عيب خطير!!

[RAAFAT10]

البيضة الدهب

وبالمنطق كدة حد يسيب الفرخة اللى بتبيض دهب .

[SAMER_ENGINES]

على فكرة انا اتفاجأت بعلامة دودج علي العربية و طالما انى شركة عملاقة و كبيرة زى دودج حطت علامتها على العربية دى معنى كدة انها عربية حلوة لانى الشركات دى مش اى حد كدة ياخد علامتها يحطها حتى شركات التعديل لما بتعدل لازم تاخد موافقة الشركة الام الاول عشان تحط العلامة تانى على العربية.
و كان الوالد رحمه الله حكالى انى واحد معرفة تقريبا كان عمل تعديل فى راديو فيليبس و بعت التعديل ده لشركة فيليبس و كان ردهم انزع علامة فيليبس من على الجهاز و افعل ما شئت و الا تتعرض للمسائلة القانونية.
فعلامة دودج دى شئ مطمئن جداً.

[egypt0777]

متابع

[raedegypt]

ركبت مع سواق تاكس قال لى غلطه عمرى سمعت كلام الناس واشتريتها تاكسى ياريت الواحد كان جاب الفيرنا ولا اللانوس عندى مشاكل ما حد عارف يصلحها الصينى يغوررر بنفس الكلام دة قال لى والله . هو الصينى اكسسوارات وكماليات بس انت حدد موقعك من الاعراب عايز تشترى كماليات ولا عايز عربيه بجد؟؟؟ جاوب على السؤال ها ترتاح وتتوجه صح

[SAMER_ENGINES]

طيب ممكن نعرف من حضرتك لو كنت اتكلمت معاه فى التفاصيل أيه نوعية المشاكل اللى قابلته لانى ممكن مشكلة كبيرة عند حد تبقى عند حد تانى مشكلة هايفة او مش مشكلة اصلاً..
ممكن مثلا مشكلته استهلاك البنزين و دى عند حد تانى مش مشكلة كبيرة ده مثلا طبعاً فياريت لو حكالك حضرتك تقولنا.

[egyptiandiver]

In this price range I think it is much better to buy a Lanos, one friend of ours had a new speranza & complained about many things in it - it was "zero" when she bought it & instead of enjoying her new car she kept visiting the dealer to fix many problems.
After this she bought a new lanos & she had no problems
the lanos enjoys cheap original spare parts & all the mechanics can work in it without problems just like the old Fiat cars in Egypt
so why create a problem for yourself...
some speranza cars are ok while others have some problems
The money is yours & the option is yours too
Good luck
Ahmed Samy
========

[katoba]

محدش بيرمى فلوسة عالارض ويدور على الاوبشن وخلاص .. كل واحد بيشوف الانسب لية اية وصدقونى فى الفئة السعرية دى واعلى منها بكتير مفيش عربية جايبة من الاخر كله مشاكله كتيرة حتى اللى مشاكله اقل مصاريفه اكتر وانا شخصيا بقيت بسال الناس فى الشارع على ارض الواقع الى معاهم سيارت اسبرانزا والناس رايهم ايجابى جدا وعجباهم اوى لدرجة
انى بسالهم عن مشاكل هنا فى المنتدى بيقسموا انها مبتحصلش معاهم .. اصدق مين ولا مين .. انا معتش فاهم حاجة

[khaled_Saga]

محدش بيرمى فلوسة عالارض ويدور على الاوبشن وخلاص .. كل واحد بيشوف الانسب لية اية وصدقونى فى الفئة السعرية دى واعلى منها بكتير مفيش عربية جايبة من الاخر كله مشاكله كتيرة حتى اللى مشاكله اقل مصاريفه اكتر وانا شخصيا بقيت بسال الناس فى الشارع على ارض الواقع الى معاهم سيارت اسبرانزا والناس رايهم ايجابى جدا وعجباهم اوى لدرجة
انى بسالهم عن مشاكل هنا فى المنتدى بيقسموا انها مبتحصلش معاهم .. اصدق مين ولا مين .. انا معتش فاهم حاجة

روق بالك يا احمد لولا اختلاق الاذواق لبارت السلع .. ولا انا غلطان؟؟؟

[katoba]

خلود حبيب قلبى .. واحشنى كتير فينك ؟؟ صح كلامك يامان لولا اختلاف الاذواق لبارت السلع , فية عربيات بتشوف الناس راكباها وتستغرب جدا وتقول انا لو معايا تمنها عمرى ماكنت اجيبها بس سبحان الله فعلا كل حاجة ليها رزقها وسوقها .. تحياتى ليك ياخلود ومتقلقش انا بالى رايق عالاخر والى مقتنع بيه بعمله

[SAMER_ENGINES]

ندخل بقية الاقسام و نشوف انا بعمل كدة لازم تلاقى مشاكل و فى عربيات حرام على تمنها يكون فيها مشكلة و لو تافهة حاجات بـ 120 و بـ 150 الف و فيها مشاكل و الامثلة قدامكم فى الموقع و العربية الغالية لو حتى فيها مشكلة واحدة و يمكن مشكلة هايفة ممكن تكلفك اد مشاكل الاسبيرانزا كلها.

