إعـــــــلان

Collapse

.

,
See more
See less

تم تغيير الريموت

Collapse
X
 
  • Filter
  • الوقت
  • Show
Clear All
new posts

  • تم تغيير الريموت

    الريموت شغال تمام ومفيش منه مشاكل
    والمفتاح سليم
    لكن كان في واحد معايا في الشغل اخد المفتاح علشان يفتح الشنطه بتاعت العربيه كان في حاجه ليه معايا في الشنطه
    المهم رجع بعد شويه والريموت في ناحيه والمفتاح في ناحيه
    الا ستاذ مفتاحش الشنطه من الريموت فتحها بالمفتاح ولان الشنطه لا اكثر من 3 سنين مش بتفتح من القفل بتاعها كان المفتاح تقيل شويه
    اتعافي علي المفتاح لحد مافصله من الريموت
    المهم طلعت علي شارع دمشق سالت علي المفتاح بالريموت مالقتش غير عند زكي جرجس
    سعره 110 جنيه
    الريموت بيتباع فارغ بدون الشريحه لكن فيه مفتاح جديد
    سال عليه في منفذ بيع قطع غيار ابو الفتوح في شارع دمشق 350 جنيه
    روحت البيت
    فكيت الغطاء بتاع الريموت من الخلف
    طلعت البورده الموجوده في الريموت القديم ركبتها في الريموت الجديد
    الفحمايه بتاعت الايمبوليزر لازم تركب لان العربيه مش ها تدور بدونها هي فكها من الريموت القديم صعب شويه
    ناقص حاجه واحده ان اشيل السلاح بتاع المفتاح القديم واركبه مكان الجديد واركن السلاح الجديد شويه
    كان صعب اني افكه لانه عباره عن بنز صغير بيربط السلاح بتاع المفتاح بالريموت
    طلعت علي واحد ساعاتي جنبي انا قولت هو احسن واحد هايعرف يطلع البنز
    ليه لان في ساعات الاستيك الاستانلس بيكون محتاج يضيق شويه والاستيك بيكون متوصل ببعضه عن طريق بنزات تربطه ببعضه
    الساعاتي بيشيل البنز ويفك حلقه من حلقات الاستيك وبكده يقدر يضيقه او يوسعه
    وفعلا فك البنز وركبت السلاح القديم
    واشتغل الريموت بدون اي مشاكل
    الموضوع ده يتكلف في التوكيل مش اقل من
    500 جنيه
    حبيت انقل التجربه لاي حد بيفكر يغيير الريموت
    [SIGPIC][/SIGPIC] ياتقول كلام في محله يا تقول حلو ياحلو
    [url]/photos/a.879931698703941.1073741827.879900435373734/879931905370587/?type=1[/url]

  • #2
    مبروك ياباشا بس انا عايز اعر ف هو انا لو خدت نسخه المفتاح لبتاع مفاتيع ممكن يطلع لى نسخه ولا لازم تكون العربيه معاب=يا غلشان الشفرة

    Comment


    • #3
      هايعملك نسخه عادي
      لكن العربيه مش هاتدور لازم الفحمايه بتاعت الايمبوليزر دورها ان الكنترول يونيت بتعرف علي المفتاح عن طريقها غير كده مش هاتدور
      انا حاولت ادور العربيه بالمفتاح الاحتياطي النسخه اللي جايه مع العربيه مادراتش
      النسخه الاحتياطي لفتح العربيه عند الطوارءي
      [SIGPIC][/SIGPIC] ياتقول كلام في محله يا تقول حلو ياحلو
      [url]/photos/a.879931698703941.1073741827.879900435373734/879931905370587/?type=1[/url]

      Comment


      • #4
        المشاركة الأصلية كتبت بواسطة osa92003 مشاهدة المشاركة
        مبروك ياباشا بس انا عايز اعر ف هو انا لو خدت نسخه المفتاح لبتاع مفاتيع ممكن يطلع لى نسخه ولا لازم تكون العربيه معاب=يا غلشان الشفرة
        بتاع المفاتيح يقدر بس ينسخلك على السلاح الجديد نسخة من المفتاح القديم يفتح الابواب (السنتر) والشنطة لكن ميدورش العربية ولو بالطبل البلدى .. والسبب ان دوارة العربية متكودة بشفرة بتتحمل على جزء (يسمى بلغة الصنايعية الفحماية) حاجة شبه الفيوزات اللى بتبقى فى الكاسيتات او الراديوهات (شبه لمبة نيون صغيرة جدا جدا) بتركب جوة علبة المفتاح وعند الدوران بيقوم ايموبلايزر العربية بقراءة الشفرة منها ومن ثم تشغيل العربية

