خلاص نويت على الاسبرانزا a516

[hanycapoo]

السلام عليكم انا خلاص ياجماعة نويت ابيع النوبيرا حبيبتى واجيب الاسبرانزا ال 516 بس كونت عايز نصيحتكم استلم ازاى وهل موديل 2012 نزل والا لسة لانى سمعت انها هتنزل بفتحة سقف وحساسات بارك لو صحيح تبقة تحفة وادعولى بقى احسن انا قعدت سنة ونصف بجع عنها اراء وربنا يكرمنا جميعا

[egypt0777]

متابع باهتمام مو 2012

[raedegypt]

اخى ماتركب صينى وانت راكب كورى . عفشه تعبانه وخامات وتقفيل تعبان وسيارة بتتصلح فى الضمان ومش ها تحس انك راكب زيرو وسيبك من المنظر والحجم العربيه مش بالمتر والكماليات عاوز عربيه بجد خليك فى الكورى او يابانى

[fineart607]

اخى ماتركب صينى وانت راكب كورى . عفشه تعبانه وخامات وتقفيل تعبان وسيارة بتتصلح فى الضمان ومش ها تحس انك راكب زيرو وسيبك من المنظر والحجم العربيه مش بالمتر والكماليات عاوز عربيه بجد خليك فى الكورى او يابانى

سبحان الله والله عربيه محترمة وربنا يوفقه

[SAMER_ENGINES]

اخى ماتركب صينى وانت راكب كورى . عفشه تعبانه وخامات وتقفيل تعبان وسيارة بتتصلح فى الضمان ومش ها تحس انك راكب زيرو وسيبك من المنظر والحجم العربيه مش بالمتر والكماليات عاوز عربيه بجد خليك فى الكورى او يابانى

متنساش يا استاذ رائد انى الكورى اول لما نزل كله قال عليه كدة و كله قالك هتركب كورى يا شيخ بلاش ارف و طلعت برضه شائعات كتير على العربيات دى زى مثلا انى الاكسيل اول ما نزلت و بالرغم من انى العربية دى اثبتت جدارتها الا انى الناس طلعوا عليها اشاعة انى العربية و هى بتجرى المقص بتاع العجلة بيتكسر و العربية بتنقلب طبعا من شدة السرعة و كسرة المقص و طلعت اشاعة او جايز كان عيب و تلاشوه و كمان قالوا انى صاج العربيات دى زى الصفيح و خاصة برضه الاكسيل و دى بصراحة حقيقة فعلا صاج العربية دى خفيف اوى و كمان لحد فترة مش بعيدة كان كله بيحذر من الفتيس الاتوماتيك الكورى و انه كله مشاكل، و كل عربية لها جنسية جديدة بتنزل بتواجه مشاكل و صعوبات و اقاويل فى الاول بعضها يحتمل الخطأ و بعضها يحتمل الصواب و خاصة لو كانت جنسية العربية دى من دول جنوب شرق آسيا بالذات زى الكورى و الصينى و زى ما الصين يرمز لها الان بسوء الصناعة و التقفيل فده نفسه كان حاصل مع كوريا و كان يقولك انت حتشترى كذا يا عم ده تقفيل كورى ملوش لزمة.
و اذكر الوالد الله يرحمه اللى فضل اللادا عن الكورى فى ذلك الوقت لما اشترينا اللادا لكثرة الشائعات حول الكورى و لانها عربيات كانوا بيقولوا عليها برضه انها زى البطيخة و من كتر ما الواحد سمع كان ليا قرايب معاهم اكسيل و نصحتهم كتير بتغييرها خوفا عليهم و خاصة انهم بيسافروا كتير لكن بصراحة العربية اثبتت جودتها الى حد كبير و لحد ما باعوها و غيروا للأكسنت و غيروا الاكسنت و جابوا فيرنا اللى بجد بقى ناس كتير مش بتشكر فيها فعلاً بالرغم من انى مبيعاتها كتير لكن زى ما بيقولوا على الاسبيرانزا مش معنى المبيعات انى العربية ناجحة و ده شئ صحيح و بصراحة يكفى انى ابو الفتوح بيدى عربية معقولة جدا من ناحية الجودة بالنسبة لسعرها و بكماليات رائعة و بالسعر ده و يكفى انه مش شايل الاى بى اس زى اونكل غبور اللى شايل الى بى اس من الفيرنا و اللى هو شئ يخص امن و سلامة الركاب و السيارة لكن لما حب يوفر شال منها حساسات الركنة و فتحة السقف و عشان نكون منصفين شال الايرباج اللى غالبية الناس مش بتحبه لكثرة مشاكله..
و لو العربية فيها مشاكل تتعمل بـ 5000 و لا 6000 جنيه فده فرق السعر اللى بينها و بين الهيونداى تقريباً فأفضل لى اعدل العربية بالمبلغ ده و اخد عربية فيها كماليات زيادة و جودة ربما تفوق الفيرنا اللى مش عارف بصراحة ليه ادفع فيها حوالى 68000 جنيه فاضية بدون كماليات و كمان ناس كتير قالت فيها العبر مع كامل احترامى لاصحابها اللى ليا اكتر من قريب من ضمنهم.

