السادة أعضاء المنتدى الكرام
حصل معايا حاجة النهاردة في العربية
فقلت التنبيه واجب عشان لو حد اضطرته الظروف لسمكري
انا كان عندي خبطة في العربية ورا الفانوس اليمين مباشرة يا دوب فدت الفانوس
الخبطة كانت من حوالي شهرين قلت اسيبها شوية تاخد العين و بعدين ابقى اعملها لأن العين دي الصراحة مشكلة مع ال m11 بالذات
رحت النهاردة لسمكري في الأزاريطة فك الاكصدام عشان يفك مسامير الفانوس اللي مستخبية ورا الاكصدام
و عمل الخبطة و خلص شغل و كله تمام و أخدت بعضي و روحت و بالصدفة بفتح الكبوت لما روحت عشان أحط مية للمساحات بمد ايدي عشان أمسك اللسان اللي تحت الكبوت عشان اسحبه مالقتش اللسان
رفعت الكبوت على قد ما قدرت و بصيت لقيت السمكري ركب الاكصدام على اللسان جوة
فتحت الشنطة أخدت المفك اللي في العدة اللي جاية مع العربية و حاولت أحرك البتاعة اللي لما اللسان بيتشد بتتفتح
قعدت أعاني عشان أحرك الجزء ده لحد ما في الاخر الحمد لله عملته
و بالمفتاح اللي في العدة اللي جاية مع العربية برده فكيت صواميل الاكصدام اللي فوق و شديت الاكصدام لبرة و رجعت اللسان لمكانه
لو حد بقى راح لسمكري يبقى ياخد باله عشان موضوع اللسان ده محدش يعرفه كتير أو على الاقل كل الميكانيكية و السمكرية اللي اتعاملت معاهم
تقبلوا تحياتي
حصل معايا حاجة النهاردة في العربية
فقلت التنبيه واجب عشان لو حد اضطرته الظروف لسمكري
انا كان عندي خبطة في العربية ورا الفانوس اليمين مباشرة يا دوب فدت الفانوس
الخبطة كانت من حوالي شهرين قلت اسيبها شوية تاخد العين و بعدين ابقى اعملها لأن العين دي الصراحة مشكلة مع ال m11 بالذات
رحت النهاردة لسمكري في الأزاريطة فك الاكصدام عشان يفك مسامير الفانوس اللي مستخبية ورا الاكصدام
و عمل الخبطة و خلص شغل و كله تمام و أخدت بعضي و روحت و بالصدفة بفتح الكبوت لما روحت عشان أحط مية للمساحات بمد ايدي عشان أمسك اللسان اللي تحت الكبوت عشان اسحبه مالقتش اللسان
رفعت الكبوت على قد ما قدرت و بصيت لقيت السمكري ركب الاكصدام على اللسان جوة
فتحت الشنطة أخدت المفك اللي في العدة اللي جاية مع العربية و حاولت أحرك البتاعة اللي لما اللسان بيتشد بتتفتح
قعدت أعاني عشان أحرك الجزء ده لحد ما في الاخر الحمد لله عملته
و بالمفتاح اللي في العدة اللي جاية مع العربية برده فكيت صواميل الاكصدام اللي فوق و شديت الاكصدام لبرة و رجعت اللسان لمكانه
لو حد بقى راح لسمكري يبقى ياخد باله عشان موضوع اللسان ده محدش يعرفه كتير أو على الاقل كل الميكانيكية و السمكرية اللي اتعاملت معاهم
تقبلوا تحياتي

Comment