إستفسار مهم جدا جدا جدا بالله عليكم الافاده

[MaRIaM0]

السلام عليكم ورحمة الله وبركاته


أنا بعت عربيتى القديمة وفى ناس قالتلى على اسبرانزا A516 مستعمله لان فلوسى فى حدود 50 الف

بس دى حلوة لانها واسعة وانا سوقتها (عربية جارنا) ولقيتها جميلة جدا لكن استفسارى عن عيوبها ومميزاتها وتنصحونى بيها ولا بلاش يا ريت الرد السريع بالله عليكم

مع العلم ان لما دورت على عربية ف نفس الحدود دى ملقتش الا فيرنا ولانوس وانا مش بحبهم :(



وياريت لو صاحب الموقع يكلمنى خاص لانى محتاجة معلومات زيادة بالتفصيل لو في يعنى عن الاخوة اللى هيقولوه عنها


صورة العربية

[zago]

ههههههههههه
صاحب الموقع مش حيكلمك
لسبب بسيط انه معهوش اسبيرانزا
اعتقد لو معاه كان كلمك
ما علينا
انا برضو معييش اسبيرانزا
لكن اسمع عنها كلام حلو وكلام وحش
خلاصته
ان الموديل اول ما نزل كان ليه عيوب
يعني الدفعات الاولى كانت فيها عيوب
بعد كده الدنيا اتظبطت شويه
والله اعلى واعلم

اصبر شويه والناس اللي معاها العربيه حتخش تجاوب
مبروك مقدما
سواء جبتها هي
او جبت حاجه تانيه

[khaled_Saga]

معنديش معلومات كافية عن ال 516 انا معايا ام 11 بس اعتقد مادام حضرتك بنت هتبقى انسبلك ال 113 عربية بناتى وكمان سعرها اقل

[elmkaneeki]

50 يجيبوا حاجات كتير اوى اوى
بس هية عربية عائلية ولا استخدام شخصى لفرد؟

[ALshahba]

توكلي علي الله وهاتيها مش اقل من موديل 2009 او ممكن تزودي 5الاف جنيه وتجيبيها 2011 كسر زيرو
كان معايا الموديل ده وكان الي تاعبني فيه استهلاك البنزين ولكن بعد عام2007 اغلبية الموديلات بتستهلك بنزين قليل جدا اقل من ام11, وانا مابعتهاش ولكن كان حادث اليم (زي ماهو باين فى الصوره)
واي استفسار احنا كلنا موجدين

[egypt0777]

متابع

[hugan]

مين اللي قا ل انها بنت
علي العموم
في رائي الشخصي وكل واحد حر في رائيه
الاسبرانزا 516 تقارن باللانوس والفيرنا في السعر
لكن كفئه تعديهم بمراحل
الاسبرانزا516 تتفوق علي الفيرنا واللانوس
لكن لو استخدام العربيه لاسره صغيره
الفيرنا افضل

[khaled_Saga]

مين اللي قا ل انها بنت
علي العموم
في رائي الشخصي وكل واحد حر في رائيه
الاسبرانزا 516 تقارن باللانوس والفيرنا في السعر
لكن كفئه تعديهم بمراحل
الاسبرانزا516 تتفوق علي الفيرنا واللانوس
لكن لو استخدام العربيه لاسره صغيره
الفيرنا افضل

يا أخى القضية دلوقتى مش قضية بنت ولا ولد !!
عموما بص فى البروفايل بتاع الاخت العضوة وانت تفهم انا رديت ليه بالشكل ده
شكرا لتعقيبك وتحياتى ...

[esam722]

احنا لو هنقارن ال516 ب الفيرنا واللانوس فى جزئية واحده بس هى الامان
الموضوع مش اختبار تصادم اللى لوحدث فى الواقع بيبقى كارثة بغض النظر عن اى عربية

الموضوع هو تجنب بقدر الامكان حدوث هذ الحوادث من الاصل وهو بنسبة كبيرة بيعتمد على مدى استجابة السيارة لاى شىء يفعلة قائد السيارة
مثلا انا ماشى على سرعة 100 كيلو على الدائرى (سرعة عادية جدا) وفجاة حصلت افتكاسةمن سواق ميكروباص او نقل ووقف فجأة وخلاص بينى وبينة مسافة صغيرة هل الفرامل اللى فى الفيرنا او اللانوس هتساعدنى اقف مكانى فى اقل مسافة بدون ما الف بالعربية حوالين نفسى
او حاولت وانا دايس على الفرامل انى اهرب لليمين او الشمال بدون ما العربية تجنب منى

