اهل التيجو فينكم بجد؟

[amir]

السلام عليكم و رحمه الله

اهل التيجو الكرام

هل ممكن من الاعضاء اللي معاهم العربيه انهم يعملو لينا تقييمات محترفه عن العربيه بأراء موضوعيه ؟؟

و الاخوه اعداء الصيني عموما و التيجو خصوصا برجاء السكوت علشان الموضوع ده مش للهجوم علي العربيه و ارجو من الادمنز لو حصل هجوم او ما شابه من مهاترات التدخل علشان بجد القسم محتاج يتنضف شويه مش معقوله محدش عارف اخبار التيجو ايه من كتر ما الناس اللي بتهاجم ماليه القسم

و شكرا

[samer_geo]

أنا هنا يا زعيم هاقولم بقي
أنا معايا العربية موديل 2011 عاملة لغاية دلوقتي 9000 كم و هاقولك اللي ليها و اللي عليها بأمانة و الله
1- تصميم العربية مريح و جميل و الشنطة واسعة جداً و الصالون واسع و الكرسي اللي ورا بيشيل 3 مستريحين
2- أحلي حاجة الكراسي اللي ورا بتتفك و العربية شالت مكتب كبير و كرسيين !!
3- سحب العربية في أول الطلعة مش قد كده عشان وزنها تقيل طبعاً ، لكن بعد ما تفتح السحب كويس خالص أنا جبت بيها علي صحراوي الصعيد 180 كم /الساعة و كان الثبات عالي جداً
4- الكماليات معقولة و أنا مش محتاج أكتر من السنتر و الازاز الكهربا و الكاسيت و السمعات في رآيي كويسين جداً ، لكن اللي مش عجبني أني كان ممكن تكون مواد تصنع التابلوه و دواخل الأبواب أحسن من كده لكن خامة الكراسي كويسة جداً
5- العفشة ناشفة و بتحس بالمطبات الجامدة لو خدتها علي سرعتك
6- الفتيس كان في عضة علي الثاني لكن اتظبت في صيانة 5000 و بقي كويس
7-فوانيس العربية و النور العالي و الواطي كويسيين جداً و بيكشفوا الطريق كويس جداً
8- الأبواب تقيله شوية و لازم تتقفل جامد
9- الفرامل و باور الدريكسيون جيد جداً

- بص العربية بالنسبة لسعرها 88000 جنية تعتبر صفقة رابحة لاسيما أن هي suv و عالية عن الأرض و أنا كان معايا عربية لانوس 2005 و الله بعتها بس عشان الحك في المطبات و العربية كانت زي الفل و مفيهاش أي حاجة لكن كنت كل ما أركب أتنين ورا أغير علبة شكمان و أقرب عربية للتيجو بالحجم ده و المواصفات دي أغلي علي الأقل بـ 40000 جنية

و هذه شهاتي عن تجربتي :-))

[amir]

أنا هنا يا زعيم هاقولم بقي
أنا معايا العربية موديل 2011 عاملة لغاية دلوقتي 9000 كم و هاقولك اللي ليها و اللي عليها بأمانة و الله
1- تصميم العربية مريح و جميل و الشنطة واسعة جداً و الصالون واسع و الكرسي اللي ورا بيشيل 3 مستريحين
2- أحلي حاجة الكراسي اللي ورا بتتفك و العربية شالت مكتب كبير و كرسيين !!
3- سحب العربية في أول الطلعة مش قد كده عشان وزنها تقيل طبعاً ، لكن بعد ما تفتح السحب كويس خالص أنا جبت بيها علي صحراوي الصعيد 180 كم /الساعة و كان الثبات عالي جداً
4- الكماليات معقولة و أنا مش محتاج أكتر من السنتر و الازاز الكهربا و الكاسيت و السمعات في رآيي كويسين جداً ، لكن اللي مش عجبني أني كان ممكن تكون مواد تصنع التابلوه و دواخل الأبواب أحسن من كده لكن خامة الكراسي كويسة جداً
5- العفشة ناشفة و بتحس بالمطبات الجامدة لو خدتها علي سرعتك
6- الفتيس كان في عضة علي الثاني لكن اتظبت في صيانة 5000 و بقي كويس
7-فوانيس العربية و النور العالي و الواطي كويسيين جداً و بيكشفوا الطريق كويس جداً
8- الأبواب تقيله شوية و لازم تتقفل جامد
9- الفرامل و باور الدريكسيون جيد جداً

