مشكلة بسيطة فى لمبة شنطة الام 11

[khaled_Saga]

اخوانى الكرام ..

من فترة بقيت الاحظ حاجتين بالنسبة للشنطة واللمبة بتاعتها اللى بتنور فى اللوحة فى منتصف التابلوه:

1. اللمبة مبقتش تنور علاطول اول لما ادوس زرار فتح الشنطة زى الاول بقت قليل لما تفتح وكتير بتعلق ولكن لاحظت انى لما بنزل واول ما امسك الشنطة وافتحها حاجة بسيطة اللمبة تنور وده معناه ان بالبلدى السنسور اللى بيدى اللمبة الاشارة انها تنور مش بيشتغل الا لما الشنطة تتفتح بمقدار اكبر قليلا من فتحتها بالزرار

2. احيانا لما بفتح الشنطة بالريموت واجى ارفعها بايدى الانذار يشتغل وطبعا مش بيبطل الا لما افتح ابواب العربية نفسها بالريموت .. واحيانا كمان ده بيحصل حتى وانا فاتح الابواب اولا بالريموت واجى افتح الشنطة بالريموت وارفعها العربية تظمر .. لكن ده مش بيحصل اطلاقا لما افتح الشنطة من التابلوه

تفتكروا ايه المشكلة وهل حلها بسيط؟ انا مش قلقان بس بصراحة لمبة الشنطة مهمة عشان لو انت ماشى وناسيها مفتوحة تديلك انذار وتقفلها.

تحياتى

[eshoo]

حصلت معايا كده فى الاول ياباشا واللمبه كانت بتعلق وبعد كده وصل الحال انى لازم اغير الكالون كله بس للاسف لسه ماوصلش فى التوكيل واديني قاعد مستنيه.

[khaled_Saga]

حصلت معايا كده فى الاول ياباشا واللمبه كانت بتعلق وبعد كده وصل الحال انى لازم اغير الكالون كله بس للاسف لسه ماوصلش فى التوكيل واديني قاعد مستنيه.

ياخبر الكالون كله!؟؟
انا هشتكى منها فى الصيانة الجاية ولو طلع فعلا الكالون لو هيتغير على الضمان ماشى حتى لو مش موجود استنى هو عامة الموضوع مش مؤثر اوى

شكرا للافادة