قصتى مع ظبط الزوايا

[smsm2020]

كنت سألت قبل كدة عن حد بتاع ظبط زوايا بس يكون كويس ناس كتير قالولى روح عند بريدجستون
فيت أند فيكس دة أحسن واحد وبالفعل روحت فرع صلاح سالم قالولى الـ m 11 مش موجوده على الكمبيوتر روح فرع عباس العقاد روحت بردوا قالولى مش موجوده على الكمبيوتر مش عارف أعمل ايه
لو حد يعرف أى واحد عنده الـ m11 على الكمبيوتر يبقى الف شكر
تحياتى

[egypt0777]

ايه المشكله عندك عشان تلف كده على بتوع الزوايا

يمكن نعرف نحلهالك

[hugan]

حسب علمنا عن السيارات
ان الزوايا يتم ضبطها كل 10000
ماشفناش قبل كده بصراحه حد ضبط زوايا علشان عنده مشكله
الزوايا اجراء روتيني لعدم تاكل كاوتش العربيه والمحافظه علي اتزانها
ومراجعه العفشه وبيان ان كانت بحاله جيده من عدمه لا يتم معرفته الا عند ضبط الزورايا
الا اذا كانت العربيات كلها ما بتظبطش زوايا
والا سبرانزا بس هيا اللي نازلها ضبط زوايا

[hemaa_82]

الزوايا تطزبط بعد اي شغل في العربية من تحت ... او اي شغل في العجل ....او بعد اي هبدة في العربية لا قدر الله "مصب او مقب" .... او في حاله حدوث اي نوع من اصوات الكاوتش علي الارض ... او لوجود تعويم غير مسبب... او لوجود حدف غير مسبب....

في مصر كل ده اكيد لازم واحدة منه تحصل قبل ما تكما 10000...... بس ده ميخليش الواحد عمال علي بطال يروح يزبط ... لان فك و ربط العفشة و الصواميلها بيخلي الجلب تبوظ نتيجة الترييح و العصر .....

و طالاما مفيش مشكلة باينة علي العربية يبقي اي مركز زوايا قديم حتي لو مش موجودة علي الكمبيوتر عنده هيبص و يفهم و يظبطها علي عربية تقربلها ....

من ملاحظاتي ان كتير جدا مكنش عنده ال 128 علي الكمبيوتر رغم انتشارها و كانو بيظبطوها علي ال 127


انا مجرب بنزينة التعاون اللي علي ناصية مصدق مع شارع الدقي في الدقي .....بعد ما العربية اتخبطت في الجنط الامامي يمين وكانت بتصوت ... ظبطوها لحد ما الدريكسيون اتعدل علي النص تاني بدون لعب فيه ... مجرد ظبط من تحت و كانت كما الزيرو ......
اعتقد متفرقش بقي وقتها هيه موجودة علي الكمبيوتر ولا لا لانها اتظبطت فعلا

[venus]

اول ما استلمت العربيه كانت بتاكل الكوتش الوراني رحت ظبط عند واحد عادي عندة كمبيوتر بس مش فارقه معاة النوع و بقت زي الفل .... و في صيانه 25 الف غيرولي اسكاتره لقيت العربيه بيعديها مراجيح رحت لنفس الرجل عندنا في دمنهور ظبطها و زي الفل بجيب 180 وكأني ماشي 90 ماشاء الله تبارك الله ولا حادفه يمين ولا شمال

سؤال : هوة في ظبت زوايه العربيه لاازم النوع ؟؟ انا كان معايا لانوس و 128 و أخويا معاة ماتركس و أخويا التاني معاة اوبترا و جوز اختي معاة اوكتافيا كلهم بيظبطو عند الراجل دة وزي الفل ...

أرجو التوضيح

[venus]

اول ما استلمت العربيه كانت بتاكل الكوتش الوراني رحت ظبط عند واحد عادي عندة كمبيوتر بس مش فارقه معاة النوع و بقت زي الفل .... و في صيانه 25 الف غيرولي اسكاتره لقيت العربيه بيعديها مراجيح رحت لنفس الرجل عندنا في دمنهور ظبطها و زي الفل بجيب 180 وكأني ماشي 90 ماشاء الله تبارك الله ولا حادفه يمين ولا شمال

سؤال : هوة في ظبت زوايه العربيه لاازم النوع ؟؟ انا كان معايا لانوس و 128 و أخويا معاة ماتركس و أخويا التاني معاة اوبترا و جوز اختي معاة اوكتافيا كلهم بيظبطو عند الراجل دة وزي الفل ...

