ابو الفتوح المعادي

[Ashraf_Ibrahim]

ازيكم يا شباب
يارب تكونوا جميعا بخير
كنت عايز اعرف ابو الفتوح المكتب الرئيسي اللي في المعادي بتاعه فين بالظبط !؟
عشان من الواضح اني كسبت في مسابقة ابو الفتوح بتاعة رمضان والمفروض اروح استلم الجايزة بتاعتي
لما اشوف هتطلع ايه

[osa92003]

مبروك مقدما هو فى طريق كورنيش المعادى على الشارع الرئيسى جنب السفاره اليابانيه بعد مستشفى المعادى للقوات المسلحه

[Ashraf_Ibrahim]

الله يبارك فيك يا اوسا
يعني اديها كورنيش على طول وهوصل ان شاء الله بسهولة يعني؟!

[osa92003]

بالضبط كده لا يمين ولا شمال بس خد بالك لو انت جاى من الجيزه بعد ماتعدى مطلع الدائرى اللى فى اول كورنيش المعادى هتلاقى يافطه عليها ابو الفتوح على الشمال مالكش دعوه بيها هو بعد كده بشويه كمان

[Ashraf_Ibrahim]

انا هبقا رايح في اتجاه المعادي من شبرا مليش اي دخل بالجيزة خالص!

[osa92003]

ماشى هى هى برضه هتديها كورنيش واسال بس على مستشفى المعادى للقوات المسلحه وهو بعدها بشويه علطول

[Ashraf_Ibrahim]

تسلم يا حبيبي
ربنا يبارك فيك يا رب
وان شاء الله هقلكم انا كسبت ايه بالظبط :d

[egypt0777]

اه ده
ابو الفتوح بيحدف كتاكيت

ابقى طمنى ايه هيه

[SAMER_ENGINES]

منتظر أعرف أنا كمان!!!!!!!
اوعى تطنشنا.

[Ashraf_Ibrahim]

اه ده
ابو الفتوح بيحدف كتاكيت

ابقى طمنى ايه هيه

معادي معاهم ان شاء الله يوم الأحد الجاي وهقلكم ايه حصل بالظبط
طبعا انا توقعت انها حركة زي كل الشركات قلتله ورسوم استلام الجايزة قد ايه؟!
قلي مفيش اي رسوم يا فندم دي فري تماما قلتله طيب ماشي مفيش مشكلة

منتظر أعرف أنا كمان!!!!!!!
اوعى تطنشنا.

عيب عليك مش هطنشكم طبعا لا تقلق
استلمها بس واعرف هي ايه
يا سلام لو تطلع M11 مثلا
اهي احلام ببلاش
هههههههههههههههههههههههههههههههههههههههههههههه