ام 11 و نظام مانع الانزلاق abs

[khaled_Saga]

السلام عليكم

فى الكام يوم اللى فاتوا اتحطيت فى موقفين اضطريت انى اكبس فرامل جامد والحمد لله جت سليمة وعدت على خير ولكن انا بحس لما بكبس جامد اوى ان فيه دربكة واصوات غريبة بتحصل مع الفرامل الصوت مبيكونش زى صوت الفرامل العادى ولكن زى صوت احتكاك جامد وانا كنت سمعت قبل كده ان لما تكبس فرامل جامد لدرجة ان ال abs يشتغل بيحصل صوت دربكة دلالة على بداية عمله .. فهل الكلام ده صح واللى انا بسمعه وبحسه فى الدواسة ده سببه ال abs ولا ياترى انا عندى مشكلة فى الفرامل؟

ارجو الافادة وتقبلوا تحياتى

[hemaa_82]

السلام عليكم

فى الكام يوم اللى فاتوا اتحطيت فى موقفين اضطريت انى اكبس فرامل جامد والحمد لله جت سليمة وعدت على خير ولكن انا بحس لما بكبس جامد اوى ان فيه دربكة واصوات غريبة بتحصل مع الفرامل الصوت مبيكونش زى صوت الفرامل العادى ولكن زى صوت احتكاك جامد وانا كنت سمعت قبل كده ان لما تكبس فرامل جامد لدرجة ان ال abs يشتغل بيحصل صوت دربكة دلالة على بداية عمله .. فهل الكلام ده صح واللى انا بسمعه وبحسه فى الدواسة ده سببه ال abs ولا ياترى انا عندى مشكلة فى الفرامل؟

ارجو الافادة وتقبلوا تحياتى

الABS كأنك فعصت بطن قطة تحت رجلك .... بتلاقي كأن في حاجة طرية مابين الدواسة و الارض بتخليها تتهز .... ده علشان البرنامج بتاع الABS بيخلي المساتر تفتح و تقفل بسرعة فدة بيوصلك اجساس الطالع و النازل بتاع الدواسة

الاصوات بقي ترجع لان العجلة بتكلبش و تنفك برضه في تتابع سريع ... فالعربية كلها بتترجرج نتيجة للموضوع ده

المفروض الABS ما يشتغلش اللهم الا لو
فرامل مفاجأة للأخر
فرامل عادية مع ظروف معينة"رمل او سوائل او مطبات" فده يخلي توازن العجل مع بعضه مش مظبوط ...بمعني واحدة تكلبش قبل التانية او واحدة تزحف و واحدة لا فده بيدي الزناد بتاعه علامه انه يلتحم او يشتغل علشان يدي السوائق القفدرة انه يلف و يفادي اي حاجة قدامه بدل ما يرشق

الغلطة اللي كتير بيقعوا فيها و انا كمان منهم ..... احساس المقاومة تحت رجلك بيخلي الواحد ميدوسش للاخر ... ده بيخلي المسافة بتاعت الفرملة تطول ....

النصيحة انك لما الABS يشتغل و تحس ان العربية لسة مندفعة تفعص للأخر لان ال abs المفروض انه بيفضل شغال لحد ما تسيب الدواسة لفترة او ان العجل يثبت تماما برضه لفترة ....

متفتكرش ان ال ABS هيوقفك تماما اول ما يشتغل ... بالعكس لو الطريق اسفلت فهوة بيطول مسافة الايقاف لو مكملتش فعص للدواسة ....

لو عايزين شرح اكتر بصه علي
ABS vs. No ABS - YouTube

الفكرة ببساطه ان لما ال ABS بيشتغل مبيكونش قدامك بدايل كتير ....
ف تفعص الدواسة و انت و اللي ربنا رايده بقي ان شاء الله يكون خير

[khaled_Saga]

الABS كأنك فعصت بطن قطة تحت رجلك .... بتلاقي كأن في حاجة طرية مابين الدواسة و الارض بتخليها تتهز .... ده علشان البرنامج بتاع الABS بيخلي المساتر تفتح و تقفل بسرعة فدة بيوصلك اجساس الطالع و النازل بتاع الدواسة

الاصوات بقي ترجع لان العجلة بتكلبش و تنفك برضه في تتابع سريع ... فالعربية كلها بتترجرج نتيجة للموضوع ده

المفروض الABS ما يشتغلش اللهم الا لو
فرامل مفاجأة للأخر
فرامل عادية مع ظروف معينة"رمل او سوائل او مطبات" فده يخلي توازن العجل مع بعضه مش مظبوط ...بمعني واحدة تكلبش قبل التانية او واحدة تزحف و واحدة لا فده بيدي الزناد بتاعه علامه انه يلتحم او يشتغل علشان يدي السوائق القفدرة انه يلف و يفادي اي حاجة قدامه بدل ما يرشق

الغلطة اللي كتير بيقعوا فيها و انا كمان منهم ..... احساس المقاومة تحت رجلك بيخلي الواحد ميدوسش للاخر ... ده بيخلي المسافة بتاعت الفرملة تطول ....

