استلمت الm11 بفضل الله .. ادعولى ربنا يحفظ ويبارك

[katoba]

الأخوة الأفاضل اعضاء قسم الاسبرانزا المحترمين :
استلمت بفضل الله ال m11
بعد فترة طويله من المشاورات والاستخارة لان دى اول عربية امتلكها فى حياتى .. العربية ماشاء الله لاقوة الا بالله ثبات وفرامل فوق الممتازه وعالية عن الارض بشكل يخليك تتلاشى قرف المطبات والطرق المكسرة .. سلبياتها الى اكتشفتها اول ماستلمتها من وجهة نظري .. الخامات متوسطة او اقل من المتوسط .. مراياتها عريضة اوى بشكل ملفت فبتخليك حريص اوى وانت ماشى .. صفارة حزام الامان الى رعبتنى اول ماسمعتها واتطمنت لما عرفت انها لحزام الامان .. وان شاء الله اوافيكم بكل جديد الاحظة فيها وممكن اقرفكم شوية بأسئلتى فارجوا أن تتحملونى ولكم جزيل الشكر على كل ماأفادتمونى بيه طول فترة الاستشارة .

[esam722]

الف الف مبروك ياباشا وربنا يديلك خيرها ويكفيك شرها
غير بقى البيانات الشخصية

[Ahmed A Rahman]

الف مبروك يا باشا

[katoba]

الله يبارك فيكم ياشباب .. وحضار ياستاذ عصام جارى تغيير البيانات الشخصية من No car لـ m11

[smsm2020]

الف مبروك على العربيه وانشاء الله تبقى أختيار موفق
ربنا يديلك خيرها ويكفيك شرها
تحياتى

[katoba]

اللهم امين يارب .. شكرا ياستاذ سمسم وربنا يباركلك فى سيارتك

[osama.m]

الف مبروةك يا باشا و ربنا يديك خيرها و يكفيك شرها

[samehsalem]

صفارة حزام الامان لو حابب تلغيها هتلاقي كابل بفيشة تحت كرسي السواق افصلها الصوت مش هيشتغل تاني وربنا يكفيك شرها انشاء الله ويباركلك فيها

[fineart607]

10000000000000000000000مليون مبروك والله عربيه كويسة والمهم خليك واثق فيها باذن الله وربنا يحفظها ويبارك لك فيها والعيوب الى انت ذكرتها دى مميزات وليست عيوب ما عدا طبعا الخامات واعتقد انها احسن من الفيرنا والانوس واللوجان وكمان عندك هتلاقى تنبيه لو ماشى وفرامل اليد مرفوعة او باب مفتوح والله عربيه كويسه ان شاء الله

[katoba]

الله يبارك فيكم ياشباب متشكر ليكم اوى وربنا يباركلنا فى سياراتنا جميعا .. انا عارف ياستاذ fineart607 انها مش عيوب بس علشان مش متعود بس عليها وربنا مايجيب عيوب . وبالنسبة لموضوع صفارة حزام الامان ياستاذ سامح انا سالت صديقنا العزيز خالد (Khaled_saga) وهوا مشكور قالى على الطريقة .. وشكرا عالنصايح الغالية الى اتعودت عليها منكم

[hemaa_82]

الف مبروك و اهلا بيك اخ عزيز .... بس تعليق بسيط علي الخامات ....انا بركب العربية كل يوم ... ولا اكرة اتكسرت ولا تابلوه شرخ ولا حاجة الحمد لله .... مبقولش طبعا انها bm ولا ميني بس معانا فيرنا و هية اعلي من الفيرنا ....
بمعني انها العادي بس علي احسن انما مش السئ خالص يعني

[fineart607]

واحنا كمان معنا فيرنا وهى احسن منها ما شاء الله وقبلها لانوس وبرضه بفضلها عنهم

[katoba]

الله يبارك فيك ياهيما .. انا مقصدتش ان الخامات سيئة جدا انا قلت انها متوسطة او اقل من المتوسط وبصراحة دة قلته لما شوفت شكل الطاره معجبنيش اد كدة وحسيت انها ممكن تقشر لكن لون الفرش والانوار من الداخل حاجة بسم الله ماشاء الله تحفة ودة اول تعليق اخدته من زمايلى الى معاهم افيو وصنى ولانوس

[Ashraf_Ibrahim]

ألف ألف ألف مبروك على العربية
وربنا يحميك من شرها ويديك خيرها دايما يا رب
واتمنى تقارير مستمرة ومتتابعة عن العربية عشان بفكر أجيبها !
بالتوفيق ان شاء الله

[khaled_Saga]

مليووووون مبرووك يا احمد ربنا يديلك خيرها ويكفيك شرها دائما .. اللهم امين

لحقت نفسك انت واعترفت ان انا اللى قولتلك على موضوع فيشة حزام الامان (مع كل الشكر للاخ سامح اللى شارك بالمعلومة طبعا) هههههههههه

العربية جميلة ماشاء الله وكفاك الله شر الحسد والحاسدين ويارب ابدا ما تقابلك اى اعطال او اى حاجة تقلقك

مليون مبروك للمرة التانية وتقبل تحياتى