[hanycapoo]

بيقولو موديل 2012 نازل بفتحة سقف وحساسات وشاشات خلفية وكاميرا عشان تركن وكل دة ب 69 حدسمع حاجة

[hugan]

لا محدش سمع حاجه
ولو ب 69 والكلام ده موجوده فيها
تبقي فله

[esam722]

متنساش يا استاذ رائد انى الكورى اول لما نزل كله قال عليه كدة و كله قالك هتركب كورى يا شيخ بلاش ارف و طلعت برضه شائعات كتير على العربيات دى زى مثلا انى الاكسيل اول ما نزلت و بالرغم من انى العربية دى اثبتت جدارتها الا انى الناس طلعوا عليها اشاعة انى العربية و هى بتجرى المقص بتاع العجلة بيتكسر و العربية بتنقلب طبعا من شدة السرعة و كسرة المقص و طلعت اشاعة او جايز كان عيب و تلاشوه و كمان قالوا انى صاج العربيات دى زى الصفيح و خاصة برضه الاكسيل و دى بصراحة حقيقة فعلا صاج العربية دى خفيف اوى و كمان لحد فترة مش بعيدة كان كله بيحذر من الفتيس الاتوماتيك الكورى و انه كله مشاكل، و كل عربية لها جنسية جديدة بتنزل بتواجه مشاكل و صعوبات و اقاويل فى الاول بعضها يحتمل الخطأ و بعضها يحتمل الصواب و خاصة لو كانت جنسية العربية دى من دول جنوب شرق آسيا بالذات زى الكورى و الصينى و زى ما الصين يرمز لها الان بسوء الصناعة و التقفيل فده نفسه كان حاصل مع كوريا و كان يقولك انت حتشترى كذا يا عم ده تقفيل كورى ملوش لزمة.
و اذكر الوالد الله يرحمه اللى فضل اللادا عن الكورى فى ذلك الوقت لما اشترينا اللادا لكثرة الشائعات حول الكورى و لانها عربيات كانوا بيقولوا عليها برضه انها زى البطيخة و من كتر ما الواحد سمع كان ليا قرايب معاهم اكسيل و نصحتهم كتير بتغييرها خوفا عليهم و خاصة انهم بيسافروا كتير لكن بصراحة العربية اثبتت جودتها الى حد كبير و لحد ما باعوها و غيروا للأكسنت و غيروا الاكسنت و جابوا فيرنا اللى بجد بقى ناس كتير مش بتشكر فيها فعلاً بالرغم من انى مبيعاتها كتير لكن زى ما بيقولوا على الاسبيرانزا مش معنى المبيعات انى العربية ناجحة و ده شئ صحيح و بصراحة يكفى انى ابو الفتوح بيدى عربية معقولة جدا من ناحية الجودة بالنسبة لسعرها و بكماليات رائعة و بالسعر ده و يكفى انه مش شايل الاى بى اس زى اونكل غبور اللى شايل الى بى اس من الفيرنا و اللى هو شئ يخص امن و سلامة الركاب و السيارة لكن لما حب يوفر شال منها حساسات الركنة و فتحة السقف و عشان نكون منصفين شال الايرباج اللى غالبية الناس مش بتحبه لكثرة مشاكله..
و لو العربية فيها مشاكل تتعمل بـ 5000 و لا 6000 جنيه فده فرق السعر اللى بينها و بين الهيونداى تقريباً فأفضل لى اعدل العربية بالمبلغ ده و اخد عربية فيها كماليات زيادة و جودة ربما تفوق الفيرنا اللى مش عارف بصراحة ليه ادفع فيها حوالى 68000 جنيه فاضية بدون كماليات و كمان ناس كتير قالت فيها العبر مع كامل احترامى لاصحابها اللى ليا اكتر من قريب من ضمنهم.