        انا كان ليا تجربة مشابهة الى حد ما .. المفتاح الاصلى التانى ضاع مع شنطة المدام لما اتسرقت فحبيت اعمل مفتاح تانى مطابق ولما سألت فى التوكيل دخلونى فى حوارت طويلة عريضة وخوفونى انه ممكن ميشتغلش وممكن نغير كنترول ايموبلايزر وكبروا الموضوع فأنا خوفت اعمله ولكن انا كنت اشتريت المفتاح فاضى بالسلاح من المركز الرئيسى فى ابو رواش وقولت اعينه عندى لحد ماشوف حل .. المهم جاتلى فكرة الى حد ما كانت حل مقبول بالنسبالى وهى ان نحط فحماية فى المفتاح الجديد ونحمل عليه اكواد العربية ونخرط السلاح على المفتاح القديم وبالتالى اقدر افتح العربية وادور (لكن من غير ريموت لان مفيش بوردة جواه) بعيدا عن وش التوكيل ووجع الدماغ .. بالفعل طلعت على واحد بتاع مفاتيح عندنا ركبلى فحماية وحمل اكواد العربية واتكلفت 250 جنيه + 120 جنيه تمن المفتاح فاضى من التوكيل يعنى الموضوع كله حوالى 400 جنيه والمفتاح شغال كويس بس عيبه الوحيد ان ساعات العربية انذارها بيشتغل لما بفتحها بيه بس بتبطل كلاكسات لما ادورها ولكن انا بس عاينه استبن لاقدر الله عشان لو المفتاح الاصلى اللى ضاع يبقى فيه نسخة تانية اقدر افتح بيها العربية بدل ما اغنى ظلموه.

        فى حالة الاخ هوجان صاحب الموضوع كان الاسهل بدل ماتوجع دماغك انك تخرط المفتاح الجديد على القديم وبتاع مفاتيح شاطر زى اللى انا روحت له كان سهل جدا ينقل كل محتويات المفتاح القديم (اللى اتفصل عن بعضه) الى المفتاح الجديد ويبقى عندك مفتاح بريموت طبق الاصل من مفتاحها الاصل ولكن عامة الف مبروك عليك مادام اشتغل تمام.

        Comment


        • #5
          المشاركة الأصلية كتبت بواسطة hugan مشاهدة المشاركة
          هايعملك نسخه عادي
          لكن العربيه مش هاتدور لازم الفحمايه بتاعت الايمبوليزر دورها ان الكنترول يونيت بتعرف علي المفتاح عن طريقها غير كده مش هاتدور
          انا حاولت ادور العربيه بالمفتاح الاحتياطي النسخه اللي جايه مع العربيه مادراتش
          النسخه الاحتياطي لفتح العربيه عند الطوارءي
          اسف هوجان انى رديت فوق ردك .. واضح اننا كنا بنرد على المشاركة فى نفس الوقت عامة ادينى نقلت تجربتى لعلها تفيد

          Comment


          • #6
            المشاركة الأصلية كتبت بواسطة khaled_saga مشاهدة المشاركة

            فى حالة الاخ هوجان صاحب الموضوع كان الاسهل بدل ماتوجع دماغك انك تخرط المفتاح الجديد على القديم وبتاع مفاتيح شاطر زى اللى انا روحت له كان سهل جدا ينقل كل محتويات المفتاح القديم (اللى اتفصل عن بعضه) الى المفتاح الجديد ويبقى عندك مفتاح بريموت طبق الاصل من مفتاحها الاصل ولكن عامة الف مبروك عليك مادام اشتغل تمام.


            انا عملت ايه غير كده
            انا نقلت محتويات الريموت القديم الي الريموت الجديد
            الريموت الجديد طبق الاصل القديم
            [SIGPIC][/SIGPIC] ياتقول كلام في محله يا تقول حلو ياحلو
            [url]/photos/a.879931698703941.1073741827.879900435373734/879931905370587/?type=1[/url]

            Comment


            • #7
              المشاركة الأصلية كتبت بواسطة khaled_Saga مشاهدة المشاركة
              اسف هوجان انى رديت فوق ردك .. واضح اننا كنا بنرد على المشاركة فى نفس الوقت عامة ادينى نقلت تجربتى لعلها تفيد
              ولا يهمك
              لكن اطلب تغيير اسمك من خالد ساجا
              الي خالد m11
              [SIGPIC][/SIGPIC] ياتقول كلام في محله يا تقول حلو ياحلو
              [url]/photos/a.879931698703941.1073741827.879900435373734/879931905370587/?type=1[/url]

              Comment


              • #8
                المشاركة الأصلية كتبت بواسطة hugan مشاهدة المشاركة
                انا عملت ايه غير كده
                انا نقلت محتويات الريموت القديم الي الريموت الجديد
                الريموت الجديد طبق الاصل القديم
                اعتذر لتانى مرة انا بصراحة لسه صاحى من النوم ومش مركز اوى

                Comment


                • #9
                  المشاركة الأصلية كتبت بواسطة hugan مشاهدة المشاركة
                  ولا يهمك
                  لكن اطلب تغيير اسمك من خالد ساجا
                  الي خالد m11
                  انا فعلا عاوز اعمل كده بس مش عارف هل ينفع ولا لأ وصعبان عليا اعمل يوزر جديد بعد المشاركات اللى شاركتها فى المنتدى .. انا عملت اليوزر ده لما كنت بشارك فى منتدى البروتون ايام لما كنت بفكر اشتريها ولكن غيرت رأييى ..

