استهلاك عالى نسبيا للبنزين فى سيارتى m11

[katoba]

السلام عليكم
انا عامل بسيارتى الm11 لحد دلوقت فى 3500 كيلو وحاسس ان فية استهلاك عالى للبنزين حوالى 13 لتر فى ال100 كيلو على سرعه حوالى 100 كيلو على طريق سريع ومع العلم انى مبقرصش عالغيار فمش عارف بقى هل دة علشان لسة فى الاول ولا الموضوع دة بيظهر حتى مع الناس القديمة .. ارجو الافاده من ملاك السيارة القدام

[huss2000]

انا عامل بالعربية حوالي 40 الف والاستهلاك ال100 كيلو بعملهم ب 10 لتر تقريبا او 11

[hugan]

الاستهلاك عندي 100 كيلو 10 لتر
احسب الاستهلاك صح عن طريق تفويل التانك لنهايته وامشي مثلا 400 كيلو وفول مره تانيه للنهايه تعرف انت استخدمت كام لتر في ال 400 كيلو

[khaled_Saga]

بص يا احمد ...

احنا لما اتكلمنا على الموبايل كنت قولتلك ان العربية عندى بتستهلك كتير الى حد ما بس جوة البلد وانا طبيعة سواقتى بقرص على الغيارات جامد ففى الحالة دى انا مقدرش احكم على استهلاك العربية ولكن انا اشتكيت مرتين فى الصيانات من الموضوع ده ولكن اخر مرة كنت مع المهندس ابو بكر قولتله ان الصفيحة معايا بتعمل 150كم جوة البلد قالى ده طبيعى والمفروض تحسبلها على طريق سريع
الطريقة المثلى اللى قال عليها احد الاعضاء انك تفول التانك لحد ما لمؤاخذة يطرش بعدين تمشى بيها مثلا مسافة 200 كم وترجع تطرش التانك تانى وتشوف اخدت اد ايه بنزين تقوم تعرف هى بتحرق كام لتر فى ال 200كم وتشوف ده كتير كده ولا قليل
المهم ابوبكر قاللى ان الايديال بتاع العربية انها تحرق 7.5 لتر لكل 100كم وانت على سرعة 90كم.ساعة
يعنى لو سرعة 100 كم.ساعة اعتقدر تكون نفس الحسبة فمن الواضح ان عربيتك بتحرق كتير شوية
رأييى الشخصى تشتكى فى التوكيل واللى اعرفه ان هم بيظبطوها على جهاز او ممكن يكون البوجيهات عاوزة تتظبط او او ولكن تظل مشكلة مش خطيرة واكيد ليها حل ومتقلقش ان شاء الله خير

[katoba]

انا مش قلقان والله ياخالد ولا حاجة بس انا قلت يمكن اول 5000 مثلا الموضوع بيبقى كدة وبعدين ترجع طبيعى بس فعلا انت كلامك منطقى وهعمل كدة واجرب باذن الله بس موضوع ال7.5 لتر دة بقى فى ال100 كيلو انا مش مقتنع بيها تماما لانى مشوفتوش فى ولا عربية وانا عموما هعرفهم فى التوكيل المشكله دى واوافيكم باخر التطورات ... شكرا ليكم ياشباب عالرد والاهتمام

[hemaa_82]

انا مش قلقان والله ياخالد ولا حاجة بس انا قلت يمكن اول 5000 مثلا الموضوع بيبقى كدة وبعدين ترجع طبيعى بس فعلا انت كلامك منطقى وهعمل كدة واجرب باذن الله بس موضوع ال7.5 لتر دة بقى فى ال100 كيلو انا مش مقتنع بيها تماما لانى مشوفتوش فى ولا عربية وانا عموما هعرفهم فى التوكيل المشكله دى واوافيكم باخر التطورات ... شكرا ليكم ياشباب عالرد والاهتمام

علي الصحراوي لو مزودتش ال rpm عن 3000 لفة هتلاقي ال 7.5 مظبوطة فعلا و هتجيب 120 سرعة عادي ... مش 90 بس يعني

[katoba]

والله ياهيما مبزودوش عن 3000 خالص وبمشى على 100 مش عارف بقى ممكن يكون فية مشكله هقولهم عليها بردة فى التوكيل

[katoba]

كنت عاوز اعرف ياشباب هو صفارة البنزين بتصفر وفيها كام لتر

[hemaa_82]

مين صفارة البنزين دي ولا موأخذة ؟؟؟؟؟ هوه في عربية بتصفر لما التنك يقرب يفضي؟؟؟؟؟

[khaled_Saga]

كنت عاوز اعرف ياشباب هو صفارة البنزين بتصفر وفيها كام لتر

هى مش بتصفر يا احمد .. لمبة التانك بتنور لما يوصل البنزين لأقل من 10 لتر يعنى 10 فيما تحت تفضل منورة حسب ما الكتالوج بيقول

[katoba]

تمام ياخلود تسلم يامان على الافادة