إسبرانزا 516 .... أسوأ سياره في مصر

[bassemali]

العربيه بإختصار شديد مليانه عيوب صناعه من ساعة ماأستلمتها وأنا بعاني الأمرين ... العربيه ماشيه 5000 كيلو وشويه ... في صيانة الألف كانت الشكوى من :
1) مكن الزجاج كله بيطقطق .
2) طرمبة البنزين بايظه( لما بفول العربيه المؤشر بيبقى قبل الفل بشرطه)
3) النور حادف شمال .
4)المساعد الخلفي شمال ضارب .
5)صوت إحتكاك شديد في العجله الخلفيه شمال مع المشي .
طبعا رحت صيانة الألف كل اللي أتعمل تغيير الزيت اللي بياخده عليه فلوس وغيره مكنة زجاج واحده وقالولي صلحنالك الباقي وبعد فترة رجعت تطقطق تاني .
بعد مالعربيه عملت 3000 كيلو حصل عطل مفاجىء ولقيت النور الخلفي كله مش شغال والفرامل بتصفر رحت على مركز الكويت والبلاد العربيه وبعد ماإتلطعت 5 ساعات وطبعا ماروحتش الشغل قالولي ده فيوز وضرب وعملناه وقالولي نظفنالك التيلوبعد فتره رجع التيل يصفر والنور ضرب تاني وأنا مسافر إسكندريه قبل الإنتخابات بيوم والدنيا مطر وإكتشفت بالصدفه أن النور مش شغال لما وقفت في الرست وعقبال ماوصلت إسكندريه في الجو ده كنت بتشاهد وأضطريت أبات هناك لتاني يوم لما رحت مركز الخدمه اللي في محطة الرمل وطلعت الضفيره محروقه وغيروها وبرضه سابو طرمبة البنزين ومكن الزجاج .
النهارده بقى لما عملت شكوى في المركز الرئيسي من كام يوم كلمني شخص كده وقاللي روح لمركز الخدمه بتاع العباسيه وهما هيظبطولك كل حاجه رحت النهارده عشان أقعد من الساعه 8.30 صباحا لغاية لما أستلموا العربيه 10.30 ساعتين عشان 3 مهندسين اللي في المركز كله بيستلموا العربياتوأشتكيت من مكن الزجاج وطرمبة البنزين وتراب داخل لوحة التكييف وصوت صفاره في الفرامل(رجع تاني ) وصوت صفاره جديد ظهر إمبارح والعربيه دايره ع السلانسيه .... والساعه 5 العصر جابولي العربيه زي ماهيا ماتعملش فيها غير طرمبة البنزين وقالولي هتبت وتستلمها الخميس ..... كل ده بيحصل في عربيه لسه زيرو ماكملتش 6000 كيلو .
إنها حقا أسوأ عربيه في مصر
وبكره إن شاء الله هاروح لهم تاني ومش رايح الشغل عشان أبهدلهم وأمسح بيهم الأرض وأقتل حد فيهم إن شاء الله .... إدعولي بالتوفيق .

[osa92003]

عايز اقولك حاجه ---------- مركز صيانه لسبرنزا صيانه العباسيه وده معروف نصيحه هتروح هناك وهتلاقيها زى ماهى نصيحتى مركز ابو رواش وهما اكثر صناعيه فاهمين فى العربيه وسيبك من مراكز العك زى الاسكندريه والكويت لكن العربيه مش سيئه ولا حاجه لكن انت بس كان لازم تسأل تتعامل مع مركز خدمه مين

برجى مراعاة الاداب العامة واختيار الالفاظ المناسبة للتعبير عن وجه نظرك

مشرف 3ب
9/1/2012
3.00am

[khaled_Saga]

اخى العزيز ..

