العامل النفسى

[kamatchodj]

انتوا مش فتحتوا المنتدى .... طب خدوا عندكم...

علشان تحرموا

شوف ياسيدى وحد الله.... وصلى على النبى

انا اشتريت اسبرانزا وكنت قلقان جدا وخايف والشعور ده فضل ملازمنى لمده طويله عندى احساس ان العربيه صينى يعنىانتوا
عارفين يعنى ايه صينى..... مصر كلها بتخاف من اى حاجه صينى وفضل الاحساس ده معايا فتره
ولكن بعد فتره اتعودت على العربيه ولقيتها ممتازه وزى الفل وراح الاحساس بالخوف

[Abonora]

نفس الاحساس الذى لازم المهندس أمر فى بداية الامر--وطبعا الافضل ان يتكلم هو بنفسة عن المرحلة دية --ولكنى معك ان العامل النفسى يلعب الدور الاكبر ---افتكر او ما نزل التلفزيون ال l-g--والدتى زعلت جدا انى اشتريتة وفضلت تقول ضيعت فلوسك فى ماركة مش مشهورة ولا معروفة --ولكن مع الوقت ثبت عكس الكلام دة --ونتذكر عند نزول السيارة الدايو نفس الكلام كان بيتقال --ولكن الملاحظ ان صفات كثيرة وكبيرة اراها تربط مالكى الاسبيرانزا على وجهه الخصوص --اهمها روح المغامرة -ثانيهم الاحساس بالذات--والباقى انتم عارفينة لو عاوزين تقولوة براحتكم --لكن برضة يدخل تحت نطاق مسمى --العامل النفسى :P

[prince semsem]

فعلا انا نعاكم في هذه النقطة وخاصة نقطة المغامرة والمخاطرة بشراء حاجة جديدة فمثلا انا واعوذ بالله من كلمة انا قررت اشتري اسبرنزا 1600 رغم من اني ممكن اشتري واجا او ماتريكس لاني معايا فلوسهم ورغم كل التحذيرات اللي سمعتها من اصحابي ومن بعض الاخوة في المنتدى ولكنني قررت المغامرة والتوفيق من عند ربنا سبحانه وتعالى

[Hosam]

انا معاكم فى كل اللى بتقولوه لكن العامل النفسى بالنسبة ليا مختلف شوية .. بمعنى انى عادة باشترى اى شىء بيعجبنى و اكون مقتنع بيه و معايا تمنه و على هذا الشىء انه يثبيلى انه يقدر يشبع الحاجة اللى عشانها جيبته .. و لو حصل العكس لا اسف و لا ندامة و الحمد لله معنديش حتة الندم على حاجة .. و هى دى تجربتى مع a620 و الحق كل يوم بتثبتلى جدارة و الحمد لله.

[aamerbebo]

اكيد يا استاذوائل طبعا العامل النفسي لة دور كبير جدا جدا جدا خاصة في موضوع السيارة وخاصة كلمة صيني والتي تمثل شبح في عملية الشراء.
واا كنت متخوف جدا من الموضوع ده بس خدت الموضوع بعقلانية شوية وحسبتها وحسبت السعر لقيت السعر مناسب مع وضع اكثر من عامل في الاعتبار . وسأذكر لحضرتك موقف بسيط جدا يمكن يوضح وجهة نظري. من فترة لا بأس بها ذهبت الى سيتي ستارز لشراء سماعة للاذن فدخلت اكبر محل لبيع هذه الاشياء هناك الا وهو فيرجين وفجأة وجدت اغلب ما يقدمة صيني رغم سمعة المحل الفائقة ووجدت الاسعار بها اختلاف وتدرج كبير وعندما سألت عن السبب قال لي المسئول هناك ان البضاعة الصيني لما بتنزل مصر بتكون ليها تصنيفات طبعا ولكننا نختار الارخص بس مش في كل الاحوال فمثل هذه المحلات الكبيرة تستورد الافضل ولا يهمها سوى الجودة. ووجدت نفس الكلام في radioshack في سيتي ستارز. وقال لي مندوبهم نفس الكلام.
وهذا الكلام ان دل على شئ يدل على ان العيب مش في الصين العيب في المستورد. والحمد لله اشتريت العربية عن اقتناع كامل.
شكرا
م/آمر يحيى

[baher]

فعلا عندكم حق