سبيرانزا m12

[elmadawy]

يا جماعة ايه رايكم في ام 12 في جميع النواحي علشان انا مش لقي اقبال عليها زي ام 11 فياريت ال اشتراء العربيه يقلنا رايه ايه فيها وشكرا

[said.d.y]

أعتقد أن ضعف الاقبال عليها ، لسببين اولهم انها هاتشباك وال m11سيدان وارخص منها، بالتالى هتكون مطلوبة من جانب شريحة معينة، والسبب التانى انها نزلت فى شهر يونيو تقريباً يعنى مبقالهاش كتير وكمان سنة 2011 مفيش اى شركة فيها حققت مبيعات كبيرة، دى فى شركات مابعتش اصلاً.
هذا والله اعلم،،،،،
بس العربية انا اتفرجت عليها، استيل استيل استيل عالى اوى وسعرها معقول جداً عليها.

[huss2000]

الام 12 نظريا افضل من الام 11 بسبب معالجة بعض العيوب اللي موجوده في العفشة بتاعت الام 11 لكن مشوفتش حد جربها وينقل لنا تجربته الواقعية بعيدا عن كلام التوكيل

[hemaa_82]

مع تعديل بسيط .... بالرغم ان شكلها كهاتش باك اصغر الا انها استفادت من الفراغ اللي فوق الشنطة و ده خلاها اكبر علي الاقل في الشنطة

[elmadawy]

شكرا يا جماعة علي الردود

[midoelmodamer]

عربية محترمة جداً معايا والحمد لله لحد الوقتى مقابلنيش فيها مشاكل تستاهل

[khaled_Saga]

انا شوفتها من برة بس شكلها تحفة .. واعتقد نظريا ان المفروض يكون عالج فيها بعض عيوب الام 11

[hugan]

شفتها من يومين شكلها جميل

لكن امامها فتره علشان تاخد وقتها وتنتشر

[yahiagaber]

----------------------

ممنوع كتابة اللغة العربية بحروف انجليزية
يرجى مراجعة قواعد المنتدى

مشرف 3ب
4/3/2012
1.41am

[huss2000]

عربية محترمة جداً معايا والحمد لله لحد الوقتى مقابلنيش فيها مشاكل تستاهل

ياريت تنقل لنا تجربتك بشكل مفصل أكتر عشان تساعد اللي عايز يشتريها في انه ياخد اقرار ده ولا لأ ... وأهم سؤال ...العفشة اخبارها ايه معاك ؟؟؟؟هي عاملة معاك كام كيلو ؟؟؟

[khaled_Saga]

أعتقد أن ضعف الاقبال عليها ، لسببين اولهم انها هاتشباك وال m11سيدان وارخص منها، بالتالى هتكون مطلوبة من جانب شريحة معينة، والسبب التانى انها نزلت فى شهر يونيو تقريباً يعنى مبقالهاش كتير وكمان سنة 2011 مفيش اى شركة فيها حققت مبيعات كبيرة، دى فى شركات مابعتش اصلاً.
هذا والله اعلم،،،،،
بس العربية انا اتفرجت عليها، استيل استيل استيل عالى اوى وسعرها معقول جداً عليها.

كلام سليم مية فى المية

نمط الهاتشباك مطلوب من فئة معينة اغلبيتها الشباب وحتى يمكن مش كل الشباب .. يعنى انا مثلا عندى 27 سنة ومعايا ام11 وحابب نمط السيدان بكتير عن الهاتشباك (كان معايا جولييت وغيرت لام 11 عشان كنت عاوز سيدان)
ثانيا ان العربية لسه نازلة من كام شهر فطبيعى يكون فيه خوف من الاقبال عليها ده غير ان السنة اللى فاتت المبيعات كانت سيئة عشان ظروف البلد
العربية انا شوفتها من برة فى ابورواش بس كانت بعد الشر عنكم عاملة حادثة وفيها جنط مقطوم بس فعلا شكلها شيك اوى وشبابية جدا .. انا صورتها ورفعت الصورة لحضراتكم بس كان نفسى متبقاش اللى عاملة حادثة

[midoelmodamer]

ياريت تنقل لنا تجربتك بشكل مفصل أكتر عشان تساعد اللي عايز يشتريها في انه ياخد اقرار ده ولا لأ ... وأهم سؤال ...العفشة اخبارها ايه معاك ؟؟؟؟هي عاملة معاك كام كيلو ؟؟؟

انا الحمد لله مقابلنيش اى مشاكل فى العفشه وانا فى ريى الشخصى انها افضل عفشة للعربية دى بالذات هى لانها بتخلى العربيه ماسكه نفسها جامد على السرعات وبالتالى ثباتها اللى ما يختلفش عليه اتنين و فى نفس الوقت مش ناشفة فى المطبات والحفر مش تحس بكل زلطه فى الشارع زى السيراتو لان معلوماتى عن التعليق الخلفى فيها متعدد الوصلات مش قنطرة خلفية زى سيراتو والعربية عاملة تقريباً 25000 كيلو وعملت صياناتها ومقابلنيش مشاكل تذكر الحمد لله وانا جاهز لاى استفسار عن العربية باذن الله :)

[huss2000]

أنا معايا ام 11 مفيهاش أي مشاكل غير تزييق العفشة المستمر بتحتاج تتربط وتتزيت كل شوية ... هل عندك نفس المشاكل؟؟

[midoelmodamer]

أنا معايا ام 11 مفيهاش أي مشاكل غير تزييق العفشة المستمر بتحتاج تتربط وتتزيت كل شوية ... هل عندك نفس المشاكل؟؟

لا انا مقابلنيش اى اصوات تزييق او مشاكل فى العفشة خالص الحمد لله

[huss2000]

تمام ... ربنا يبارك لك فيها