بتحفظ بسيط على كلامك اعتقد ان العربية مش الأسوأ على الاطلاق والا مكنتش انتشرت بالشكل ده .. كل الموضوع ان بيظهر فيها بعض العيوب اللى من وجهة نظرى سهلة الحل ولكن العيب وكل العيب على مراكز الخدمة للاسف هم اللى بيستهونوا بينا مش اكتر ولكن العربية اعتقد انها جميلة مقارنة بسعرها

[esam722]

لما تحب تصلح حاجة روح للمركز الرئيسى بابو رواش
علشان المراكز التانية لتغيير الزيت وامضاء الصيانة الدورية فقط

[eng_hbadr]

ياجماعه العربيه حلوه ولا لا والبنزين وقطع الغيار حلوه
أنا معايا النترا 2004 وعاوز أجيب 516

[amado318]

انا قلت كدة من زمان على العربيات الصينى ومحدش صدق

[esam722]

انا قلت كدة من زمان على العربيات الصينى ومحدش صدق

صينى ؟؟؟
من محلات 2.5 مش كده ؟؟؟؟
يا ريتنى صدقتك
لا حول ولا قوة الا بالله العلى العظيم

[vinosse]

انا اعرف ناس معاهم العربية وزى الفل بس لاتقارن طبعا باقل عربية فى السوق
وناس تانية معاهم العربية وزيرو ومن ساعة ماشتروها بيعانوا
الواضح ان مش كل العربيات زى بعضها يعنى ممكن تشترى عربية تطلع زى الفل وممكن تاخد واحدة زيها بالضبط بس مليانة عيوب صناعة
ودة عيب خطير من الشركة
حسبى الله ونعم الوكيل

[osa92003]

انا اعرف ناس معاهم العربية وزى الفل بس لاتقارن طبعا باقل عربية فى السوق
وناس تانية معاهم العربية وزيرو ومن ساعة ماشتروها بيعانوا
الواضح ان مش كل العربيات زى بعضها يعنى ممكن تشترى عربية تطلع زى الفل وممكن تاخد واحدة زيها بالضبط بس مليانة عيوب صناعة
ودة عيب خطير من الشركة
حسبى الله ونعم الوكيل

لا طبعا مش بالشكل ده لكن الفكره هى سوء استخدام

[jant]

الموضوع يتلخص فى ان العربيه ممتازه بالنسبه لسعرها وكمالياتها طبعا انا مقدر المشاكل اللى عند حضرتك انا بقةل كده وانا عربيتى فيها عيب صناعه بالفتيس وبعد لما غلبت مع التوكيل موصلتش لحل روحت عامل شكوى لحماية المستهلك (ناس فوق درجة الاحترام)
وتم الاتفاق على تغيير الفتيس بالكامل عربيتى موديل 2011 عامله 8500 كم
كل المشاكل دى بسبب الايدى المصريه الجميله والتقفيل المحلى وده موجود بسيارات كتير الفيرنا والصنى واللوجان كل دول بيظهر بيه مشاكل اينعم كحالات نادره اقل من اسبيرانزا ولكنها موجوده
عليك بالهدوء وان شاء الله كل شيء له حل واتوكل على الله وخش على مركز حماية المستهلك وارسل شكوتك وهيتابعوك فى خلال 48 ساعه

[amado318]

صينى ؟؟؟
من محلات 2.5 مش كده ؟؟؟؟
يا ريتنى صدقتك
لا حول ولا قوة الا بالله العلى العظيم

متستعجلش بكرة هتصدق دة انا راكب لانوس موديل 2004 ماشيه 400 الف وعمرى ما اشتكيت منها ولا تيل بيصفر ولا مساعدين بتطقق ودى لانوس كورى

[vinosse]

لا طبعا مش بالشكل ده لكن الفكره هى سوء استخدام

ياباشا
انا لو كنت راكيب عربية استعمال وظهر فيها عيوب بتبقى حاجة مقرفة جدا مابالك بقى انى شاريها زيرو باكياسها يعنى المفروض تعمل 100 الف كم بدون ولا كلمة
وموضوع انها فيها كماليات وسعرها قليل مش مبرر لعيوب الصناعة انما هى سياسة شركة غير محترمة تجاة العميل
والله الموضوع دة اما بيحصل فى اوروبا فى اى نوع عربية على طول بتبلغ التوكيل وبيتحمل مصاريف الشحن وبيديك عربية تمشى بيها نفسك لحد مايكشف على العربية ولو طلع عيب استخدام بيتصلح تبع الضمان لان الضمان هنا 3 سنين اما لو عيب صناعة فترد فلوسك او تاخد عربية جديدة بدون شكاوى او اى شىء لانها سمعة شركة
على فكرة العربيات الصينى ممنوعة من دخول اوروبا ماعدا انواع معينة
يعنى العيب مش فى الصين

