خبطة فى القايم اليمين للعربية

[khaled_Saga]

و الله يا فندم كان من رايي تسبها كده و خلاص والموضوع ده طبيعي لانها واقفة في الشارع انا عارف انها تزعل بس حضرتك و الله كنت تسبها سيبها كده احسن و متتعبش دماغك

والله يا باشا ناس كتير قالتلى الكلام ده وانا نفسى كنت واخد قرار اسيبها شوية لكن كانت غيظانى كل ما اشوفها العربية كلها شكلها نضيف وتيجى تبص عالحتة دى شكلها يقرف

يلة الحمد لله على كل شىء وربنا يسهل ولما تكمل تطلع نضيفة

[mmmmgogommmm]

لو مامن اعرف اية مراكز الصيانة المتاحة ليك ---واختار المركز اللى بيستخدم طريقة الشفط وابعد عن الدق والقطع واللحام---الشفط بالمغناطيس وبس هى دى فايدة التامين

[khaled_Saga]

لو مامن اعرف اية مراكز الصيانة المتاحة ليك ---واختار المركز اللى بيستخدم طريقة الشفط وابعد عن الدق والقطع واللحام---الشفط بالمغناطيس وبس هى دى فايدة التامين

بينى وبينك انا مأمن وفعلا انا سألت فى ابو رواش لما كنت بعمل صيانة ال 5 الاف ولكن الكلام كان محبط وغير مشجع بالمرة لان لما عرفت منهم التفاصيل هتمشى ازاى لقيته حوار كبير وطويل هياخد وقت وهيكلفنى مشاوير للمراكز وشركة التأمين على خبطة انا شايفها صغيرة ولكن مكانها اللى صعب فقررت اسيبها شوية لحد ما أسأل واطقس واعرف ايه الصح.

المهم وبالصدفة عرفت من صديق ليا ان فيه سمكرى كويس اوى عندنا فى بنها وشوفت شغله فى عربية صاحبى فعلا شغل معلم قولت اروح اوريلو الخبطة واشوف هيقول ايه لقيته قالى هنعملها فى نص ساعة وهتتكلف 30 جنيه وان شاء الله هتطلع شغل كويس وفعلا عملتها وطلعت بيها على بوهيجى بوصاية من السمكرى وفعلا طلع راجل فنان الوان .. ادالها بطانة فى يوم وتانى يوم سنفرة وفيلر و تالت يوم اللى هو النهاردة رشيتها واخدت بوليش هى وحتة كمان فى الاكصدام الامامى كانت محكوكة وماشاء الله ما تقدر تحدد هو راشش فين بالظبط ولا تقدر تفتكر مكان الخبطة كان فين شغل تمام بصراحة والحوار كله اتكلف 200 جنيه مصنعيات واكراميات واخد يادوب 3 ايام.

ربنا يكفينا ويكفيكم شر الخبطات والحكات

[katoba]

مبروك ياخالد وربنا يجعلها اخر الخبطات ويباركلك فيها

[khaled_Saga]

مبروك ياخالد وربنا يجعلها اخر الخبطات ويباركلك فيها

الله يبارك فيك يا احمد

عقبال ما تجيب عربيتك وتتهنى بيها وربنا يبعد عنك كل شر وكل سنة وانت طيب وعيد سعيد