الفيرنا عربية تحفة بس لو كان تمنها 45000 مش 68000


الفيرنا لما تتباع بالسعر ده تبقى سرقة علنى وايه الميزه اللى بتميزها علشان ادفع المبلغ ده

ياجدعان ده الكاملة فيها نازلة بمريات منفلة

[SAMER_ENGINES]

الفيرنا عربية تحفة بس لو كان تمنها 45000 مش 68000


الفيرنا لما تتباع بالسعر ده تبقى سرقة علنى وايه الميزه اللى بتميزها علشان ادفع المبلغ ده

ياجدعان ده الكاملة فيها نازلة بمريات منفلة

بالظبط يا استاذ عصام و بصراحة كدة أنا رغم كل التحذيرات من الاسبيرانزا قعدت حسبتها و قولت كل العربيات فيها مشاكل بما فيها فئة الـ 100000 و انت طالع طيب يبقى ليه اجيب عربية غالية و الاسبيرانزا احتمال كبير تطلع بدون مشاكل خالص و فى الحالة دى يبقى الحمد لله اخدت عربية حلوة و بدون مشاكل و بسعر رائع لكن لو لا قدر الله طلع فيها اى مشكلة فممكن اعالجها باقل من فرق التمن اللى بينها و بين عربية زى اللانوس او الفيرنا و بكدة حبقى اخدت عربية بسعر معقول و بكماليات اكتر و بجودة اكبر و عشان مدتش اللانوس حقها و اتكلمت عن الفيرنا بس المرة اللى فاتت فمع احترامى للانوس و انى كنت و مازلت من محبيها الا انى ليا ابن عم اشتراها مستعملة بصرحاة و باعها بعد شرائها بعدة شهور قليلة لكمية المشاكل التى وجدها فيها بالرغم من انى شكل العربية كان رائع و واضح انها زى ما بيقولوا عربية بيتى.
معلش نسيت اقول انى 45000 على الفيرنا حلو اووووووى بجد مش تريقة مع كامل احترامى مرة تانية لملاكها.

[rompo10]

الاسبرانزا عربيه جميله ومحترمه لكن مش احسن من الكوري ولا الياباني ولا الالماني يبقي الصيني ترتيبه الاخير

[SAMER_ENGINES]

الاسبرانزا عربيه جميله ومحترمه لكن مش احسن من الكوري ولا الياباني ولا الالماني يبقي الصيني ترتيبه الاخير

الألمانى و لا كلمة طبعاً فدقة الصناعة الالمانية لا مثيل لها و لكن هذا لا يمنع حدوث بعض العيوب التى تعتبر قليلة جدا و ربما نادرة و لكنها تدفع اصحاب تلك السيارات التى دفعوا فيها جزء لا بأس به من ثرواتهم الى التصرف بجنون خاصة و ان اعطال تلك السيارات ربما تكلف مبلغا يوازى ثمن السيارة الكورية او الصينية..
فربما سمعت عن صاحب السيارة المرسيدس من طراز a او b لا اتذكر و حدث بها عيب و رفض التوكيل الاصلاح و دفع هذا صاحب السيارة الى تدميرها فى مكان عام امام الناس بعد ان اعلن للناس سبب ما يفعله.
و ايضا الثرى صاحب السيارة البورش التى حدث بها عيب بالمحرك و كتبت عنه جريدة الاخبار فى ملحقها باخبار السيارات السبت الماضى فهذا الثرى يملك سيارة بورشه 911 و حدث بها عطل فى المحرك و ابلغوه ان هذا العطل سيتكلف...... تتخيل كم؟؟؟؟؟؟!!!!!!!!!

20000 دولار و ان هذا العطل عطلا متكرراً فضجر من السيارة و فضل اهداء السيارة لنادى للرماية و لم يرتاح الا حينما رأى حوالى 140 عضوا يصوبون على السيارة حيث تلقت تلك السيارة 10000 رصاصة فى جسدها مما ادى الى تحولها الى كومة من الخردة و ليتنى قدرت ان ارفع لكم الصورة المنشورة.
و لربما فعلا هذا شئ لا نسمعه كثيرا لكن لا تنسى ان تلك السيارات الفارهة جدا لا نسمع عن عيوبها كثيرا نظرا لقلة وجودها و قلة ملاكها فى الموقع لكن لربما لو سافرت الكويت او السعودية لسوف تسمع عن عيوب تلك السيارات بالتفصيل لانها هناك زى اللادا و الـ 128 هنا.

