إعـــــــلان

Collapse

.

,
See more
See less

خبطة فى القايم اليمين للعربية

Collapse
X
 
  • Filter
  • الوقت
  • Show
Clear All
new posts

  • خبطة فى القايم اليمين للعربية

    السلام عليكم اخوانى الكرام

    النهاردة نزلت من الشغل (شغلى فى منطقة سافلة مستوى مش اد كده وعيال متشردة) وانا مش بطيق اغطى العربية فى الطالعة والنازلة .. ففوجئت بخبطة فى القايم اليمين من العربية فوق الباب وواضح ان الخبطة من قالب طوب واقع من فوق بيت او اترمى من بعيد على العربية .. الخبطة مش جامدة لكن واضحة طبعا عوجت فى القايم لجوة وخربشت فى البوية فشكلها باين وملحوظ وخانقنى اوى فحبيت أسأل هل الخبطات فى القوايم بتترد وتتسمكر وتندهن عادى ولا ايه نظامها؟؟ وهل لو بينفع ياترى فى التوكيل بيعملوا شغل سمكرة ودهان ولا اعملها برة؟؟ علما بانى رايح صيانة ال 5000كم يوم السبت الجاى ان شاء الله فياترى اقولهم عليها ولا ايه؟

    ارجو الافادة وتحياتى لكم

  • #2
    اعملها فى الحرفيين عشان تتعمل باحترافية و ماتبانش دة لو عايز شغل نضيف يعنى
    [aldl]http://iofimages.dmotorworks.com/images/xTiUm_6YOFf8Fgzr1cqPc0Sf53falxQB/0.JPG?WIDTH=640&HEIGHT=480[/aldl]

    Comment


    • #3
      خضيتنا ياعم خالد .. انا عارف انها تزعل بس بسيطة الحمدلله انها جت على قد كدة

      Comment


      • #4
        قدر الله و ما شاء فعل معلش خليها تفدى العين

        Comment


        • #5
          حاجة زي كدا السمكرية بيعملو حاجة اسمها سحب

          و الطريقة دي بيلجئولها عشان مفيش مجال انه يفك الصاج و يدق عليه من ورا

          فا بيلحم حتت حديده في المكان المتطبق و بيشدها لبره

          و انشاء الله خير

          Comment


          • #6
            اعملها نظام شفط موجوده فى الحرفين وبعد كده شويه بولش على كان بوند وان شاء الله ترجع زى الاول كان عندى نفس القصه بس كانت فى منتصف العربيه تحت المرايا متقلقش والحمد لله اللى جت على قد كده

            Comment


            • #7
              ابعد عن التوكيل علشان اسعارهم مبالغ فيها بالاضافة ان شغلهم عادى واقل من العادى اما الحرفيين ان كان ملكش حد معرفه هناك انصحك متروحش علشان هتبقى صيده

              اى تصليح فى العربيات متروحش لاى حد وخلاص لازم يكون محل ثقة ومتاكد من انه صنايعى كويس


              ان شاء الله تبقى بسيطة

              Comment


              • #8
                شكرا يا جماعة ليكم على المشاركة والاهتمام..

                بالنسبة للحرفين اعتقد الموضوع هيبقى صعب انا مروحتش هناك قبل كده ومعرفش حد هناك اساسا..

                انا رايح صيانة ال 5000كم يوم السبت هقولهم على الخبطة واشوف ردهم ايه ولكن فيه واحد صاحبى اثار ليا نقطة النهاردة انى ممكن اعملها على التأمين لأنى شارى تقسيط وعامل تأمين شامل فممكن التوكيل يكتب تقرير بالخبطة وتتعمل على حساب التأمين فهل الكلام ده صحيح وان كان صحيح الاجراءات ساعتها بتمشى ازاى؟؟

                تحياتى

                Comment


                • #9
                  بسيطة انشاء الله بس ابعد عن شغل التوكيلات فى السمكرة و الدوكو لانى اللى اعرفه انه مش بيكون اد كدة و طالما انه حاجة متخجش العربية من الضمان و فى السمكرة و الدوكو يبقى برة التوكيل لشغل انضف و نفقات اقل.
                  [CENTER][B][FONT=Arial Black][SIZE=3]مصر اولاً و لو بنحب مصر بجد يبقى لا للتخريب[/SIZE][/FONT][/B][/CENTER]

                  Comment


                  • #10
                    الافضل على التامين انته بتروح شركه التامين التابع ليك وبيصور الخبطه وبعد كده يبعتوك مركز متخصص وانته بتحاسب وبعد كده التامين بيصرف ليك شيك بالمبلغ بس الافضل حاول تدور انته على مركز يكون تمام فى الدوكو والدهان

                    Comment


                    • #11
                      شكرا اخوانى على الافادة

                      انا نويت اسيبها شوية لانى مش فايق خالص للموضوع ده دلوقتى وحتى اهى تاخد العين زى ما بيقولوا ولو انها عمالة تاخد فى عيون كتيرة مش فاهم ليه امال لو كانت بى ام!؟

                      Comment


                      • #12
                        السلام عليكم يا اخوانى

                        النهاردة انا اخدت قرار انى اصلح الخبطة وفعلا روحت عند سمكرى كويس عندنا هنا فى بنها سخنها وسحبها ودقدق عليها بعدين ساواها بالصاروخ وطلعت على بوهيجى بردو كويس ادتلها وش معجون وان شاء الله هروح السبت اصنفرها وبعدها بيوم ارشها

                        السمكرة اتكلفت 30 جنيه ولو انى كنت متوقع اكتر ولسه متفقتش مع البوهيجى ولو انى متأكد انه هيضرب سعر مش هيقل عن 150 جنيه لانه حراق شوية زى ما سمعت بس هبقى افاصل معاه واقولكم ايه الاخبار اولا بأول

                        Comment


                        • #13
                          السمكري سحب الخبطه ازاي
                          [SIGPIC][/SIGPIC] ياتقول كلام في محله يا تقول حلو ياحلو
                          [url]/photos/a.879931698703941.1073741827.879900435373734/879931905370587/?type=1[/url]

                          Comment


                          • #14
                            المشاركة الأصلية كتبت بواسطة hugan مشاهدة المشاركة
                            السمكري سحب الخبطه ازاي
                            بص يا باشا سحبها ببنطة اللحام بقى يحط البنطة فى نقطة معينة فى مكان الخبطة ويسخن عليها يقوم الصاج يطرى يقوم هو شادد البنطة لبرة تقوم ساحبه معاها الصاج لبرة وكرر الموضوع فى حاولى 10 نقط وبالتالى الصاج بدل ماكان معووج لجوة بقى قابب لبرة وبكده يقدر يدق عليه ويشيل الزوايد اللى لبرة بالصاروخ ويساويها

                            Comment


                            • #15
                              و الله يا فندم كان من رايي تسبها كده و خلاص والموضوع ده طبيعي لانها واقفة في الشارع انا عارف انها تزعل بس حضرتك و الله كنت تسبها سيبها كده احسن و متتعبش دماغك

                              Comment

                              Working...
                              X