خايف اشترى التيجو واندم

[moatzaziz]

يا جماعه ارجو الافادى انتو عرفين ان التيجو غليت تانى ويقت 88,000 ودا سعر مش قليل انا خايف اشتريها واندم ارجو ان المشتركين اللى معاهم التيجو ومجربنها يفيدونى علشان اعرف اقرر

[medododo]

معلش مع إحترامي إيه اللي يخليك تفكر فيها
طالما رابط شرائها بشعور الندم يعني انت حاسس إن فيها مشكلة ما
حتى لو نفسية يبقى إبعد عنها وذي ما قولت 88 ألف مبلغ مش قليل

[said.d.y]

انا مع( medododo) لان جزء كبير من قرار الشراء بيرتبط بالحالة النفسية، وفى النهاية انت موش شارى عربية تعكنن عليك.
لانك لو موش مرتاح نفسياً وحاسس بالندم ، هتعكنن على نفسك بشراء العربية واى مشكلة هايفة حتى لو الكاوتش دخل فية 1000 مسمار وريح شوية، حتحس ان المشكلة كبيرة وترجع تقول الصينى وام الصينى ياريتنى ما أشتريتها.
موضوع الحالة النفسية اهم من نوع العربية ال هتشرتيها بكتيييييييير
ومن ناحية التيجو (كعربية) انا عن تجربة 3 سنوات، مرتاح معاها وشايف انها كافية جداً لاحتياجاتى ومشاويرى، وعارف انى موش راكب مرسيدس وما بخدش على خاطرى لما يحصل فيها حاجة طالما هايفة، وساعات كمان بعمل نفسى موش واخد بالى (علشان مقتنع بالعربية وراضى بيها).
المثل بيقول ياميزو( حبيبك يبلعلك الزلط وعدوك يتمنالك الغلط)
على فكرة انا من طبعى اغير العربية بالكتير كل 3 سنوات ، بس التيجو كانت اول عربية suv
اركبها وعجبنى الاستيل دة اوى، بس المشكلة ان موش عارف اغير و اجيب عربية بنفس الاستيل وامكانيات التيجو، لان فرق السعر كتييييييييييييييييييييييييييير بينها وبين اى عربية تانية.
وموش حاسس انى هرتاح لو ركبت عربية صالون تانى فى حدود امكانياتى.
الخلاصة، طالما موش مرتاح ابعد عن التيجو ، ومتسألش عن عيوبها او حسناتها.
وربنا يوفقك للخير أن شاء الله.

[esam722]

انت معاك 88000 جنية يبقى هات اوبترا ولا افيو وابعد عن الصينى علشان وجع الدماغ
لو قلت ان العربية حلوة علشان انا اشترتها وعارفها كويس هتلاقى واحد طلع معاه 128 يقولك ابعد عن الصينى انا عربيتى برقبتها
ومع احترامى لك السؤال ده بقى احد الاسباب اللى خلت الواحد بقى متابع من بعيد بدون تدخل لان معظم اللى بينصحوا ملهمش علاقة بالعربية (يعنى حافظين مش فاهمين)وبالتالى بتحصل بلبله لصاحب السؤال وميطلعش باستفاده يعنى باختصار الموضوع يقلب اهلى وزمالك
خد نصيحة متواضعة من اخوك انت لما تيجى تشترى عربية بغض النظر عن نوعها بتراعى شوية حاجات
*المبلغ اللى معاك (تعرف انت هتختار من بين كام عربية )
*تشوف الفروق من بين العربيات دى (الماركة -انتشارها -قطع غيارها -وكيلها )
*سعر البيع (لو بتغير كل فترة بسيطة يبقى اهتم بسعر اعادة البيع ولو بتحب تحتفظ بالعربية شوية يبقى الموضوع هيختلف شوية )مع ملاحظة ان سعر البيع لكل العربيات بنفس النسبة والاختلافات بسيطة مش دبح يعنى
*تستطلع اراء ملاكها (ملاكها فقط ) مش واحد سمع عنها او واحد خدها لفة علشان للاسف محدش بيقول مش عارف ولازم يفتى
*ميضرش لو سالت ميكانيكى يكون اشتغل فى العربية علشان لو فية مشكلة عامة فى العربية تكون عارفها وتدخل فى قرار الشراء
موضوع الكماليات موضوع مهم لانك كده كده بتروح تركبها بعد الشراء (ايه الاحسن الحاجة تيجى على ابوها ولا اركبها عند صنايعى معرفش كفاءتة والعب فى الضفيرة )
*نقطة اخيرة التيجو تختلف عن عن السيارات اللى فى نفس الفئة (suv)ان اقرب عربية فى سعرها اكتر منها ب60%وبعدين العربية دى مختلفة عن السيارات الصالون اللى فى نفس سعرها


فكر وخد وقتك وربنا يوفقك للى فية الخير

[hossam_elwani]

حتندم للاسف .........

[Land_Cruiser]

شوف احتياجاتك ايه الاول و هل موجوده فيها ولا لاء و بناء على كده قرر مش على الشكل و لا كلام الناس لان حضرتك اللى هتركبها مش الناس و بالتوفيق

[aftr]

ابعد عن الصينى وعن تجربه

[atefadel]

طيب ما تفكر تجيبها كسر زيرو
سعرها هيبقي اقل بكتير
ولو معجبتكش وبعتها مش هتخسر كتيررررررررر

[engahmed29]

العربية جميلة جدا ماشاء الله و فيها امكانيات رهيبة بالنسبة للسعر ده

[engahmed29]

لا تخاف العربية منتشرة و ممتازة

[M_SALLAM]

والله كل معلوماتى عن الأسبرانزا بشكل عام انها عاملة زى البطيخة ساعات تطلع حمرة و تريحك العمر كله و ساعات تطلع قرعة و تقرفك من اول يوم
انما كميكانيكا معرفش عنها حاجة ولا اعرف حاجة عن قطع الغيار ولا عمرى ركبتها بس كل اللى اعرفه ان توكيلها ( ابو الفتوح ) زبــــــــــــالة .
" نصيحة من منى دور على واحدة تيريوس 2008-2009 تكون بحالة نظيفة لأن المبلغ اللى هتدفعه مش شوية "

[mr_sameh]

لو نفسيا مش مستريح بلاش