M11 مش بتدور

[ahmedmoh]

السلام عليكم أعضاء المنتدى الكرام

النهاردة و انا نازل بدور العربية لقيتها مابتدورش .. بجيب المفتاح على ستارت و أساساً مش بسمع صوت بداية التشغيل
يعني مفيش أي صوت ولا أي حاجة بتحصل لما جبت على ستارت
قلت يمكن البطارية
بس متهيألي البطارية لو فاضية مكانش أي حاجة في العربية اشتغلت !
كل حاجة بتشتغل نور كاسيت مساحات كله

يكون عيب ايه ده ؟

[khaled_Saga]

ولا حتى يا احمد فيه صوت الشهقة بتاع الدوارة ده؟ مفيش اى صوت خالص؟

هى غريبة خايف اقولك مارش بس انا مجربتش المارش لما يكون عطلان ايه اللى بيحصل بس مقدرش اقولك بردو مش بطارية .. حاول تديلها لقطة من اى عربية تانية وجرب وطمنا!

[ahmedmoh]

ولا حتى الشهقة يا خالد ولااا اييييي حاجة خالص
انا بردو شاكك في المارش بس فجأة كدة ؟
دي كانت زي الفل مفيهاش أي حاجة

[oyosof]

فيه فيوز للمارش اكشف عليه الاول

[khaled_Saga]

فيه فيوز للمارش اكشف عليه الاول

فعلا فيه فيوز للدوران انا لما مفتاح العربية ضاع منى وعشان سرقة العربيات وكده كنت بشيله واخده معايا وانا طالع بالليل لما اركن ولكن بردو لما كنت تيجى تدور بتسمع صوت الشهقة دى .. الغريب ان مفيش اى صوت خالص زى ما احمد بيقول!!

[ahmedmoh]

انا كلمت الموبايل سيرفيس و جايين في الطريق
ان شاء الله لما تخلص هقول لحضراتكم كان فيها ايه

[khaled_Saga]

ابقى طمنا يا احمد

[ahmedmoh]

الحمد لله
طلعت بسيطة
طرف سلك أرضي كان مغطي عليه مية الشتا اللي مالية الشوارع و الوحل فمكنش موصل
الراجل مسحه كويس و كحته و العربية اشتغلت تمام D:
بس العفشة النهاردة بقى بتطلع بجد أصوات مزعجة مع الكسر اللي في الطريق
و في صوت ونة في العجلة اللي قدام شمال طول ما هي ماشية كنت اشتكيت منها في الصيانة اللي فاتت من اسبوعين و عملوها .. رجعت تاني دلوقت و مش عارف اعمل ايه :s
العربية دي فعلا مشكلتها في عفشتها
شكرا لاهتمام حضراتكم و شكراً جزيلاً ليك يا خالد على اهتمامك

[venus]

الحمد لله
طلعت بسيطة
طرف سلك أرضي كان مغطي عليه مية الشتا اللي مالية الشوارع و الوحل فمكنش موصل
الراجل مسحه كويس و كحته و العربية اشتغلت تمام d:

ممكن توضح اكتر اي سيلك عشان العربيه عملتها معايا قبل كدة وضرتشي غير زق

[khaled_Saga]

الحمد لله
طلعت بسيطة
طرف سلك أرضي كان مغطي عليه مية الشتا اللي مالية الشوارع و الوحل فمكنش موصل
الراجل مسحه كويس و كحته و العربية اشتغلت تمام d:
بس العفشة النهاردة بقى بتطلع بجد أصوات مزعجة مع الكسر اللي في الطريق
و في صوت ونة في العجلة اللي قدام شمال طول ما هي ماشية كنت اشتكيت منها في الصيانة اللي فاتت من اسبوعين و عملوها .. رجعت تاني دلوقت و مش عارف اعمل ايه :s
العربية دي فعلا مشكلتها في عفشتها
شكرا لاهتمام حضراتكم و شكراً جزيلاً ليك يا خالد على اهتمامك

الحمد لله يا احمد جت سليمة وبسيطة ..
بالنسبة للعفشة ده عيب الاسبرنزات بصفة عامة متحطش فى دماغك اوى وابقى قول على اى حاجة تظهر فى الصيانات .. اما بالنبسة للونة فى العجل الامامى انا مش متخيل اوى بس اللى اعرفه ان الونة سببها بلى العجل بس ممكن تستنى لحد ما احد الاخوة الاكثر خبرة يفيدك

[ahmedmoh]

ممكن توضح اكتر اي سيلك عشان العربيه عملتها معايا قبل كدة وضرتشي غير زق

هو خلع كدة علبة موجودة جنب علبة الفيوزات من تحت و طالع منها شبه ماسورة متنية على تحت كدة .. كان طرف السلك تحتها كان عبارة عن حلقة متركبة في حاجة شبه المسمار كدة ..

