[/QUOTE]
انا اللي شكلي طولت جدا عليكم بس ارجو اني اكون افدتكم في حاجة......والله أعلى وأعلم

م.ياسر

[calipha3]

الحمد لله من كتر ما الناس هنا بتشتم فيها و في توكيلها انا قررت اشتريها و حجزت 113 النهارده و ربنا يستر :))

[esam722]

انا اللي شكلي طولت جدا عليكم بس ارجو اني اكون افدتكم في حاجة......والله أعلى وأعلم

م.ياسر[/QUOTE]
شكرا لتوضيحك

وعلى فكرة قبل كده الواحد مكانش بيقول الكلام ده علشان اول حاجة هتتقال انك تبع ابو الفتوح

للاسف الواحد كان بيفكر الف مرة قبل مايكتب اى تعليق

وربنا يتوب علينا

[king516]

يعنى افهم من كده ومن كلام الناس المحترمه ان توكيل ابو الفتوح احسن توكيل او توكيل حتى جيد

انا اراهن واتحدى لكن بشكل اخوى ( عشان ميتفهمش كلامى غلط ) ان لو عملنا استطلاع الأن على توكيل ابو الفتوح ( مش العربيه ) التوكيل نفسه لو اخد جيد يبقى انتصار حقيقى ليه

وهنروح بعيد ليه ده لينك الأستطلاع من قلب المنتدى وبأختيار الأعضاء واخد سىء بأكتساح واللينك اهو :

http://www.nilemotors.net/Nile/21226-a.html

وكمان عشان لو حد مش عايز يدخل على اللينك ادى صوره للأستطلاع اهه :

[king516]

عايز اشوف اصحاب الرأى اللى بيقول ان توكيل ابوالفتوح ممتاز وجميل والدنيا حلوه عندهم
يمكن دى حاله فرديه لواحد او اتنين والله اعلم لكن الأغلبيه قالت كلمتها وانا مش عايز اجيب استطلاعات وحكاوى من منتديات تانيه منافسه ومينفعش اذكر اسمها
هتلاقى ابو الفتوح متمرمط بمعنى اللفظ فى الأستطلاعات !!!!!!!!!!!!!!!!!!!!!!!!!!!

انا جبت الدليل اللى عندى ان ابوالفتوج توكيل سىء جدا جدا

ممكن بقى اى حد من الناس الأفاضل اللى بيشكروا جامد كده يورينا دليل واحد قصاد دليلى

[king516]

وياجماعه والله للمره المليون انا مش بشتكى من العربيه لكن التوكيييييييييييييييييييييييييييييييييييييييل نفسه

ومش عايز احكى واقول اصل حصل كذا وكذا معايا لأ انا جبت رأى الناس ملاك العربيه ولو سمحت لى اداره المنتدى ممكن اجيب بلاوى عن التوكيل ولوعايزين من منتديات اخرى و كمان انا اقدر اجيب لكم الأحكام اللى صدرت ضده من 2007 حتى 2011 بسبب توكيله السىء اللى حضراتكم بتشكروا فيه


واخيرا انا بعتذر لو حد زعل منى لأن لازم علينا كلنا نحترم مشاعر وعقليه بعض مش نقول على حاجه جيده لمجرد موقف عابر او واجب عمله التوكيل اتجاه وجبات كتييييير جدا ملزم بيها تجاه العميل

وبعتذر ليكوا لو اسلوبى ضايق حد وفى انتظار ردودكم وتعليقاتكم حتى نجعل جو المناقشه فى مدى واسلوب حضارى يناسب المكان الجميل اللى احنا فيه

[hima77]

عن نفسي ماقدرش اقول ولا كلمة عن التوكيل لاسلبا ولا ايجابا .. لانه حتي الان لم اتعامل معهم ويارب دايما ( هو موقف البطارية زي ما ذكرتة سابقا فقط ) واتحل في نفس اليوم مع الصيانة الفوريه ... لكن لي ملاحظة علي استطلاع الرأي المرفق من الااخ العزيز King 516
كل المشتركين في استطلاع الرأى 197 عضو ... 94 رأيهم ان التوكيل سئ ولن يذهبوا له مرة ثانية بنسبة 47.72%

الخلاصة يعني ... ان نصف المشاركين في الاستطلاع قالوا التوكيل سئ والنصف الثاني قالو التوكل جيد فيما فوق منهم قال انه ممتاز ..اذن لا يوجد اكتساح في التدني اوالسوء ... انما فيه انقسام في راي التقييم وده شئ طبيعي من وجه نظري

علي سبيل المثال ... اكثر العربيات انتشارا في مصر هي هيونداي لو اتعمل استطلاع للراي عن خدمة التوكيل هتلاقي اكثر من 30% من ملاك العربية غير راضيين عن التوكيل ..

