خدعوك فقالوا الباركينج سينسور بكاميرة

[mkamel52]

قمت بتركيب باركينج سينسور بكاميرا إأمبارح بعد الفطار عند سبير كار فى عربيتى التيجو وكنت مصدق الكلام اللى سمعته من ناس فى الموقع إنه حاجة عظيمة ، لكن مع الأسف النتيجة كانت محبطة بالنسبة لى ، حيث الفكرة تقوم على تركيب شاشة زى شاشة اللابتوب فوق مرايا الصالون وبالتالى المرايا إتلغت ، وعلشان تشوف ورا لازم تشوف من المرايات الجانبية ، أما الرؤيا من خلال شاشة الكمبيوتر المتعلقة فإنسى حيث إن لم أستطيع أن أميز سوى نور العربيات اللى جاية ورايا ، أما بالنسبة للكاميرة فهى تغطى خلف السيارة مباشرة ولا تغطى الأجناب وبالتالى جوانب الإكصدام الخلفى غير متغطية يعنى لو واحد واقف ورا العربية مباشرة من جهة اليمين أو اليسار لن يظهر فى الشاشة ، يعنى مرايا الصالون كانت أحسن ، أنا لسة ماجربتهاش فى النهار لكن بشكل عام النتيجة مش مشجعة بالمرة فأنا فقدت الرؤيا من خلال مرايا الصالون وأيضاً التغطية غير كاملة للخلف وعليك الإعتماد على المرايات الجانبية

[METOELESSAWY]

الكاميرات انواع من حيث زاوية العدسه

[bassem.naguib]

على حسب معلوماتي .. مش زواية العدسة فقط هي اللي مهمة .. ولكن كمان الكاميرا تكون مزودة بخاصية الرؤية الليلية .

[Neo206]

متابع

[beshomilan]

هو اللى ركبها لحضرتك معرفش يركبها كويس بحيث انها تجيب اقصى مدى يمين وشمال
وبرضه الكاميرات انواع ولكل واحد جودته وسعره
انا مره شفت الباركينج سنسور بكاميرا فى كورولا وكان جامد جدا وكاشف كل حاجة ورا بس برضه ساعات محتاج تبص فى المرايات الجانبيه كزياده تأكيد
وكمان كنت شايف منه كمراية وهو مطفى..بس للامانه ده كان فى النهار معرفش بليل ايه نظامه

[hemaa_82]

انا ركبت كاميرا الركن علي الdvd نفسه مش علي مراية النص.... و طبعا لا غنا عن مرايات الجناب لان مهما جابت مش هتجيبلك الرفارف .... انما مفيدة جدا جدا لو وراك حجر ولا عيل صغير ولا عربية و عايز تركن في حتة صغيرة تعرف اخرك ايه

اللي عندي فيها 9 ليدات انفرا ريد و بتشوف بالليل و ملونة كمان .... و طبعا لو حد منور في قفايا هيبان زي ما يكون شمس في الشاشة بس للحظات و بعدين هيا بتعدل الصورة ...

هيه رائعة كأضافة انما محطهاش علي المرايا طبعا ...حرام ...الا لو كانت هيا اصلا مراية و هية مطفية زي ما الاخ قال

[ashraf2470]

ياريت حضرتك تقول لنا هي تعطيك الابعاد مضبوطة ولا لا لان الشنطة والاستبن في الخلف بعد الكاميرا اكيد بحوالي 30 سم او اكثر