                  هل ياترى ينفع اغير اليوزر واحتفظ بباقى البيانات؟

                  Comment


                  • #10
                    المشاركة الأصلية كتبت بواسطة khaled_saga مشاهدة المشاركة
                    انا فعلا عاوز اعمل كده بس مش عارف هل ينفع ولا لأ وصعبان عليا اعمل يوزر جديد بعد المشاركات اللى شاركتها فى المنتدى .. انا عملت اليوزر ده لما كنت بشارك فى منتدى البروتون ايام لما كنت بفكر اشتريها ولكن غيرت رأييى ..

                    هل ياترى ينفع اغير اليوزر واحتفظ بباقى البيانات؟
                    ينفع تغير اليوزر بتراسل الاداره وتكتب سبب طلب تغيير الاسم
                    وبيتغييير الاسم بنفس مشاركاتك
                    اظن فيه قسم مخصص لطلبات تغيير الاسماء
                    [SIGPIC][/SIGPIC] ياتقول كلام في محله يا تقول حلو ياحلو
                    [url]/photos/a.879931698703941.1073741827.879900435373734/879931905370587/?type=1[/url]

                    Comment


                    • #11
                      المشاركة الأصلية كتبت بواسطة hugan مشاهدة المشاركة
                      ينفع تغير اليوزر بتراسل الاداره وتكتب سبب طلب تغيير الاسم
                      وبيتغييير الاسم بنفس مشاركاتك
                      اظن فيه قسم مخصص لطلبات تغيير الاسماء
                      شكرا ليك

                      بس لو عندك تفاصيل اكتر يعنى اراسل مين بالظبط؟ هل اراسل كريم لا حد تانى اصلى بصراحة معنديش خبرة بالمنتديات

                      اسف على الاطالة

                      Comment


                      • #12
                        ياجماعه فى كده حاجه مش مظبوطه انا المفتاح الاحتياطى اللى خدته من التوكيل بفرع المعادى غير مفتاح الريموت وكان عليه شفره كده بيدور العربيه عادى كده فيه مشكله ولا ايييييييييييييييييييييييييييييييه ؟؟؟؟

                        Comment


                        • #13
                          المشاركة الأصلية كتبت بواسطة osa92003 مشاهدة المشاركة
                          ياجماعه فى كده حاجه مش مظبوطه انا المفتاح الاحتياطى اللى خدته من التوكيل بفرع المعادى غير مفتاح الريموت وكان عليه شفره كده بيدور العربيه عادى كده فيه مشكله ولا ايييييييييييييييييييييييييييييييه ؟؟؟؟

                          ممكن يا اوسا توضح اكتر؟؟ يعىن هم ادولك مفتاح مش بالريموت وبيدور العربية عادى على الجاهز؟؟

                          Comment


                          • #14
                            متشكر لرد حضرتك بس اخونا هوجان لما قال ان المفتاح الاحتياطى اللى استلمه لما اشترى العربيه امش بيدور العربيه بيفتح الابواب فقط انا افتكرت ان المفتاح الاحتياطى اللى خدته وانا بشترى العربيه المفروض برضه يكون كده ....بس انا اللى معايا بيفتح ويدور العربيه ......طبعا انا قلت كده نظام الحمايه بتاع العربيه فى الاونطه ...بس الحمد لله انا اتاكدت النهارده ان المفتاح الاحتياطى مشفر برضه وعلشان اتاكد عملت مفتاح عادى مش مشفر عند بتاع المفاتيح اليوم وبيفتح ابواب العربيه والشنطه ولكن مش بيدور العربيه ....كده اطمنت الحمد لله ...ويظهر اخونا هوجان لما اشترى العربيه ماخدش المفتاح الاحتياطى المشفر وادوا ليه مفتاح عادى.......والف شكر على الاهتمام .....واعتقد نصيجه لكل الناس فى الايام الصعبه دى يتاكده من نظام الحمايه للعربيه وربنا يستر

                            Comment


                            • #15
                              تمام كده

                              ربنا يسترها علينا جميعا

                              Comment

                              Working...
                              X