اية رايكم في اسبرانزا a113

[lila]

انا يا جماعة معايا دلوقتي سزوكي فيتارا 91 بس تعباني اوي
محتاجة مصريف كتيييييييييييييييييييييييييييير غير الي انا صرفتة
وجالي فلوس فبقي لما ابيع العربية حوالي 50000
اجيب سبارك ولا العربية دية
ومش عايز اعمل كدة بعد كام شهر من شراء العربية
ارجوكم سعدوني

[medo_2060]

العربيه الحمد لله كويسه وقيمه مقابل السعر..
لو عندك اسئله معينه تحت امرك

[bshndi]

سؤال يا باشا أفضل سعر للعربية دي فين دلوقتي وبالنسبة لأسعار الصيانة وقطع الغيار متوافرة ولا إيه
وبتأخد إيه مع العربية لما تشتريها ؟
إحترامات
إستهلاك الوقود لو حضرتك ملاحظة أرجو أن تقولي عليه

[medo_2060]

السعر هتلاقيه فى رنج 51 الف..بس عرفت ان الموديل الجديد زاد 3 الاف جنيه... أتاكد برضه من الموضوع دا بالاتصال وزى ما قلت لك السعر مش هتفرق كتير انا جبتها من المنصوره من موزع كان بيبيعها ارخص800 عن التانى
اسعار الصيانه مش غاليه بس الفكره لازم صيانه كل 3 شهور لو مجبتش الكيلومترات برضه..انا عموما مكنتش بروح بس كان كل شويه يكلمونى وهتطلع من الضمان وبتاع
قطع الغيار موجوده بره بس مش كل حاجه..وعلى فكره انا طرمبه البنزين باظت واتغيرت فى الضمان بس قعدوا فتره طويله على ما جابوها....
فى حين مثلا الفانوس عندى اتكسر مش لاقى له وش بس ..الموجود فى التوكيل وبره فانوس كامل..دول مثالين للتوضيح بس عامه القطع المهمه موجوده ان شاء الله
استهلاك الوقود على السريع كويس لكن سرعات بطيئه جوه المدينه مش عاجبنى الصراحه وهسئلهم على الموضوع دا فى الصيانه الجايه يمكن العيب من عندى...
اتمنى اكون افدتك وتحت امرك

[احنا الطلبه]

ا ريت موضوع شامل للعربيه دي ومش عارفه ان كانت صنع في الصين دي تعيبها ولا ايه واحترت الصراحه ناس بيشكرو فيها اقول اشتريها وناس تكرهني فيها دلوني والنبي انا تعبت بجد

[_hema]

والله عربيه محترمه ومشايه فى السوق ملاكى وتاكسى

استخير الله تعالى قبل الشراء

ربنا يوفقك

[elpasha1]

للعلم مش اى ميكانيكى يعرف يشتغل فيها نظرا لضيق حوض الموتور

[aftr]

نصيحه ابعد عن الصينى مع احترامى لاصحاب العربيه لوحابب تخسر فلوس اشترى صينى