ممكن المساعده فى ريحه شياط وانا سايق العربيه

[lovestory]

ممكن المساعده فى ريحه شياط وانا سايق العربيه بعد 100كيلو

[khaled_Saga]

ربما يكون التيل قافش على الطنابير فبيعمل ريحة شياط .. انت تقدر تحكم اذا كانت دى ريحة التيل او لأ

[eng.m7md.ali]

متقلقش خالص لو العربية لسة جديدة
ريحة الشياط ده بيبقى غالبا من ناحية الشكمان وتلاقي كيس بلاستيك فبريكة لازم في الشكمان زي ماحصل معايا لما جبت العربية زيرو

[lovestory]

العربيه كان كويسه جدا بس لما ربط على العفشه ولجلكش على تيل الفرامل وغيرت جوان بتاع الفرن الشكمان والريحه ظهرت والكلام ده من شهرين وكانت بتظهر ب 140 كيلو الوقتى بتظهر بعد 100 كيلو ياريت المساعد

[mahmoud2012]

السلام عليكم
بص انا الموضوع ده حصل معايا علي الطريق الصحراوي كنت بشد مع عربيه دايو والصراحه قرصت علي العربيه شويه وعديت وكان الار بي ام عالي وكمان كان الزيت مفروض يتغير واول ماوصلت لاقرب محطه تاني يوم غيرت زيت وبالفعل كان الزيت اصلا شبه منتهي اللزوجه بتاعته قليله لان العربيه كان حصل فيها مشكله وسخنت والزيت اكيد اتاثر وساعتها مغيرتش زيت انا من راي تغير الزيت وتجرب تاني لو شميت الريحه دي تاني لازم تكشف علي الموتور وهل انته من ساعت مكنت سايقها علي 140 مغيرتش زيت علشان كده بعد فتره الزيت بقي يتحرق عند سرعه اقل
اتاكد من موضوع الزيت الاول وبعدين اعمل compression test للموتور هتعرف فيه شنابر ولا لا لان اللي يحرق الزيت هو تهريب الكبس للكرتيره
في حاجه كمان فيه خرطوم التبخير اللي واخد من عند غطاء التاكيهات ده عباره عن البخر بتاع الموتور فك الخرطوم والمكنه سخنه وبص شوف بيجيب بخار بنسب عاليه عن الاول ولا لا قبل ما تعمل التست
وان شاء الله هتطلع حاجه بسيطه وتلاقيك مغيرتش زيت بقالك فتره او بتحط نوعيه مش كويسه

[mahmoud2012]

السلام عليكم
بص انا الموضوع ده حصل معايا علي الطريق الصحراوي كنت بشد مع عربيه دايو والصراحه قرصت علي العربيه شويه وعديت وكان الار بي ام عالي وكمان كان الزيت مفروض يتغير واول ماوصلت لاقرب محطه تاني يوم غيرت زيت وبالفعل كان الزيت اصلا شبه منتهي اللزوجه بتاعته قليله لان العربيه كان حصل فيها مشكله وسخنت والزيت اكيد اتاثر وساعتها مغيرتش زيت انا من راي تغير الزيت وتجرب تاني لو شميت الريحه دي تاني لازم تكشف علي الموتور وهل انته من ساعت مكنت سايقها علي 140 مغيرتش زيت علشان كده بعد فتره الزيت بقي يتحرق عند سرعه اقل
اتاكد من موضوع الزيت الاول وبعدين اعمل compression test للموتور هتعرف فيه شنابر ولا لا لان اللي يحرق الزيت هو تهريب الكبس للكرتيره
في حاجه كمان فيه خرطوم التبخير اللي واخد من عند غطاء التاكيهات ده عباره عن البخر بتاع الموتور فك الخرطوم والمكنه سخنه وبص شوف بيجيب بخار بنسب عاليه عن الاول ولا لا قبل ما تعمل التست
وان شاء الله هتطلع حاجه بسيطه وتلاقيك مغيرتش زيت بقالك فتره او بتحط نوعيه مش كويسه