وبدات المشاكل فى التيجو ؟؟ ارجو المساعدة

[flight_angle]

السلام عليكم جميعا

عربيتى تيجو 1600 عاملة 6500 كيلو

بدات المشكل بالعفشة اللى كل شوية عايزة تتربط

ثم العضة اللى فى الفتيس

ثم حدفة الدركسيون لليمين

ومرورا بذلك ظهر اخيرا صوت سكتين عند كل دوسة على الديرياج بشكل غريب

مع وجود صوت سكة فى الدركسيون عند الضعط على الكلاكس

مع تزييق ورجة فى الزجاج اللى جنب السائق عند خفض الزجاج ورفعة

كل هذا والعربية لسة جديدة

فياترى هل من مشاكل اخرى سوف تظهر فى المستقبل ( وهل السيارة كلها مشاكل للدرجة دى )

ارجو الافادة والمساعدة فى هذة المشاكل من اصحاب الخبرة

خصوصا وان الصيانة زى المثل اللى بيقول ( جبتك ياعبد المعين تعينى لقيتك ياعبد المعين عايز تتعان )

وشكرا لتعاونكم

[atefadel]

اين الحلول والردود يا مالكي التيجووووووووووووووووو

[esam722]

انت عملت الصيانة فين ؟

[egyptiandiver]

Made in China & assembled in Egypt what do you expect?... ma3lesh

[yassin_samir]

توقع خير ان شاء الله و و فترة و هتعدى و كل حاجة هتبقى مظبوطة باذن الله

[Typerr]

السلام عليكم جميعا

عربيتى تيجو 1600 عاملة 6500 كيلو

بدات المشكل بالعفشة اللى كل شوية عايزة تتربط

ثم العضة اللى فى الفتيس

ثم حدفة الدركسيون لليمين

ومرورا بذلك ظهر اخيرا صوت سكتين عند كل دوسة على الديرياج بشكل غريب

مع وجود صوت سكة فى الدركسيون عند الضعط على الكلاكس

مع تزييق ورجة فى الزجاج اللى جنب السائق عند خفض الزجاج ورفعة

كل هذا والعربية لسة جديدة

فياترى هل من مشاكل اخرى سوف تظهر فى المستقبل ( وهل السيارة كلها مشاكل للدرجة دى )

ارجو الافادة والمساعدة فى هذة المشاكل من اصحاب الخبرة

خصوصا وان الصيانة زى المثل اللى بيقول ( جبتك ياعبد المعين تعينى لقيتك ياعبد المعين عايز تتعان )

وشكرا لتعاونكم

يا عزيزي هذا هو الصيني

[Typerr]

made in china & assembled in egypt what do you expect?... Ma3lesh

+1111

[egypt0777]

متابع قديم
كان الله فى العون

[SAMER_ENGINES]

السلام عليكم جميعا

عربيتى تيجو 1600 عاملة 6500 كيلو

بدات المشكل بالعفشة اللى كل شوية عايزة تتربط

ثم العضة اللى فى الفتيس

ثم حدفة الدركسيون لليمين

ومرورا بذلك ظهر اخيرا صوت سكتين عند كل دوسة على الديرياج بشكل غريب

مع وجود صوت سكة فى الدركسيون عند الضعط على الكلاكس

مع تزييق ورجة فى الزجاج اللى جنب السائق عند خفض الزجاج ورفعة

كل هذا والعربية لسة جديدة

فياترى هل من مشاكل اخرى سوف تظهر فى المستقبل ( وهل السيارة كلها مشاكل للدرجة دى )

ارجو الافادة والمساعدة فى هذة المشاكل من اصحاب الخبرة

خصوصا وان الصيانة زى المثل اللى بيقول ( جبتك ياعبد المعين تعينى لقيتك ياعبد المعين عايز تتعان )

