رعشة فى الفتيس ورجة فى العربية .. ياترى ايه السبب؟

[khaled_Saga]

السلام عليكم يا اخوانى

من فترة بحس برعشة بسيطة فى الفتيس ورجة فى العربية مش جامدة فى الغيارين الاول والتانى بالذات لما بدى الغيار وادوس بنزين والعربية بتسحب
هل ياترى ده سببه ايه مثلا يكون قواعد موتور ولا ايه بالظبط؟؟
اول لما جبت العربية لحد وقت قريب كان سحب العربية ناعم خالص مش بحس بالرعشة دى بس من فترة بدأت الاحظها ولو انى مش ملاحظ ارتفاع او خبط فى صوت الموتور انما بس هى الرجة دى زى ما تكون العربية بتتنطط وكأن الطريق اللى ماشى عليه مش عدل اوى

ارجو الافادة

[hemaa_82]

علي اول و تاني بس ؟؟؟؟؟

طب علي سرعة معينة و تروح ولا مش علي نفس السرعة؟؟؟؟؟

اصلها لو قواعد هتبقي علي اي تعزيم علي المتور انما منظرها كدة عوجة في جنط او زرجينة في مساعد فبتعمل زي رفه علي سرعة معينة ....

اشرح باستفاضه علشان اللي يقدر يساعدك يساعدك ان شاء الله

[ahmedmoh]

السلام عليكم يا اخوانى

من فترة بحس برعشة بسيطة فى الفتيس ورجة فى العربية مش جامدة فى الغيارين الاول والتانى بالذات لما بدى الغيار وادوس بنزين والعربية بتسحب
هل ياترى ده سببه ايه مثلا يكون قواعد موتور ولا ايه بالظبط؟؟
اول لما جبت العربية لحد وقت قريب كان سحب العربية ناعم خالص مش بحس بالرعشة دى بس من فترة بدأت الاحظها ولو انى مش ملاحظ ارتفاع او خبط فى صوت الموتور انما بس هى الرجة دى زى ما تكون العربية بتتنطط وكأن الطريق اللى ماشى عليه مش عدل اوى

ارجو الافادة

حصلت عندي نفس الحكاية خصوصا لما تشد جامد و انت طالع على الاول و التاني و ساعات بتحصل و انا على التاني فقط و ببقى ماشي عادي مش بشد ولا حاجة
بس انا سافرت برا مصر بعد ما حسيت بالمشكلة دي بفترة بسيطة فملحقتش اروح التوكيل ولا اسأل
مع العلم ان العربية لسة ماجابتش ال 3000 كيلو

[khaled_Saga]

والله يا هيما ملهاش سرعة معينة بس هى زى ما احمد قال بحس بيها اوى فى الطلعة والتانى لما اشد اوى واقرص على دواسة البنزين وموجودة على السرعات العالية بس اخف

[khaled_Saga]

معلش سؤال كمان يا هيما

يعنى زرجينة فى مساعد؟ وكمان لو عوجة فى جنط ليها حل؟ انا كده كده هبقى اروح التوكيل بس يمكن بعد رمضان بس حابب اعرف ابعاد الموضوع

شكرا للاهتمام

[elpasha1]

طقم دبرياج

[ahmedmoh]

انا لما كان بيحصل معايا كدة كنت بالحقها بالدبرياج كانت بتتظبط الحكاية دي
اعتقد زي ما اخونا الفاضل قال انها مسألة ليها علاقة بيالدبرياج والله اعلم

[khaled_Saga]

انا لما كان بيحصل معايا كدة كنت بالحقها بالدبرياج كانت بتتظبط الحكاية دي
اعتقد زي ما اخونا الفاضل قال انها مسألة ليها علاقة بيالدبرياج والله اعلم

ممكن يكون كلام حضرتك والاخ مظبوط ولكن اللى اعرفه ان طقم الدبرياج لو فيه مشكلة بيسبب ضعف فى سحب العربية بشكل ملحوظ ولكن انا معنديش الكلام ده ولكن...

من فترة طويلة (قبل ما موضوع الرعشة يحصل) وانا بدور العربية ودايس دبرياج بحس بخبطة فى الدبرياج ملحوظة ولما كنت فى صيانة الالف الاولى قولت للمهندس احمد غريب باشا عليها وهو كبر دماغه فممكن يكون ليها علاقة؟

[mramzy]

اظبط حساس الدبرياج وريح نفسك
1- اضغط على الدبرياج بايدك للاخر
هتلاقى ورا البدال من فوق حاجه شبه مكنه الفرامل شداها فى اتجاه الكابوت هتلاقيها بتعمل صوت تكتكه متخفش شدها للاخر
3- وبعدين سيب دواسو الدبرياج بالراحه هتسمع صوت تتكته برضه بسب ضغط الدواسه على الحساس
4- اطلع جرب العربيه
5- ادعى ليا وللى علمها لى

[hzmmmk]

ممكن أواعد (قواعد) الموتور و الفتيس
و الله أعلم

[khaled_Saga]

اظبط حساس الدبرياج وريح نفسك
1- اضغط على الدبرياج بايدك للاخر
هتلاقى ورا البدال من فوق حاجه شبه مكنه الفرامل شداها فى اتجاه الكابوت هتلاقيها بتعمل صوت تكتكه متخفش شدها للاخر
3- وبعدين سيب دواسو الدبرياج بالراحه هتسمع صوت تتكته برضه بسب ضغط الدواسه على الحساس
4- اطلع جرب العربيه
5- ادعى ليا وللى علمها لى

حساس الدبرياج؟ انا لما روحت الصيانة اللى فاتت كنت بشتكى من تنتيش فى العربية ولما قولتلهم عليها قالولى ظبطنا حساس الدبرياج وفعلا اتظبطت انما دى رعشة ورجة فى الفتيس والعربية مش تنتيشة مش نفس الموضوع؟؟ ايه رايك؟ احاول اظبطه بردو؟

[khaled_Saga]

ممكن أواعد (قواعد) الموتور و الفتيس
و الله أعلم

ربنا يستر

[khaled_Saga]

انا سحبت صباع الحساس للاخر لحد ما عمل تكة وسبت الدواسة لحد مارجعت حملت على الصباح وتكت تكة صغيرة فعلا بس لسه مجربتش العربية

ان شاء الله هجرب واقول ليكم

[khaled_Saga]

انا جربت العربية بعد ماعملت الموضوع ده ودعتلك والله انت واللى علمهالك

الرعشة موجودة لسه فى الفتيس على الغيار الاول بس ولكن رجة العربية اختفت بشكل ملحوظ مش قادر احكم عليها ولكن بشكل عام العربية حاسس انها فاقت والدبرياج بقى انعم

بس ياترى هل الصباع ده بيتزحزح تانى ولحده وهضطر اظبطه تانى ولا بيفضل ثابت على مكانه؟

اشكرك على المعلومة وجزاك الله خير

[mramzy]

طبيعى لان ال بيحصل تاكل وعفار عموما كل لما تحس بالموضوع ده على طول اعملها