أرجو التوضيح

[hemaa_82]

يا اخوانا في الله ماهو قبل انتشار الكمبيوترات كده الناس كانت برضه بتظبط زوايا ... ولا ايه ....

كان وقتها بمسطرة و فتلة و بتطلع حلاوة ....

انما طبعا الكمبيوتر بيسهل بقي و متفضلش تقيس و تقرف نفسك .... هما يا دوب حود يمين حود شمال تبان الزوايا و غلطاتها و بعدين تبدأ تظبط لحد ما يديك الزاوية التمام

كانت متعبة بس كان نفس النتيجة .... و كده كده حتي بالكميوتر بيكون في نسبة زوايا غلط مسموحة نص درجة تقريبا مش متأكد .....

و نتيجة ان في عربيات كتير ابعاد عجلها واحدة و نظم تعليقها واحدة ف ممكن كلهم يظبطوا بقرايات بعض ....... و في الاخر العبرة بالخواتيم و النتائج .... مش كده ولا ايه

[smsm2020]

ياجماعة انا بردوا ما أستفدش حاجة من الكلام العربية فيها حدفه يمين وعايز أظبط زوايا عشان تتظبط بس مش أكتر ومش فارق معايا كمبيوتر ولا غيرو لو حد يعرف حد يكون كويس يقول مكانو فين علشان أرحلوا وجزاكم الله خير
تحياتى للجميع

[hugan]

انا عن نفسي ما بظبطش الا علي جهاز قديم سواء في الاسبرانزا او الشاهين
انا شايف انه افضل من الاجهزه الجديده

[osa92003]

انا عن نفسي ما بظبطش الا علي جهاز قديم سواء في الاسبرانزا او الشاهين
انا شايف انه افضل من الاجهزه الجديده

الله بنور ياعم هوجان ممكن تقول لنا فين الراجل بتاع ضبظ الزوايا اللى بتتعامل معاه ومكانه بالضبط

[hugan]

الله بنور ياعم هوجان ممكن تقول لنا فين الراجل بتاع ضبظ الزوايا اللى بتتعامل معاه ومكانه بالضبط

المطريه
شارع الكابلات
بنزينه التعاون
وليهم فرع في شارع بورسعيد مع تقاطع سكه الوايلي

[أحمد فاروق سيد]

أعتقد مركز صيانة أبو رواش فيه جهاز ظبط زوايا والتكلفة في حدود 100 ج

[khaled_Saga]

انا ظبط زوايا فى صيانة اول الف وبقت زى الفل

اعتقد يا احمد انت طبعا لسه فى الضمان خليك وانت رايح الصيانة الجاية قولهم يظبطوهالك اضمن بدل ما انت واجع دماغك

[hemaa_82]

ماهو بدل ال 100 جنيه في ابو رواش هيدفع في النضيف برة 25 .... و النتيجة في الاخر واحد


و اصلا لو مفيش صفافير عجل علي الارض او لو في حدف علي خفيف بس فكك من الحوار ....

هوه احنا اصلا عندنا شارع عدل ؟؟؟؟؟؟ كله ماشي مايل اللي مش يمين و شمال تلاقيه طالع نازل

[smsm2020]

أزيك يا خالد والله واحشنى
أنا فعلاً ظبط زوايا فى صيانة الألف فى التوكيل وقلت أكيد أتظبطت وماركزتش فيها
بس بعد كدة ركزت فيها لقيت فى حدفه يمين غير كدة اكتشفت ان الطارة مش مظبوطه
ولما روحت فى صيانة ال 10000 قولتلهم على ظبط الزوايا والحدفة اللى فيها وعلى الطارة كمان قالى علشان اظبطلك زوايا هتدفع 100 جنيه قولتلوا على أيه هظبطها برة و اعملى الطارة . لما العربية خرجت قالى عملتلك الطارة
وبعد لما مشيت لقيت الطارة زى ماهيا
وعلى فكرة انا لما روحت بريدجستون قالولى حتى لو لقيت العربيه على اى جهاز من الأفضل ماتعملهاش غير فى التوكيل علشان هما بيتلككوا على أى حاجة وممكن يطلعوك من الضمان
علشان كدة ياريت الأستاذ hemaa-82 يقولنا الكلام دة صح ولا غلط
وتحياتى ياأستاذ hemaa ويا أستاذ khaled