استفسارات ارجو الاهتمام من مالكى الاسبيرانزا ضرورى جدا

[jant]

استلمت اسبيرانزا 516 من حوالى 20 يوم
لاحظت بعض الاشياء اثناء اول الف كيلو مثل
. صوت ونه فى العربيه وعرفت مؤخرا انها من الفتيس
. الفرامل ضعيفه بعض الاوقات واحيانا بتكون قويه
. نور الصالون فصل فجأه (تم اصلاحه فى صيانة الالف)
. تجميع السياره بطيء وبحس انها احيانا (بتكلبش منى)
. بعد الالف كيلو لاحظت ان السياره مش بتجيب اكتر من 120 وبتكون 3.5 rpm
مش هطول عليكم بس انا روحت توكيل جسر السويس وقلت الملاحظات اتعمل التالى
تغيير زيت وفلتر . تربيط عفشه . نور الصالون رجع تمام . لكن
صوت الونه قالولى ده طبيعى وطبعا ده مش طبيعى قالولى طيب امشى الف كيلو كمان وجرب لو فضل كده معاك هنفتح الفتيس ونشوف المشكله من ايه
انا بقى عايز اعرف لو حد ليه تجارب مع توكيل العباسيه او توكيل اخر غير فره جسر السويس علشان انا مارتحتش وحسيت انهم بيهاندلونى ( انا شغال خدمة عملاء وفاهم الكلام ده كويس اوى . زحلق العميل )
عايز اروح التوكيل بتاع العباسيه او لو فى توكيل محترم يحل المشكله دى ولو حد من اعضائنا المحترمين له اى تجربه مشابهه لموضوعى يفيدنى .
ارجو الاهتمام ........................................

[islam_6110]

روح فرع ابو رواش اللى بعد الكارته

[jant]

ده مضمون وهيفيدونى يعنى يا استاذ اسلام ولا فرع العباسيه افضل؟

[islam_6110]

و الله انا مجربتش العباسيه و نفسى اجربه بس فرع ابو رواش الفرع الرئيسى و خش على مدير الصيانه على طول و لو فى حاجه محتاجه تتغبر ضمان هيغيروها ان شاء الله على طول انما المراكز التانيه لزم تبعت تقرير الاول للمركز الرئيسى و يستنوا الرد عشان كدا قالك امشى عليها الف كمان و شوف الدنيا ايه و زى ما انت بتقول انك فى خدمة عملاء و عارف
و ركز فى صوت الونه ممكن تكون من طرمبة البنزين اسمع ناحية التنك و شوف الدنيا ايه

[esam722]

روح على ابو رواش على طول لان باقى المراكز لتغيير الزيت فقط والصيانة الخفيفة لكن التصليح فى ابو رواش

[king516]

على فكره انا معايا ال516 الكامله موديل 2010 وونه الفتيس دى ( صوتها بسيط الى حد ما ) طبيعيه جدا جدا وده اللى اكدو هولى احمد مهران لما روحتله وقالى كل موديلات 2010 كده ودى متقلقش خالص
وكمان الونه دى بتبقى مسموعه بشكل خفيف على التانى والتالت
بس انا كنت زيك كده لحد ماسمعت كلام احمد مهران واطمن وجربت عربيه واحد صاحبى لقيت الونه دى موجوده لكن زى مابقولك مش مسموعه جامد خفيغه

[egypt0777]

متابع
تحياتى

[jant]

لكن انا الونه عندى على التانى والتالت والرابع ومسموعه جدا وبتزيد مع تحميل التكييف كمان
وبالنسبه لباقى المشاكل يا جماعه ايه اللى اعملوا
ان شاء الله هكلم توكيل ابو رواش بكره واحجز ميعاد واروحلهم ان شاء الله بس فيدونى فى باقى المشاكل دى

[islam_6110]

ياريت تقولنا اخر الاخبار

[jant]

فى عندى مشكله كمان انى شاكك ان فى حاجه فى علبة الدريكسيون او المقصات بسبب البرجله اللى بتحصل لما بمشى على اى ارض غير سويه
المشكله فى انى هاخد حقى من التوكيل ويعمل كل ده ولا مش هاخد حق ولا باطل عشان الانطباع الاول دائما ما يطووووووووووول (جسر السويس)

[jant]

يا جماعه ساعدونى ياريت اللى يعرف اى معلومه مايبخلش عليا بيها ولكم جزيل الشكر

[jant]

طيب انا حجزت الخميس 8.30 صباحا فى توكيل ابو رواش زى ما نصحتونى
مفيش اى ملاحظات او تعليقات قبل ما رووح؟؟

[esam722]

هى مش ملاحظات ولا حاجة

انت تكتب الحاجات اللى انت لاحظتها فى ورقة وربنا ييسر

وكده كده مش هتعرف النتيجة الا مع التجربة بعد ماتطلع من التوكيل


ومفيش داعى للقلق اتعامل مع الموضوع بهدوء لان العربيات دى زى ماتكون متجوز واحده تانية وفاتح بيت تانى

[jant]

هى مش ملاحظات ولا حاجة

انت تكتب الحاجات اللى انت لاحظتها فى ورقة وربنا ييسر

وكده كده مش هتعرف النتيجة الا مع التجربة بعد ماتطلع من التوكيل


ومفيش داعى للقلق اتعامل مع الموضوع بهدوء لان العربيات دى زى ماتكون متجوز واحده تانية وفاتح بيت تانى

ماشى كلامك يا استاذ عصام ان شاء الله ربنا يكرم

[jant]

طيب انا حجزت الخميس 8.30 صباحا فى توكيل ابو رواش زى ما نصحتونى
مفيش اى ملاحظات او تعليقات قبل ما رووح؟؟

يا ريتكم قولتولى ابو رواش ده فين بالظبط علشان حجزى كان فى فرع اللى قبل الكارته عند القريه الزكيه وانا روحت اللى بعد الكارته بالغلط لقيته (اجاااااااااازه) المهم سألت قالولى مفيش غير هو ده (الاجازه) روحت راجع زى الامور كل المشوار المحترم ده تانى واكتشفت بعد كده ان فى فرع تانى قبل الكارته ده طبعا مشفتووووووووووش خالص
انا بقى تايه دلوقتى ومش عارف المركز الرئيسى اللى قبل ولا بعد الكارته ولو اللى قبلها طب هو فيييييييييييين ؟
ساعدونى بقى