الحمد لله يا احمد جت سليمة وبسيطة ..
بالنسبة للعفشة ده عيب الاسبرنزات بصفة عامة متحطش فى دماغك اوى وابقى قول على اى حاجة تظهر فى الصيانات .. اما بالنبسة للونة فى العجل الامامى انا مش متخيل اوى بس اللى اعرفه ان الونة سببها بلى العجل بس ممكن تستنى لحد ما احد الاخوة الاكثر خبرة يفيدك

الموضوع ده حصل قبل الصيانة اللي فاتت يا خالد و قلته و عملوه الحمد لله و راح .. بس هو كان صوت ونة استمر لمدة 3 أيام و بعدها رحت بيه الصيانة
المرة دي كان باين في مشوار واحد بس
و بعدها تاني يوم الصبح مكانش موجود
أنا اعتقد ان الصوت ده ليه علاقة برده بالشتا و الوحل
أما بقى مشاكل العفشة فأنا عارف ان العفشة ناشفة بشكل ملحوظ أوي
لكن التزييق ده مش من سوء العفشة
ده من الطرق اللي الواحد بيمشي فيها .. طرق عايزة شنق اللي عملها مليون مرة مش مرة واحدة
انا من اسبوع قبل ما العربية تفصل بيوم بالظبط كنت رايح مطار برج العرب
بقالي فترة كبيرة أوي مامشتش على محور التعمير
المهم و أنا رايح أتفاجئت عند مطالع الكباري بفرق رهيب بين مستوى الكوبري و بين مستوى الطريق
أول كوبري طلعت عليه ماخدتش بالي من الموضوع ده الا و انا يا دوب أمتار قليلة يعني ثانية وللا 2 و هطلع الكوبري و كنت على 100 .. قلت في نفسي مليون في المية الحوار ده هتضيع فيه حاجة من مكونات التعليق الأمامي
الحمد لله عدت سليمة بس طبعا الهبدة كانت فوق الوصف
غير بقى في الرجوع عند مدخل اسكندرية لو مكمل دولي كمية الحفر اللي موجودة في الطريق ما شاء الله تجيب أجل أي عفشة
فأنا مش زعلان من عفشة العربية لأنها فعلاً بتشوف الويل من الطريق

[khaled_Saga]

هو خلع كدة علبة موجودة جنب علبة الفيوزات من تحت و طالع منها شبه ماسورة متنية على تحت كدة .. كان طرف السلك تحتها كان عبارة عن حلقة متركبة في حاجة شبه المسمار كدة ..



الموضوع ده حصل قبل الصيانة اللي فاتت يا خالد و قلته و عملوه الحمد لله و راح .. بس هو كان صوت ونة استمر لمدة 3 أيام و بعدها رحت بيه الصيانة
المرة دي كان باين في مشوار واحد بس
و بعدها تاني يوم الصبح مكانش موجود
أنا اعتقد ان الصوت ده ليه علاقة برده بالشتا و الوحل
أما بقى مشاكل العفشة فأنا عارف ان العفشة ناشفة بشكل ملحوظ أوي
لكن التزييق ده مش من سوء العفشة
ده من الطرق اللي الواحد بيمشي فيها .. طرق عايزة شنق اللي عملها مليون مرة مش مرة واحدة
انا من اسبوع قبل ما العربية تفصل بيوم بالظبط كنت رايح مطار برج العرب
بقالي فترة كبيرة أوي مامشتش على محور التعمير
المهم و أنا رايح أتفاجئت عند مطالع الكباري بفرق رهيب بين مستوى الكوبري و بين مستوى الطريق
أول كوبري طلعت عليه ماخدتش بالي من الموضوع ده الا و انا يا دوب أمتار قليلة يعني ثانية وللا 2 و هطلع الكوبري و كنت على 100 .. قلت في نفسي مليون في المية الحوار ده هتضيع فيه حاجة من مكونات التعليق الأمامي
الحمد لله عدت سليمة بس طبعا الهبدة كانت فوق الوصف
غير بقى في الرجوع عند مدخل اسكندرية لو مكمل دولي كمية الحفر اللي موجودة في الطريق ما شاء الله تجيب أجل أي عفشة
فأنا مش زعلان من عفشة العربية لأنها فعلاً بتشوف الويل من الطريق

هتقولى على النقر اللى فى الدولى الساحلى .. انا اول مشوار عملته بالعربية بعد صيانة الالف كان لاسكندرية وانا راجع من الدولى اكلت حتة حفرة (كانت الساعة 2 بالليل والطريق زى ما انت فاهم منور اوى) والله قلبى وقع مع الهبدة بس الحمد لله ربنا ستر ومجراش اى حاجة

[ahmedmoh]

الحمد لله انها جت سليمة بس ابقى خلي بالك بعد كدة و بلاش الطريق ده بالذات تمشي عليه بالليل
و ربنا يسلمنا جميعاً

[khaled_Saga]

الحمد لله انها جت سليمة بس ابقى خلي بالك بعد كدة و بلاش الطريق ده بالذات تمشي عليه بالليل
و ربنا يسلمنا جميعاً

والله يا احمد انا عارف انه خطر بالليل خصوصا فى الايام دى انما اعمل ايه اصله مختصر وبينزلنى على 45 من ورا عشان اخد جمال عبدا الناصر لان الشقة اللى بروحها فى المندرة فهو اقرب طريق