اليابانى مش كله و فيه حاجات برضه فيها مشاكل مثلا السوزوكى تعتبر فى ذيل الصناعة اليابانية و ربما احسن ماركة هناك هى الهوندا رغم انها لن تنجو من حدوث بعض المشاكل ايضا و لو انى ثمنها لابد الا تحدث معه اى مشكلة لكن لو بحثت بعض الشئ لوجدت مشاكل لها و التويوتا التى ضجر منها اخواننا العرب نظرا لكثرة مشاكلها حتى ان صاحب احدى تلك السيارات وضعها امام الوكالة كما يسمونها هناك و كتب عليها السيارة بها عيب فى القير و عيوب متفرقة لا اذكرها و كتب الوكالة ترفض الاصلاح.

و مثلهم الكثير و الكثير و لكنك لا تسمع عن عيوب تلك السيارات نظرا لقلة وجودها هنا و فقط نسمع عيوب السيارات الموجودة بكثر ة و من الطبيعى ان تتنوع عيوب السيارات الكورية و الصينية طالما انها موجودة بتلك الكثرة فى شوارعنا و مع اصدقائنا و اقاربنا.

و الكورى رأيى انه بدأ مثل الصينى الان تماما و سرعان ما سيلحق به الصينى و ربما يتفوق عليه فى الجودة و السعر.

[esam722]

الاسبرانزا عربيه جميله ومحترمه لكن مش احسن من الكوري ولا الياباني ولا الالماني يبقي الصيني ترتيبه الاخير

كلامك صح

بس لو انا عايز اجيب عربية زيرو والامكانيات محدوده (من الاخر 70000جنية )اجيب ايه من الالمانى ولا اليابانى وطبعا الكورى مفيش غير الفيرنا واللانوس وهما حلوين بس زى مقولنا سعرهم مبالغ فيه يبقى اجيب ايه يا راجل ياطيب


مقارنة الصينى بالالمانى او اليابانى مقارنه ظالمة

اقارن ال516 اللى بسعر 69000 بعربية تويوتا ياريس ب123000

ولا بعربية فولس فاجن بولو ب 130000

الالمانى واليايانى يكسبوا بس للى معاه فلوس

[elmkaneeki]

كورى او يابانى؟
هيا بقت كدة؟
الكورى بقى زى اليابانى
فين سنة 94 و 95 لما الناس كانت بتتريق على الكورى

[SAMER_ENGINES]

كورى او يابانى؟
هيا بقت كدة؟
الكورى بقى زى اليابانى
فين سنة 94 و 95 لما الناس كانت بتتريق على الكورى

فاكر حضرتك يا استاذ elmkaneeki لما كنا نتريق و نقول ده الجدع ده بقى تقفيل كورى او الحاجة دى كورى يعنى كانك بتقول دلوقتى الحاجة دى صينى.
و محمد سعد كان بيقولها فى فيلم عوكل لما راح يعمل رياضة مع شروق و قالها انا بقيت خلاص تقفيل كورى مع انى الفيلم يعتبر حديث مش قديم اوى.

[katoba]

بكرة الصينى يبقى زى الكورى ياخوانا انا اللاب توب بتاعى جايبه صينى وكنت زعلان ايامها اوى لحد انا واحد صديقى عايش فى امريكا قالى انت زعلان علشان اللاب توب صينى احنا عندنا فى امريكا صينى ومعايا موبايل سامسونج s8500 wave صينى بردة سعره 2500 بس اقسم بالله بينافس الاى فون 4 وكمان كمرته احلى منه مليون مره .. ياخوانا الصين عاوزة تدخل السوق العالمى دلوقت ثم ان دى عربية مش موبايل ولا لاب توب وبيندفع فيها فلوس كتيرة نسبيا مش جاية برخص التراب .. كمان متنسوش ان الناس هنا فى المنتدى بيقولوا دايما ياريتها تجيلنا من الصين علطول مكناش شوفنا العيوب دى كلها من ابو الفتوح وامثاله والموضوع دة طبعا عارفينه كويس اوى رجالة البيرليانس والبى واى دى والجاك الى مشاكلهم اقل بكتير جدا من السبرانزا الى معظم عيوبها التقفيل المصرى السىء وقلة الضمير ..