امانة فى رقبتكوا ليوم الدين اجيب تيجو 2000 اوتوماتك

[freeman207]

اولا كل سنة وانتم طيبين ورمضان كريم
كنت عايز اعرف اشترى تيجو 2000 سى سى اوتوماتك ولا لاء بس بالله عليكوا متبخلوش عليا بالمعلومات ايه اخبار الفتيس والعفشة وكل حاجة فيها عايز المميزات والعيوب ولكم جزيل الشكر

[MAGEDSAMIR]

بص يا باشا التيجو الاوتماتيك عربية جميلة وحمالة اسية احلى حاجة فيها العفشة القوية والاتزان الرائع برغم ارتفاع العربية كمان فرامل على الشعرة صالون واسع ومريح فى السفر شكل العربية عصرى وجميل لا تحتاج الى اى كماليات اضافية اما عيوبها من وجهة نظرى سحب ضعيف الى حد ما برغم انها بتمشي لغاية سرعة 180 او 190 بالتكيف ولكن بالضغط على دواسة البنزين بقوة كمان ينقصها مساعد ذبذبة فى الاسكترا حيث ان الدركسيون يهتز فى الطريق من رد فعل الاطارات الكبيرة الخاصة بالسيارة مع مطبات المحروسة

[hugan]

صدقني وبكل امانه انا لو هاغير ال 516
هاجيب تيجو بدون تردد

[freeman207]

شكرا لردودكوا ياشباب وكل سنة وانتم طيبين ورمضان كريم ومستنى باقى الاعضاء اللى مكسلين فى الرد من الصيام

[ashouhdy]

شوف انا ركبتها كانت كويسة جدا بس مجريتش ولا حاجة

لكن

مستوى الخامات الداخلية سئ جدا و الفتيس نفسة تحسة بلاستيك مقوى و جودة الطلاء الداخلى على الزراير دون المستوى

[atefadel]

انا ليا صديق يعمل في ابو الفتوح وكان عندي في الصيدلية اليوم
وسألتة قالي بلاش الاوتوماتيك
الاحسن 4*4 المانيول وفتحة سقف وعليها عرض شاشات

[freeman207]

شكرا ياشباب على الردود صرفت نظروتم الاتجاه للكارينز

[hugan]

مبروك الكارينز
ربنا يبارك للك فيها ويكفيك شرها

[said.d.y]

انا معايا العربية منذ 1/1/2009 وعامل بيها حوالى32 الف كيلو، وجربتها فى السفر وفى كل الظروف، واهم ملاحظاتى:
العربية فى المجمل بدرجة جيد جداً (وليس امتياز)
العربية فقيرة من جوة وخامات الصالون الداخلى دون المستوى
العربية ممتازة جداً جداً فى موضوع الثبات والامان (الفرامل/الدركسيون/الاتزان/سمك الصاج...)
العربية سهلة جداً وممتعة جداً فى القيادة والتحكم
عملية جداً ومفيدة جداً فى السفر وممكن تقلبها فان وتحمل فيها الانت عاوزة(انا بعمل كدة)
طبعاً قابلتنى مشاكل وعيوب فيها خصوصاً وانا الدفعة الاولى، بس موش قاتله،وبتحصل فى احسن العربيات ودى فى بداية استلامها، بعد كدة ما بحتجش اروح التوكيل الا كل 10 الاف كيلو
العربية بامكانيتها ومواصافتها والاستيل بتاعها ممتازة جداً بالنسبة لسعرها ، وبتعتبر اعلى من المدفوع فيها. وموش بتفرق كتير عن التيريوس
وفى النهاية لازم تكون مقتنع بالعربية علشان الشراء موضوع نفسى
طبعاً دى رأى شخصى وانا شخصياً بعد الفترة الفاتت موش ندمان ومقتنع بيها.

[firstknight_eg]

بمناسبة ان انت صرفت نظر عن التيجو بقولك ابقي بص علي النيسان قشقاي والرينو داستر وربنا يوفقك لما فيه الخير

[hugan]

بمناسبة ان انت صرفت نظر عن التيجو بقولك ابقي بص علي النيسان قشقاي والرينو داستر وربنا يوفقك لما فيه الخير

هو اشتري كارينز خلاص

[firstknight_eg]

هو اشتري كارينز خلاص

معلش افتكرته لسه بيفكر


عموما مبروك عليه وربنا يًديه خيرها ويكفيه شرها