اتوكل على الله واجيب m11 ولا..؟

[ooooosooooo]

اخوانى فى المنتدى السلام عليكم
ناويت باذن الله ان اشترى M11 وخصوصا ان السيارة انتشرت كتير فى الشوارع ومشاكلها تكاد تكون معدومة الان عن السابق وهيا بصراحة عجبانى جدا وكنت ناوى اشترى رينو ميجان مستعملة بس احد الاصدقاء رشحلى M11 انها جديدة ومسمعة فا نويت عليها ان شاء الله وفى انتظار الاراء

[huss2000]

انتظر موديل 2012 حينزل في شهر 10 الجاي ان شاء الله حيكون اغلى الفين جنيه بس افضل

[hemaa_82]

افضل في ايه ؟؟؟ ولا هيزود سعرها علي الفاضي كعادة الوكلاء

[hemaa_82]

اهي بقت ب 73900 فعلا..... لحد امبارح السايت كان ب 71900 انما النهاردة زادت علي الموقع بتاع توحة

[huss2000]

سمعت في التوكيل اخر مرة انها نازلة بتعديلات في العفشة ... وسمعت برضوا جوا التوكيل انها هيا هيا نفس العربية .... ومش عارف مين الصح

[smsm2020]

العربية جميلة جداً . بأستثناء بعض الملاحظات العاديه اللى بتتظبط فى التوكيل وبصراحة توكيل محترم لغاية دلوقتى ونصيحة لوجه الله لما تعمل الصيانه أعملها فى أبو رواش مع المهندس / محمد عاطفى راجل محترم جداً وبيسمعك زى ما أنتا عايز ويطلع يشوف العربيه لو فى مشكله ويشرحلك اللى انتا عايز تعرفه . صلى صلاة أستخارة وتوكل على الله
تحياتى

[ooooosooooo]

مرسى جدا جدا ياجماعة والف شكر على الرد

[katoba]

صلى استخارة وتوكل على الله .. انا شخصيا حجزتها بعد العديد من المشاورات الطويله وصلاة الاستخارة وان شاء الله هستلمها كمان كام يوم .. وهى اول ماحجزتها من اسبوع كان زايده 1000 يعنى ب73000 لكن فى المصرية ب72000 بصراحة مرضتش استنى ال2012 لانى سمعت ان مفيش تغيير دة غير انى مش عارف الباشا هينزلها غالية اد ايه عن سعرها وخصوصا انها بدات تنتشر .. ربنا يوفقك ويوفقنا جميعا لكل مافية الخير ودعواتكم ليا بالبركة فيها

[khaled_Saga]

توكل على الله كلنا قبل ما نشتريها سألنا كتير وترددنا أكثر لكن هى فعلا عربية محترمة باستثناء فعلا بعض الملاحظات البسيطة اللى بتتحل فى الصيانات .. التوكيل مش دايما محترم ولكنه مقبول يعنى انا فى صيانة الالف الاولى مكنتش راضى عن التوكيل ولكن فى ال 5000 كنت راضى تماما يمكن العامل فى كده هو المهندس اللى بيعملك الصيانة فى المرة الاولى كنت مع احمد غريب للاسف اى كلام انما تانى مرة طلبت المهندس ابو بكر بالاسم وفعلا طلع راجل ذوق ومحترم

مبروك مقدما

[ooooosooooo]

شكرا جدا جدا يارجالة بس والله موضوع الزيادة دة مش قادر اقولكم عامل فيا اية احنا عبنا لما بنلاقى الحاجة عليها طلب بنفرم العميل بس هنقول اية ومين هيجيب لنا حقنا يعنى هيا جت على ابو الفتوح ربنا بس يسترها ومتغلاش اكتر من كدة وبالنسبة للاخ katoba فا الف مبروك عليك ومستنين تقريرك عن السيارة وان شاء الله تكون من نصبنا احنا كمان قبل ما سعرها يوصل 800000 الف زى جاك وحسبى الله ونعم والوكيل

[katoba]

ههههههههه .. الله يبارك فيك .. متقلقش مش هتوصل لدرجة 80 الف ان شاء الله

[sossi]

هى عمله 72 فول اوبشن فى المصرية انا ناوية احجزها بإذن الله

وفعلا ممكن تغلى عشان شكلها بجد عربية جامده