[zipper]

السلام عليكم ورحمة الله و بركاته

الموضوع بتاعكم جميل جدا و شيق واقترح ان اللعاوز يشتم يشتم والعاوز يشكر يشكر بس من غير ما نحجر على راى حد خالص طول ما هما معاهم ما يؤيد ادعائتهم ولكن من واجنا ان نحترم الراى والراى الاخر ان شايف العربية ماشاء الله

[sv065]

هيما 77 مفيش فايده

قدر قسم الاسبرانزا انه القسم الوحيد الذي لايتم اتخاذ اي اجراء فيه لمنع من يحاول تضليل الاعضاء

السلام عليكم

الفاضل hugan وكل السادة الأفاضل بقسم إسبيرانزا


الإدارة ليست من مهامها أن تحجر علي أي رأي للأعضاء أيا كان إتجاهه ... طالما أنه لا يتجاوز قوانين وقواعد المنتدي وعلي صاحب الرأي أن يتحمل امانة الكلمة


وأي تجاوز أو مخالفة لهذه القوانين يرجي الإبلاغ فورا بتقرير مشاركة سيئة عن طريق الضغط علي الأيقونة الحمراء أسفل بيانات المشاركة فيتم تبليغ الإدارة التي تطبق قوانين المنتدي علي المخالفين ولا تهاون في ذلك مطلقا.


ولي رجاء خاص أهمسه في أذن كل السادة الأعضاء ومن قبلهم أذني..
وهو التحلي بالصبر والهدوء وعدم الإنسياق وراء الجدال الذي لا يفيد فمن المؤكد أن كل مالك سيارة قد تحري الدقة والبحث جيدا قبل شراء سيارته وليس لمجرد أنه سمع عنها كلمة مدح... فضلا عن أنه لن يتخد قرار بالتخلص منها لمجرد أنه سمع عنها كلمة ذم ...


فالملاحظ منذ فترة أن صفحات القسم الصيني قد تحولت لساحات للندية بين الأعضاء بدون أي داعي وبدأنا نخرج عن الإتجاه الأسمي للمنتدي من حيث تبادل الخبرات والمعلومات والبحث والإطلاع علي كل ما هو جديد وإكتساب صداقات طيبة مع باقي الأعضاء ...إلخ


..ولك ان تتخيل كم المجهود الرهيب الذي تبذله الإدارة للحفاظ علي هذا الصرح الكبير الذي مما لا لا شك فيه أنه عاد بالنفع علينا جميعا بدأ مني شخصيا وحتي كافة الأعضاء حتي من خارج مصر ووضع منتدانا نايل موتورز علي قمة المنتديات العالمية المتخصصة في مجال السيارات..


فلتهديء من انفعالك ولا تفسد علي نفسك متعتك بسيارتك فانت أكثر من يعرفها عن تجربة واقعية

تحياتي للجميع

[esam722]

على فكرة ياجماعة موضوع الرضا ده شىء نسبى

انا مش بقول ان توكيل ابو الفتوح ممتاز او مفيش بعد كده بل انا على العكس انا حصل موقف معايا لما العربية بتاعتى اتخبطت وفضلت اعملها فى التوكيل (ابو رواش)على حساب التأمين وطبعا بعد الوقت اللى عدى 24 يوم علشان اغير اكصدام ورفرف يمين بالكشاف الامامى وانا بستلم العربية لقيت فرق بسيط فى الاكصدام بعد يومين (الاكصدام ريح شوية )رحت لورشة السمكرة مع اول صيانة والناس بكل ذوق قالولى فى اى وقت تكون فاضى فية احنا تحت امرك ونعالج العيب ده هو العيب يبان انه بسيط بس معلش انا وديت العربية التوكيل واتحملت نسبة من التكاليف علشان العربية ترجع فبريكة

ممكن مع حد تانى مش هيوافق على العيب ده ويعمل مشكلة او ياخد فكرة سيئة

الخلاصة ان موضوع الاهمال بقى ثقافة فى البلد وبتختلف نسبتة من مكان لمكان

[hugan]

الساده الا عزاء
سبب المشكله في وجهه نظري ليست التوكيل
اتفق معكم حسب رؤيه البعض ان التوكيل في غايه السوء ولن استطيع ان احكم علي هذه النقطه لاني فعلا تركت التوكيل من 30000
وخرجت من الضمان

الفكره كلها في من يحول التشويه في السياره بصوره متعمده بدون وجه حق
السيد الفاضل منسق القسم
اتفق مع حضرتك في كل ما قولته
لكن لو كان عرض الرايء ووجهه انظر بطريق حياديه او ان المشكله موجوده فعلا
لكن الامر تحول الي معركه لتطفيش كل من يسال عن اي شيء في الاسبر نزا
كل ذنب السياره انها من عند ابو الفتوح
بغض النظر عن هل فعلا الاسبرانزا سياره تستحق الاقتناء ام لا تستحق ان يدفع فيها 1000 جنيه علي سبيل المثال كما يحول ان يصور البعض
وتحولت كل المواضيع الي صراع شخصي بينه وبين الوكيل الذي لا يعرف اصلا من يشوه صورته

[hima77]

هما راحو فين ؟؟؟؟؟