Tweet
ازيكم يا رجالة . النهاردة سوقت عربية واحد صاحبى تيجو 1600 منيوال موديل 2010 عاملة 35000 كم وقولت انقلكم تجربة القيادة
اول حاجة تحس بيها لما تركب العربية انك قاعد فوق والناس تحتك تحس انك راكب جيب فعلا ، وكمان الكرسى ومسند اليد بيدوك وضع كدة وراحة فى القعدة والغيارات سهلة ممكن تنقل وانتا ساند ايدك عادى
الزراير كلها فى متناول ايدك سواء الكاسيت او الازاز ، الانوار جميلة والتابلوه واضح ومبين كل حاجة والمرايات اكتر من رائعة وبتعوض المراية اللى فى النص اللى مش مبينة الدنيا اوى
خامات التابلوه زى الزفت
وده يمكن تانى عيب بعد العيب المعروف بتاع قفل الابواب والشنطة(تحس انك بتقفل باب عربية لادا او بيجو) ، واعتقد ان العربية دى لو اتركنت فى شمس الصيف الحلوة بتاعتنا التابلوه ممكن يتقوص او يسيح 
(والله اعلم)
صوت المتور عالى شوية خصوصا لما تكون العربية لسة باردة ، مش عارف ده فى كل التيجو والا عربية صاحبى فيها مشكلة فى علبة الشكمان!
نيجىى بقى للسواقة .. العربية طلعتها بطيئة شوية عالأول وبداية التانى ، بس بعد كدة بتتحول لوحش كاسر ، اداء مش ممكن تتوقعه من موتور 1600 على عربية بهذا الحجم (بتفكرنى بأداء البيجو 307 طلعة تقيلة يليها تسارع رائع ) ولو بتغير على ار بى ام 3500 مثلا هتلاقى السحب ممتاز
اكتر سرعة مشيت عليها كانت 120 لان الطريق مكانش يسمح ولحد السرعة دى الثبات كان كويس فى الدورانات بس مش زى اللانسر او الانترا بس معقول اوى بالنسبة لعربية عالية زى التيجو
الباور حلو ولا تقيل ولا خفيف اوى وعالسرعات العالية تلاقى الدركسيون ثابت وماسك نفسه ، والفرامل كمان جميلة والاى بى اس بيسعف فى اى وقت بس فى ملاحظة انها مش عالشعراية يعنى اول دوسة مش بتجيب معاك فرامل (مش عارف برضه دى فى كل التيجو والا ايه)
العفشة ناعمة على عكس ما سمعت عن التيجو ومستغرب صراحة من الناس اللى اشتكوا منها ، لو قارنتها باللانسر او الانترا هتلاقيها انعم كتير وفى مطبات مش بتحس بيها اصلا ، وكمان العربية عالية ومش بتحك فى اى مطب حتى لو محمل العربية عالاخر ودى ميزة كبيرة فى التيجو
مش عارف نسيت حاجة كدة والا ايه !! بس اجمالا العربية حلوة كقيمة مقابل نقود وتبقى الاعتمادية وتوافر قطع الغيار هى الفيصل ، ولو فى ملاحظة وحيدة عالتيجو هتبقى الخامــــــــــــــــات والتقفيــــــــــــــــل
شكرا على حسن استماعكم ولو فى استفسار انا فى الخدمة
اول حاجة تحس بيها لما تركب العربية انك قاعد فوق والناس تحتك تحس انك راكب جيب فعلا ، وكمان الكرسى ومسند اليد بيدوك وضع كدة وراحة فى القعدة والغيارات سهلة ممكن تنقل وانتا ساند ايدك عادى
الزراير كلها فى متناول ايدك سواء الكاسيت او الازاز ، الانوار جميلة والتابلوه واضح ومبين كل حاجة والمرايات اكتر من رائعة وبتعوض المراية اللى فى النص اللى مش مبينة الدنيا اوى
خامات التابلوه زى الزفت
وده يمكن تانى عيب بعد العيب المعروف بتاع قفل الابواب والشنطة(تحس انك بتقفل باب عربية لادا او بيجو) ، واعتقد ان العربية دى لو اتركنت فى شمس الصيف الحلوة بتاعتنا التابلوه ممكن يتقوص او يسيح (والله اعلم)صوت المتور عالى شوية خصوصا لما تكون العربية لسة باردة ، مش عارف ده فى كل التيجو والا عربية صاحبى فيها مشكلة فى علبة الشكمان!
نيجىى بقى للسواقة .. العربية طلعتها بطيئة شوية عالأول وبداية التانى ، بس بعد كدة بتتحول لوحش كاسر ، اداء مش ممكن تتوقعه من موتور 1600 على عربية بهذا الحجم (بتفكرنى بأداء البيجو 307 طلعة تقيلة يليها تسارع رائع ) ولو بتغير على ار بى ام 3500 مثلا هتلاقى السحب ممتاز
اكتر سرعة مشيت عليها كانت 120 لان الطريق مكانش يسمح ولحد السرعة دى الثبات كان كويس فى الدورانات بس مش زى اللانسر او الانترا بس معقول اوى بالنسبة لعربية عالية زى التيجو
الباور حلو ولا تقيل ولا خفيف اوى وعالسرعات العالية تلاقى الدركسيون ثابت وماسك نفسه ، والفرامل كمان جميلة والاى بى اس بيسعف فى اى وقت بس فى ملاحظة انها مش عالشعراية يعنى اول دوسة مش بتجيب معاك فرامل (مش عارف برضه دى فى كل التيجو والا ايه)
العفشة ناعمة على عكس ما سمعت عن التيجو ومستغرب صراحة من الناس اللى اشتكوا منها ، لو قارنتها باللانسر او الانترا هتلاقيها انعم كتير وفى مطبات مش بتحس بيها اصلا ، وكمان العربية عالية ومش بتحك فى اى مطب حتى لو محمل العربية عالاخر ودى ميزة كبيرة فى التيجو
مش عارف نسيت حاجة كدة والا ايه !! بس اجمالا العربية حلوة كقيمة مقابل نقود وتبقى الاعتمادية وتوافر قطع الغيار هى الفيصل ، ولو فى ملاحظة وحيدة عالتيجو هتبقى الخامــــــــــــــــات والتقفيــــــــــــــــل
شكرا على حسن استماعكم ولو فى استفسار انا فى الخدمة
Comment