صيانة ال 5000 الاف فى الام 11 ازاى وبكام؟؟؟

[khaled_Saga]

السلام عليكم اخوانى الكرام

انا حجزت ميعاد لصيانة ال 5000 الاف ان شاء الله يوم السبت الجاى عشان المشوار هيكون صعب عليا فى رمضان قولت انجز واروح اعملها (ولو انى عامل 3300 كم) قبل ما الجو يبقى اصعب مما هو عليه دلوقتى وكمان عندى شوية ملاحظات عاوزهم يبصوا عليها ده غير ان ليا عندهم بلية بطاحة على الضمان لسه مركبتهاش

الغريب ان الانسة كانت متعاونة المرة دى وقالتلى انت تحب مهندس معين يشرف على عربيتك قولتلها اه ياريت م. ابو بكر

بس ليا سؤالين كنت عاوز اعرف ايه بالظبط بيتم فى الصيانة دى وتكلفتها كام عشان اعمل حسابى فى الفلوس وانا رايح .. ارجو الافادة

تحياتى

[samehsalem]

تغيير زيت وفلتر زيت وتربيط عفشة وتشييك كامل عالعربية من زيوت و مياه وعفشة وكله....التكلفة تقريبا 400 او 450....حضرتك تعمل حسابك علي كدة عشان المصنعية زادت اوي عندهم ....انا كنت عامل صيانة ال30000 من كام اسبوع ودفعت 570 ج .....

[hugan]

الصيانات الفرديه5000 و 15000 وقت ما كنت باروح التوكيل ما فيهاش تغيير زيزت ولا فلاتر
تربيط وكشف علي العربيه الشغل بيكون في الصيانات ذات الارقام الزجيه 10000 و 20000
ولا هي اتغيرت

[samehsalem]

اسف يا باشا الصيانات دخلت في بعضها معايا عشان لسة عامل صيانة للنيسان وبغيرلها زيت كل 5000 ك.....الصيانات هي هي وفعلا زي ما حضرتك بتقول زيت وفلتر كل 10000 ك وصيانة ال5000 ك تربيط وتشييك مش اكتر وتقريبا التكلفة في حدود 112 او 115 جنيه تقريبا ...

[khaled_Saga]

شكرا اخوانى ..

فعلا تغيير الزيت مش فى ال 5000 لان فى صيانة ال 1000 حطوا زيت 10000 كم

شكرا جزيلا

[hamada_71]

أنا ما بمشيش بالعربية كتير بالإضافة إلى إني كنت مسافر بره يعني بيعدي عليا الثلاث شهور وماعملش 2000 كيلو على بعض في التوكيل بيقولوا إن تغيير الزيت على 10000 كيلو أو 6 شهور أيهم أقرب

إيه رأيكم أمشي على ال6 شهور ولا 10000 كيلو

[khaled_Saga]

أنا ما بمشيش بالعربية كتير بالإضافة إلى إني كنت مسافر بره يعني بيعدي عليا الثلاث شهور وماعملش 2000 كيلو على بعض في التوكيل بيقولوا إن تغيير الزيت على 10000 كيلو أو 6 شهور أيهم أقرب

إيه رأيكم أمشي على ال6 شهور ولا 10000 كيلو

على حسب كلام حضرتك انت هتمشى على ال 6 شهور بالاجبار على اساس انها بالنسبالك هتبقى اقرب لان لو انت بتمشى فى ال 3 شهور 2000 كم يبقى بتعمل فى ال 6 شهور قول بالكتير 5000 كم يبقى هيغيرلك كل 6 شهور بعدين كل ما غيرت الزيت بدرى كل ماكان افضل للموتور ولكن اصعب على جيبك

[kimocyc]

6 شهور ايه بس..

الزيت (موبيل 1 التخليقي) يا 10 آلاف يا إما سنة ايهما اقرب..