- بص العربية بالنسبة لسعرها 88000 جنية تعتبر صفقة رابحة لاسيما أن هي suv و عالية عن الأرض و أنا كان معايا عربية لانوس 2005 و الله بعتها بس عشان الحك في المطبات و العربية كانت زي الفل و مفيهاش أي حاجة لكن كنت كل ما أركب أتنين ورا أغير علبة شكمان و أقرب عربية للتيجو بالحجم ده و المواصفات دي أغلي علي الأقل بـ 40000 جنية

و هذه شهاتي عن تجربتي :-))

ايوا كده عايزين اصحاب العربيه يدخلو و يتكلمو عنها و ربنا يباركلك فيها و في انتظار باقي ملاك العربيه و بجد احييك علي تقريرك ده

[BESO516]

احلى حاجه فيك ياامير انك طلبت عدم دخول الأخوه الأعداء لأنهم بصراحه كرهونى انى ادخل القسم وافيد الناس ومحدش بيقفلهم غير استاذ هوجان واوسا وهيما وهما سايبين اقسمهم وهاتك ياتريقه واستفزاز وحاجه تقرف.

اما بخصوص استفسارك انا للأسف مبملكش العربيه دى لكن معايا ال516 وركبت التيجو كتير وال2000 اوتو حكايه وهم ملهاش حل عن تجربه اكتر من 150 كيلو بالعربيه سريع وبطىء

[devil_55055]

والله الاستاذ samer_geo مسبش حاجه الا لما ذكرها فى العربيه مشكلتها بس الخامات و الماكينة 1600 قويه مش ضعيفه زى ما الاعداء قالو هو الاول طلعتو ضعيفه شويه بس التانى جبار انا معايه موديل 2012

[amir]

100 100 شباب

هل ممكن ملاك العربيه اللي بقالها معاهم فترات طويله يقولو لينا ايه المشاكل اللي قابلتهم و اخبار العربيه ايه معاهم حاليا؟؟

ياريت الموضوع يبقي شامل بجد علشان القسم هنا مفيهوش موضوع واحد يوحد ربنا دسم كده عن التيجو

[alsakka]

السيارة معى موديل 2010 كلها مشاكل ولو عاوز تعرف اكتر روح جهاز حماية المستهلك واقلهم كام شكو ا عن هذة السيارة او ادخل هذا الموضوع

http://www.nilemotors.net/Nile/260115-a.html

[kimo2011]

أنا هنا يا زعيم هاقولم بقي
أنا معايا العربية موديل 2011 عاملة لغاية دلوقتي 9000 كم و هاقولك اللي ليها و اللي عليها بأمانة و الله
1- تصميم العربية مريح و جميل و الشنطة واسعة جداً و الصالون واسع و الكرسي اللي ورا بيشيل 3 مستريحين
2- أحلي حاجة الكراسي اللي ورا بتتفك و العربية شالت مكتب كبير و كرسيين !!
3- سحب العربية في أول الطلعة مش قد كده عشان وزنها تقيل طبعاً ، لكن بعد ما تفتح السحب كويس خالص أنا جبت بيها علي صحراوي الصعيد 180 كم /الساعة و كان الثبات عالي جداً
4- الكماليات معقولة و أنا مش محتاج أكتر من السنتر و الازاز الكهربا و الكاسيت و السمعات في رآيي كويسين جداً ، لكن اللي مش عجبني أني كان ممكن تكون مواد تصنع التابلوه و دواخل الأبواب أحسن من كده لكن خامة الكراسي كويسة جداً
5- العفشة ناشفة و بتحس بالمطبات الجامدة لو خدتها علي سرعتك
6- الفتيس كان في عضة علي الثاني لكن اتظبت في صيانة 5000 و بقي كويس
7-فوانيس العربية و النور العالي و الواطي كويسيين جداً و بيكشفوا الطريق كويس جداً
8- الأبواب تقيله شوية و لازم تتقفل جامد
9- الفرامل و باور الدريكسيون جيد جداً

- بص العربية بالنسبة لسعرها 88000 جنية تعتبر صفقة رابحة لاسيما أن هي suv و عالية عن الأرض و أنا كان معايا عربية لانوس 2005 و الله بعتها بس عشان الحك في المطبات و العربية كانت زي الفل و مفيهاش أي حاجة لكن كنت كل ما أركب أتنين ورا أغير علبة شكمان و أقرب عربية للتيجو بالحجم ده و المواصفات دي أغلي علي الأقل بـ 40000 جنية

و هذه شهاتي عن تجربتي :-))

انا معايا موديل 2011 و ده الى كنت هقوله بالظبط . عامل 2000 عشان مش بمشى بيها كتير
مشكلتى الوحيدة حاليا انى مش عارف ازاى افك غطاء الاسبير على الشنطة

[hugan]

الكنبه الخلفيه بتاخد 3 ركاب مستريحين فعلا
انا حاسس ان العربيه ضيقه والصالون صغير نوعا عن ال 516