[kimo-nubira]

ياجماعه العربيه حلوه ولا لا والبنزين وقطع الغيار حلوه
أنا معايا النترا 2004 وعاوز أجيب 516

انت اكيد بتهزر صح ؟؟ يا راجل حرام عليك

[esam722]

متستعجلش بكرة هتصدق دة انا راكب لانوس موديل 2004 ماشيه 400 الف وعمرى ما اشتكيت منها ولا تيل بيصفر ولا مساعدين بتطقق ودى لانوس كورى

ربنا يباركلك فيها
بس انا هقولك تجربتى مع اللانوس اللى تمنها معدى ال70000 جنية
انا ليه واحد صديق عزيز علية معاه لانوس موديل 2008 ولظروف سفرة للعمل فى دوله عربية فكر فى فكرة ان يعمل احلال ويقلب العربية تاكسى لظروف ان عليها اقساط بالاضافة ان العربية تجيب قسطها بدل ركنتها وبعدين لما يرجع يبيعها ويجيب غيرها وقصدنى انى اتابع العربية كامانة لحد ما يرجع
المهم العربية ساعة ما قلبت تاكسى كانت عاملة 58000 كيلو دلوقت بعد سنة وشهرين بقت عاملة 113000 وفى خلال السنة دى تم تغيير البطارية 3مرات نتيجة انفجار البطارية (انفجار)واقسم بالله 3مرات وده غير بلى العجل الامامى وبلية الدبرياج وده غير ديسك الفرامل الامامية اللى قربت اغيرها
واكيد انت لو رحت لميكانيكى دايو وسألت ايه العيوب الشائعة فى اللانوس هيقولك متخرجش عن الحاجات دى ومع ذلك العربية مش وحشة
بس عربية فقيرة جدا وامكانيتها محدودة جدا بالنسبة لسعرها المبالغ فية جدا
بس كل واحد بيحسبها طبقا لاحتياجاتة وفلوسة وذوقة
وسنة 98 اللى كان بيشترى اللانوس اكيد كان فية ناس زى حضرتك بيحبطوا اللى بيشتريها ويقول حد برضة يشترى كورى ؟

[hemaa_82]

ربنا يباركلك فيها
بس انا هقولك تجربتى مع اللانوس اللى تمنها معدى ال70000 جنية
انا ليه واحد صديق عزيز علية معاه لانوس موديل 2008 ولظروف سفرة للعمل فى دوله عربية فكر فى فكرة ان يعمل احلال ويقلب العربية تاكسى لظروف ان عليها اقساط بالاضافة ان العربية تجيب قسطها بدل ركنتها وبعدين لما يرجع يبيعها ويجيب غيرها وقصدنى انى اتابع العربية كامانة لحد ما يرجع
المهم العربية ساعة ما قلبت تاكسى كانت عاملة 58000 كيلو دلوقت بعد سنة وشهرين بقت عاملة 113000 وفى خلال السنة دى تم تغيير البطارية 3مرات نتيجة انفجار البطارية (انفجار)واقسم بالله 3مرات وده غير بلى العجل الامامى وبلية الدبرياج وده غير ديسك الفرامل الامامية اللى قربت اغيرها
واكيد انت لو رحت لميكانيكى دايو وسألت ايه العيوب الشائعة فى اللانوس هيقولك متخرجش عن الحاجات دى ومع ذلك العربية مش وحشة
بس عربية فقيرة جدا وامكانيتها محدودة جدا بالنسبة لسعرها المبالغ فية جدا
بس كل واحد بيحسبها طبقا لاحتياجاتة وفلوسة وذوقة
وسنة 98 اللى كان بيشترى اللانوس اكيد كان فية ناس زى حضرتك بيحبطوا اللى بيشتريها ويقول حد برضة يشترى كورى ؟