لمبة مفتاح بالتابلوة ، طقم السيرفيس

[H_ARAMZY]

اشتريت سبيرانزا 516 2007 منذ يومان ولدى استفساران :-
1-لمبة مفتاح تظهر وقت تشغيل السيارة و بمجرد التحرك تختفى ، ما معناها .
2-اريد ان اعرف متى اقوم بتغيير طقم السيرفيس؟ وهل لة مؤشر فى التابلوة ؟ وما تكلفة تغييرة ؟ عداد السيارة 63000 ك م ولا يوجد لدى تواريخ الاعطال و الصيانة .

مع العلم بأنى اعيش فى الاسكندرية - فإذا كان احد حضراتكم يعرف اماكن جيدة و مجربة للصيانة بالاسكندرية.

و جزاكم الله خيرا

[khaled_Saga]

اخى الكريم ...

عندى اجابة للسؤال الاول وهو ان ظهور لمبة على شكل مفتاح هو معناه ان ميعاد الصيانة قرب فهو بيفكرك ولكن انت بتقول ان العداد عامل 63000 كم فده مش ميعاد صيانة لان الصيانة بتكون كل 5000 كم فممكن حاجة من اتنين:

1. التوكيل مفصلش اللمبة اثناء الصيانة السابقة ففضلت منورة
2. العربية دى عملت الصيانة الاخيرة ليها قبل ما العداد يقرب من عدد الكيلوات اللى عندها بتتعمل الصيانة فعلى سبيل المثال انك جيت تعمل صيانة ال 65000 لما كان العداد عامل 63000 وبعد كده مشيت عادى بعربيتك لحد ما العداد قرب من ال 65000 فطبيعى الكمبيوتر بيخلى اللمبة تنور عشان تفكرك لان هو مش فاهم انك عملت الصيانة قبل ميعادها واعتقد ده وضع طبيعى لان واضح ان العربية زى ماقوت موديل 2007 فاكيد خارجة من الضمان بقالها بتاع سنة فمواعيد الصيانة بتيجى والصيانة مش بتتعمل فاللمبة تفضل منورة

فى كل الحالات الموضوع عادى مش مقلق ممكن وانت فى التوكيل تقولهم عالموضوع ده وهم يعملوه فى ثوانى