[hzmmmk]

ركبت مع سواق تاكس قال لى غلطه عمرى سمعت كلام الناس واشتريتها تاكسى ياريت الواحد كان جاب الفيرنا ولا اللانوس عندى مشاكل ما حد عارف يصلحها الصينى يغوررر بنفس الكلام دة قال لى والله . هو الصينى اكسسوارات وكماليات بس انت حدد موقعك من الاعراب عايز تشترى كماليات ولا عايز عربيه بجد؟؟؟ جاوب على السؤال ها ترتاح وتتوجه صح

على فكرة سواق التاكسى له منطق مختلف عن سواق الملاكى
سواق التاكسى عايز قطع غيار ببلاش
و لا يعنيه التكنولوجية اللى موجوده فى العربيه زى موضوع الحساسات الكتير اللى موجوده فى الاسبيرانزا هوا عايزها تمشى حتى لو فيها 100 عطل
عايز يصلحها عند اى حد و مش عايز يروح التوكيل حتى فى المشاكل الكبيرة
عايز يمشى بيها طول النهار فى شوارع مكسر و العفشه تطلع سليمه... طب ازاى
كل ده ليه السواق عليه ضغوط من أقساط الى بيت مفتوح فظروفه قاسيه و العربيه بتشتغل فى ظروف شديدة القسوة
ا

[hzmmmk]

شوف الموضوع ده

شوف الموضوع ده

http://www.nilemotors.net/Nile/226418-516.html

[SAMER_ENGINES]

على فكرة سواق التاكسى له منطق مختلف عن سواق الملاكى
سواق التاكسى عايز قطع غيار ببلاش
و لا يعنيه التكنولوجية اللى موجوده فى العربيه زى موضوع الحساسات الكتير اللى موجوده فى الاسبيرانزا هوا عايزها تمشى حتى لو فيها 100 عطل
عايز يصلحها عند اى حد و مش عايز يروح التوكيل حتى فى المشاكل الكبيرة
عايز يمشى بيها طول النهار فى شوارع مكسر و العفشه تطلع سليمه... طب ازاى
كل ده ليه السواق عليه ضغوط من أقساط الى بيت مفتوح فظروفه قاسيه و العربيه بتشتغل فى ظروف شديدة القسوة
ا

+111111111111111111

كلام صحيح و منطقى 1000000%

و مش دفاعا عن الاسبيرانزا لكن كمان اللى راكب لانوس او فيرنا او حتى بعض سائقى اللادا الجديدة خاصة الانجيكشن من التكسجية بيلعنوا ابو العربيات الجديدة لانه كان فاهم العربيات دى زى الفيات و اللادا القديم يروح لعم برعى الميكانيكى يقوم مسخن له طقم البوجيهات على النار و يغسلهولوا و ركب يا عم و يستنضف له بقية طقم السرفيس من الخردة اللى فى الورشة عنده و تمشى العربية و تمام التمام صحيح طبعا العربية ماشية نص لبة بس المهم تقضى الغرض و المكنة تدور و خلاص يا اسطى و كام يا عم برعى يقولوا 25 جنيه يقولوا لييييييييييه هما 15 جنيه بس و هعمل بنديريتين و حاجى اديهملك.
و طبعا لما العربيات الجديدة دى نزلت التكسجية اجبروا انهم يغيروا عشان لقمة العيش لكن لو كان عليه هو عايز يشغل العربية اللى منظرها بقى يبعث على الشفقة بقية العمر و طبعا لما بدأوا مشوار الصيانة بالعربيات دى بدأوا يشدوا فى شعرهم لانى صيانة الجديد غير صيانة القديم خالص و لما صاحبنا سواق التاكسى بتاع الاسبيرانزا استنصح و راح لعم برعى الميكانيكى بوظ الدنيا و دخل فى متاهات يحمد ربنا انها انتهت على كدة.
و نقطة تانية انى 3/4 اصحاب التاكسيات جايبين سواقين على الاقل وردية واحدة ان لم تكن ورديتين و السواق عايز يطلع إيجار العربية اللى هيديه لصاحبها و عايز يحط بنزين 80 و غاز و عايز بعد ده كله يكسب و لو صاحبها هو اللى سايقها عليه اقساط و صيانة و مصاريف اد كدة فطبعاً فى كلتا الحالتين العربية بتتفحت و العربيات دى غير الفيات و اللادا حمالة القسية بتاعتنا اللى لو حطيت لها زيت قلية حتدور العربيات دى عايزة المعاملة الكويسة الناعمة فطبيعى عند سؤال اى سواق تاكسى من اصحاب العربيات الجديدة اياً كان نوعها و اللى العربية بقالها معاه مدة انه حيقولك الله يلعن ابو الجديد كله.

طبعاً لا أقصد كل سواقين التاكسى لكن غالبيتهم و نقدر نقول 95% منهم و كنت بتعامل مع ميكانيكى كل ما يجي له سواق تاكسى ايام العربيات القديمة كان يمشيه فقلت له ليه كدة ده رزق و جايلك قال لى حقولك على اللى فيها يا بيه السواق من دول يجى و يتعمل له احلى شغل فى عربيته و تيجى تقوله ادفع يقولك كتييييير لا يا عم انا هدفع كذا و بس و معييش هعمل بنديرتين و حاجى اديلك الفلوس و لما تركب معاه يبقى عايز يقلعك هدومك.

[ahmedchina]

أعتقد المقصود بالاعلان بتاع الاهرام هو وكيل كومود الصينية اللى كانت بتتجمع فى الهيئة و الله اعلم

[SAMER_ENGINES]

أعتقد المقصود بالاعلان بتاع الاهرام هو وكيل كومود الصينية اللى كانت بتتجمع فى الهيئة و الله اعلم

ما هو انا نفسى اتأكد دى انهى عربية الكومودو و لا غيرها و انا عارف انها طبعا مش الاسبيرانزا بس نفسى اتاكد حتى من باب الفضول.