وشكرا لتعاونكم

*مشكلة العفشة دى حسب المكان اللى حضرتك بتمشى فيه يعنى طريقة استخدامك للعربية الطرق اللى بتمشي فيها حضرتك و العفشات بتاعة الجديد كله ضعيفة جدا بالنسبة للطرق المصرية.
*عضة الفتيس دى ممكن يكون الزيت عايز يتغير و احيانا زيت الفابريقة بيكون مش حلو او تكون عايزة زيت 140 خليهم فى التوكيل يكشفوا عليه و هما حيدلوك و شوف لو العضة دى فى غيار واحد بس ولا فى كل الغيارات و على اساس كدة هيحددوا سبب المشكلة ان كانت زيت او غيره.
*حدفة الدركسيون اولى اسبابها ضبط الزوايا اضبط و شوف و لو مفيش نتيجة اكشف على العجل و العفشة و انشاءالله مفيش ما يدعو للقلق.
*سكتين الدبرياج دول عندى منهم واحدة فى الدبرياج و عربيتى مش اسبيرانزا خالص و هى عندى بتروح و تيجى لوحدها و انا مش مديها اهمية و اعتقد و ده مجرد تخمين انه ممكن يكون الزيت فيه وساخة او حاجة زى كدة لكن انا مش مهتم بالموضوع اوى و على فكرة الموضوع ده عندى احيانا يظهر فى الدبرياج و احيانا يظهر فى الفرامل.
*موضوع السكة اللى فى الكلاكس ده مش عارفه بصراحة و مش ذو اهمية.
* التزييق اللى فى الازاز ده ممكن يكون الازاز فيه تراب او طين و الرجة ممكن تكون الجوانات بتاعة الازاز اللى حوالين الازاز من جوة العربية و برة عايزة تتضبط يعنى كلها تقريبا تظبيطات و شوف فى التوكيل هيقولوا لك ايه و شوف الاخوة الزملاء هيقولو لك ايه برضه و رغم انى مش معايا اسبيرانزا الا انى حاولت اساعدك على قد ما اقدر و ربنا معاك لكن معتقدش انه فيه ما يدعو للقلق و ربنا معاك.

[attiahf]

مشاكل التيجو العادية

الاخ العزيز متقلقش من المشاكل دى وحاول تاقلم نفسك معها وبعدين حتعمل اية دة نتيجة التقفيل المصرى السيئ وبالتالى توقع المشاكل دى وممكن تروح التوكيل وتعقد فوق دمغاهم لغاية ما يحلوا المشكل دى

السلام عليكم جميعا

عربيتى تيجو 1600 عاملة 6500 كيلو

بدات المشكل بالعفشة اللى كل شوية عايزة تتربط
طبيعى جدا وحتحتاج تربطها كل شوية وبعد اى مشوار طوالى ... ممكن بعد ما تخرج من الضمان تغيرهم بمساعدين متسبويشى لانسر

ثم العضة اللى فى الفتيس
ودى حتلاقى يا اما الزيت عايز يتغير اما المشكلة حتكون فى ماستر الدبرياج الامامى... المشكلة دى موجودة فى كل العربيات التيجو تقريبا

ثم حدفة الدركسيون لليمين
خليهم يعملوا ضبط زوايا وومكن تتاكد من واحد بتاع ضبط زوايا محترم برة التوكيل

ومرورا بذلك ظهر اخيرا صوت سكتين عند كل دوسة على الديرياج بشكل غريب
غالبا حتلاقى صداد الدبرياج قافش لانة بلاستيك وممكن تخليهم يكشفوا علية ويتغير لو لزم الامر

مع وجود صوت سكة فى الدركسيون عند الضعط على الكلاكس
خلى بتوع التوكيل يكشفوا على كهرباء العربية لانها احيانا بتهيس

مع تزييق ورجة فى الزجاج اللى جنب السائق عند خفض الزجاج ورفعة
الكاوتش سئ جدا والتقفيل زى ما قولنا مصرى فخليهم ينضفوا الكاوتش ويكشفوا على ماكينة الزجاج

كل هذا والعربية لسة جديدة
عادى جدا وانا شخصيا مغير علبة الدركسيون قبل ال 2000كم .. حتسمع كلام عن عيب الصناعة والتقفيل المصرى بالاضافة الى ان العربية صينى.... ولو كنت راكب عربيات يابانى او حتى كورى ممكن تكره نفسك من المشاكل اللى ممكن تقابلها

فياترى هل من مشاكل اخرى سوف تظهر فى المستقبل ( وهل السيارة كلها مشاكل للدرجة دى )


ارجو الافادة والمساعدة فى هذة المشاكل من اصحاب الخبرة

خصوصا وان الصيانة زى المثل اللى بيقول ( جبتك ياعبد المعين تعينى لقيتك ياعبد المعين عايز تتعان )

وشكرا لتعاونكم

ربنا يعينك ومرحبا بك فى نادى الزمالك ... اقصد نادى التيجو

[SAMER_ENGINES]

flight_angle استاذ
ياريت تطمنا على اللى حصل معاك و العربية اخبارها ايه دلوقتى؟؟!!