على فكرة انا سوقت الفيرنا كتير واللانوس كتير وسوقت ال516 والتيجو بحكم امتلاكى لها

اللانوس والفيرنا زى ماتكون سايق بسكلتة بسرعة 60 كيلو هل ياترى هاتعرف تتحكم فيها

ال516 والتيجو اللى هايسوقهم اكيد هيلاقى ثبات وفرامل ملهاش حل وخروج من مواقف اقل ما فيها حوادث هتكلفك كتير


الخلاصة هىان الامان مش بعد الحادث اشوف العربية حافظت على الركاب ولا لا الامان هو الثبات والفرامل الكويسة علشان اتجنب الحادث من الاساس

[ahmad--ezzat]

السلام عليكم ورحمة الله وبركاته


أنا بعت عربيتى القديمة وفى ناس قالتلى على اسبرانزا a516 مستعمله لان فلوسى فى حدود 50 الف

بس دى حلوة لانها واسعة وانا سوقتها (عربية جارنا) ولقيتها جميلة جدا لكن استفسارى عن عيوبها ومميزاتها وتنصحونى بيها ولا بلاش يا ريت الرد السريع بالله عليكم

مع العلم ان لما دورت على عربية ف نفس الحدود دى ملقتش الا فيرنا ولانوس وانا مش بحبهم :(

متشوفى الكيا بيكانتو الجديده؟؟؟؟؟؟؟؟؟

[hugan]

يا أخى القضية دلوقتى مش قضية بنت ولا ولد !!
عموما بص فى البروفايل بتاع الاخت العضوة وانت تفهم انا رديت ليه بالشكل ده
شكرا لتعقيبك وتحياتى ...

اممممممممممممم
ماشي

[mmmmgogommmm]

انا معايا 516////موديل 2011----العربية تحفة -----اشترى موديل 2010---لانة الموديل اللى تم تعديل كل المشاكل السابقة فية------او اشترى 113 زيرو--الامر يرجعلك

[luaai]

والله أنا هقولك عللي فيها
هي الـ اسبيرانزا الـ 516 عربية تحفة .. تماااام التمام
لكن يعيبها حاجة واحدة ألا وهي التقفيل المصري
أنا بتكلم عن تجربة لأن هي معايا لحد دلوقتي موديل 2009 وعامل بيها 62 ألف كيلو وبسافر بورسعيد واسكندرية تقريبا كل شهر
النقطة هنا أن التوكيل عليه ضغط شديد دايما ومش دايما بيصلحوا عدل ساعات بيقلبوا ويقولوا خلصنا
أو يعملوا نفسهم عمي ومش واخدين بالهم ويقولوا ان العربية مافيهاش حاجة
والنتيجة ضغط دم وسكر وحاجات تانية ربنا يعافينا وإياكم
وهتضطري تروحي برة التوكيل - عند مهران مثلا في المنيل - وتريحي دماغك
عامة لو عاوزة معلومات أكتر عن ايه وفين وليه وازاي وإمتى .. ما تتردديش .. المنتدى مفتوح 24 / 7

[SAMER_ENGINES]

متشوفى الكيا بيكانتو الجديده؟؟؟؟؟؟؟؟؟

يا راجل مع احترامى الشديد لرأيك بس ليه ادفع اكتر من 70000 جنيه فى عربية اد علبة الكبريت يعنى فئة اقل و مش مناسبة لمصر و مع اول مطبين حتبقى حتة صفيحة و صغيرة و ضيقة و و و و و
يا استاذى العربيات دى مش معمولة لمصر دى معمولة لبلاد فيها شوارع بعيد عننا متسفلتة لكن شوارعنا دى متزفتة كلشن كان و خلاص.

و لو قصدك تبعدها عن الصينى قدامها الفيرنا و اللانوس و نفس الفئة السعرية لكن بجد مش عارف ليه الناس تشترى عربية بالسعر ده و بالحجم ده؟؟!!!!!!