[mos2211]

انا معايا موديل2011 بس العربية من جهة الثمن حلوة ومن جهة انها عالية حلوة ولكن الكنبة الخلفية ديقة شوية وفى المجمل العربية بالنسبة للسعر حلوة ولكن بالمقارنة بعربيات تانية كتير يقال عليها زبالة لان تقفيلها وحش والعفشة وحشة وسحبها بطيئ واقصى سرعة جت معايا 165 بعد معاناة بس للامانة كانت سابتة ولكن الفرامل ضعيفة شوية

[aboomarahmad]

السلام عليكم:
د.أمير إزيك....بقالنا زمااان ما اتكلمناش
انت رجعت تاني تحاول مع ملاك التيجو وانا حاسس ان العملية نايمة بردو
الظاهر الجيل الجديد منهم زينا نحن الآباء
صديقي:زي ما انت عارف انا معايا مو2010 من آخر 2009 وعاملة ولله الحمد 18000 لحد دلوقتي.....الحقيقة من تجربتي الشخصية ومتابعتي اقدر اقولك ان ال2000سي سي هي الأفضل بجدارة عن ال1600
مش بتكلم عن سعة موتور.....انا بتكلم عن كله
في الغالب كل اللي عنده ال2000 سي سي مبسوط بيها فيما عدا بند الضرايب الباهظة اللي اتمنى انه يتغير في زمن الثورة البيضاء بتاعتنا
لكن ال1600 بختك يابو بخيت
تلاقي ناس تقولك كويسة وناس اكتر تعيب فيها
انا كمهندس وبأسوق عربيات من سنة1980
مش مقتنع ان الوزن والحجم ده يشيله 1600سي سي بس
ياراجل انا معايا فيرنا 1600 سي سي بتاعة الشغل بأحس ان فيها عزم عن ال2000 سي سي التيجو بتاعتي فما بالك بال1600 للتيجو
الخلاصة:العربية(ال2000 سي سي) حلوة وبنت حلال وربنا يستر وتفضل كدة
هو بس شوية عيوب التفنيش والتقفيل وده مقابل سعرها................والله أعلم

م.ياسر

[esam722]

انا معايا موديل2011 بس العربية من جهة الثمن حلوة ومن جهة انها عالية حلوة ولكن الكنبة الخلفية ديقة شوية وفى المجمل العربية بالنسبة للسعر حلوة ولكن بالمقارنة بعربيات تانية كتير يقال عليها زبالة لان تقفيلها وحش والعفشة وحشة وسحبها بطيئ واقصى سرعة جت معايا 165 بعد معاناة بس للامانة كانت سابتة ولكن الفرامل ضعيفة شوية

العربية اللى معايا موديل 2010 وعاملة 38000 كيلو دلوقت وبصراحة موضوع السحب مع الغيار الثالث بيبقى كويس والسرعة اللى فى الصورة مش بعد عذاب ولا حاجة
وعلى فكرة العربية عاملة زى لاعب الكرة مينفعش يعمل اسبرنت فجأة بدون تدريب
شكلك مبتحبش الجرى علشان كده العربية مش بتقول معاك

[engahmed29]

لو دخلت على الانترنت و شفت ممكن تشترى ايه بنفس الثمن تلاقى التيجو تكسب
المشكلة هنا فى مصر
السيارات غالية اوى
بحسبة بسيطة

مرتب موظف محترم 2000 فى الشهر مثلا ، محتاج مرتب 44 شهر ( 3 سنين و نص ) عشان يجيبها ، حرام كتير اوى
على الرغم من ان اى بلد تانية مرتب 6 شهور كافى جدا لركوب سيارة ممتازة

[kimocyc]

العربية اللى معايا موديل 2010 وعاملة 38000 كيلو دلوقت وبصراحة موضوع السحب مع الغيار الثالث بيبقى كويس والسرعة اللى فى الصورة مش بعد عذاب ولا حاجة
وعلى فكرة العربية عاملة زى لاعب الكرة مينفعش يعمل اسبرنت فجأة بدون تدريب
شكلك مبتحبش الجرى علشان كده العربية مش بتقول معاك

ربنا يبارك.. هي 1600 ولا 2000 ؟؟؟؟

ورجاء.. بلاش السرعة الزائدة !

[esam722]

ربنا يبارك.. هي 1600 ولا 2000 ؟؟؟؟

ورجاء.. بلاش السرعة الزائدة !

متشكر لذوقك العالى
التيجو اللى معايا 1600
وبالنسبة لموضوع السرعة الواحد بيحب يشوف امكانيات العربية اللى معاه فقط لاغير
وربنا يكفينا شر الطريق