النصيحة انك لما الABS يشتغل و تحس ان العربية لسة مندفعة تفعص للأخر لان ال abs المفروض انه بيفضل شغال لحد ما تسيب الدواسة لفترة او ان العجل يثبت تماما برضه لفترة ....

متفتكرش ان ال ABS هيوقفك تماما اول ما يشتغل ... بالعكس لو الطريق اسفلت فهوة بيطول مسافة الايقاف لو مكملتش فعص للدواسة ....

لو عايزين شرح اكتر بصه علي
ABS vs. No ABS - YouTube

الفكرة ببساطه ان لما ال ABS بيشتغل مبيكونش قدامك بدايل كتير ....
ف تفعص الدواسة و انت و اللي ربنا رايده بقي ان شاء الله يكون خير

تسلم يا هيما على الشرح الوافى

انا مش مضايقنى خالص موضوع انها وقفت بسرعة او لأ ولكن كنت قلقان من الاصوات الغريبة اللى جاية من العجل والاحساس فى الدواسة لما كبست جامد يعنى حسيت وكأن حديد بيحك فى حديد كأنها حادثة مش كبسة فرامل عادية فحبيت أتأكد بس ان ده طبيعة شغل ال abs

تحياتى لك هيما

[katoba]

مشكور ياهيما على الفيديو الرئع الى وضحلنا طريقة عمل الabs وياريت لو حاجة كمان تعرفنا الebd ..

[firstknight_eg]

مشكور ياهيما على الفيديو الرئع الى وضحلنا طريقة عمل الabs وياريت لو حاجة كمان تعرفنا الebd ..

EBD يا باشا هو اختصار Electronic Brake Distribution بمعني التوزيع الالكتروني للفرامل

وده نظام بيعمل علي توزيع قوة الفرامل بين الفرامل الامامية والخلفية ,وليه كذا فايدة ، خلينا نتكلم ببساطة

1- ال EDB مع نظام ABS
لو انت داخل منحني جامد علي سرعة وحبيت تهدي شوية عشان تاخد المنحني، فا دوست علي الفرامل ولفيت الدركسيون، حاجة من الاتنين ممكن تحصل "اندر ستيريينج "Under Steering أو "اوفر ستيرينج Over Steering" مش عارف بالعربي يبأه اسمهم ايه" بس باختصار ان يا العربية هتفضل مكملة ومش هتحود او العربية هتلف بيك، فال EBD بيوزع الفرامل علي العجل عشان يخلي العربية تكمل في طريقها عادي وما يحصلهاش الموضوع ده. والموضوع ده بيبقي عن طريق الحساسات بتاعت ال ABS وفي الحالة ديه الـ EBD بيبقي متكامل مع ال ABS

ده فيديو للاوفر والاندر ستيرينج
ABS EBD - YouTube

2- في حالة تحميل السيارة
طبعا لو العربية محملة بتقف في مسافة اطول من لو هي فاضية، الـ EBD بيساعد العربية المحملة انها تقف في نفس المسافة اللي هتقفها لو العربية فاضية، عن طريق التخفيف من الفرامل الامامية وزيادة الفرامل الخلفية بمقدار الحمل اللي في العربية

وده فيديو تاني
Electronic Brake froce Distribution (EBD) - Toyota New Zealand - YouTube

[ALshahba]

معلومات علمية مفيده جدا
شكرا ليكم

[fineart607]

الصراحة انا جربت بتاع الأم11 فى رملة على اسفلت وما شاء الله كنت اول مره فى حياتى احس بيه

[khaled_Saga]

ربنا يبعدنا عن استخدامه وميحطناش فى المواقف دى اللهم امين

[khaled_Saga]

ياجماعة انا جربت تانى اكتر من مرة انى اكبس فرامل جامد على رمله واسفت بحس بصوت احتكاك واضح اوى من ناحية العجل الامامى صوت احتكاك حديد فى حديد ومش بسمع صويت الفرامل اللى احنا نعرفه اللى هى الصرخة العالية دى انا مش عارف بردو هل ده هو ال abs ولا فيه مشكلة فى الفرامل حد يفيدنى افادكم الله

[fineart607]

انت بتحس بعضعضة تحت رجلك والعربيه مش بتزحف خالص عكس المتوقع

[khaled_Saga]

انت بتحس بعضعضة تحت رجلك والعربيه مش بتزحف خالص عكس المتوقع

شكرا اخى للتوضيح

فعلا بحس عضعضة الدواسة ولكن اللى قالقنى انى بحس اصوات تجنن من تحت العربية كأنى فرملت على نقلة طوب مش على اسفلت زى ما تقول كده الطنابير ماشية على الارض من غير عجل!!

[met3abe]

فعلا بيبقى فى صوت دربكة بتعمل معايا فى البريلانس كدة هية عبارة عن قبضات متتالية