علاج خرابيش الدوكو

[aboaya]

لموضوع ده اصبح ظاهره مش عارف ليه

[ooo]

فعلا اخواتي الأفاضل لا ادري ما السبب من حكاية خرابيش السيارة . يعني السيارة تكون راكنة
في حالها وننزل نلاقي الخرابيش وخصوصا في الجوانب . شيء اخر يا اخوتي بعض الناس اثناء ركن
سيارتهم لازم ولابد يريحوا علي السيارة التي امامهم ولذلك اجد خرابيش في الخلف .
اريد افادتي هل فعلا السبراي ينفع ولا يسبب بقع ظاهرة علي السطح ؟؟ ولو تكرمتم تذكروا لي اسمه
علما بأن سيارتي لونها فضي .
شكرا لكم وتحيااااااااااتي .
اختكم مشتركة حديثا بالمنتدي المفيد جدا جدا جدا.
جازاكم الله كل خير .

[dr_bandit]

الرد من واحد اتقرص قبل كده

انا كنت لسه مركبتش النمر في العربيه ....والله كان بقالها يومين بالظبط ولما نزلت من العياده باليل لقيت واحد ربنا مديله الصحه وقد يمضي على جنب العربيه كله بس كانت خدوش احتراف محفوره بالصاج وللاسف العربيه لونها اسود
المهم باختصار شديد انا كنت سالت ناس كتير لغاية لما لقيت الموضوع ده الباشا سبعاوي جزاه الله خيرا كتب فيه كلام انا شخصيا مقتنع بيه وشايف انه منطقي وانا نقلتهولك عشان تعرف الموضوع ماشي ازاي
بص يا سيدى

مبدأيا خلينا نتفق على حاجة علشان الدنيا تكون واضحة

لو عربيتك ميتالك وفر فلوسك لأن الخدش سيظل موجودا الى ان تدهنها او تبيعها ايهما اقرب مهما عملت ودة مرتبط بطريقة دهان اللون نفسها التى تعتمد على رش اللون ثم رش المثبت الذى يصنع طبقة شفافة واقيه تشبه الزجاج تحول دون وصول اى مذيب الى اللون الأصلى

لو عربيتك لون عادة (ابيض، احمر، اسود ....الخ) فهناك امل فى تمويه الخدش الى حد ما

ننتقل الى الأسلوب:

توجد ثلاثة طرق لتخفيف حدة(وليس إخفاء) الخدوش

الأولى: يوجد منتج مصرى رخيص الثمن (حوالى 6 جنيه تقريبا) إسمة كومباوند compound و هو عبارة عن بودرة من مادة حاكة(مادة مصنفرة) تقوم بصنفرة خفيفة جدا للطبقة العليا من الدهان وهذا يساعد على تمويت الخدوش الى حد ما فى السيارات ذات الألوان الغير معدنية(ليست ميتاليك) ويمكن الحصول عليه من اى محل لبيع البويات، ويتم استعماله عن طريق تدليكة بشدة بقطعة قطن على المكان المطلوب تلميعه

الثانية: يوجد منتج مستورد من 30 الى 50 جنيه يتم الحصول علية باقرب لون من لون السيارة وهو عبارة عن صنفرة كيمائية تقوم بصنفرة الطبقة العليا من البوية بدون تدليك ويتم فرشه على البوية وتركه فترة ثم تنظيفه

والطريقتين غير فعالتين مع الألوان الميتاليك

الطريقة الثالثة: يوجد منتج عبارة عن مذيب يقوم بتذويب البوية ونشرها لملئ كان الخدش وكان يباع فى موبيل منذ فترة وكان يباع ايضا فى إعلانات (تسوق عبر شاشة التليفزيون)، وده كان فعال الى حد ما مع الميتاليك، بس يظهر انه لم يجد زباين لأن لى فترة طويلة لم اراه فى اى مكان لبيع مستلزمات السيارات ولا اعرف اين يباع، بس لو لك حد برة مصر ممكن يجيبهولك،

انا عارف ان الإجابة محبطة الى حد ما بس الحق مايزعلش، لو كان لها حل سهل مكنتش هاتشوف كل هذة اللوحات السيريالية التى تزخرف كل سياراتنا الجديدة من اول الماروتى لحد المرسيدس
واحمد ربنا انها جت على قد كده وقدر الله وماشاء فعل
اخوك اسلام حمدي

[Dr Ahmed]

مرحبا بيك د بانديت

مش بقول لكم عايزين رووم مخصوصة للدكاترة..
المهم..

المجتمع المصرى بيتمتع بالانتقام من بعضه.. إزاى؟...

الفران فى الفرن مبسوط جدا ان الناس تقف تتحايل عليه ويقولوا له يا باشا ويا استاذ عشان يديهم العيش
الموظف فى شغله يحط رجل على رجل وهو بيكلمك عشان ليك عند مصلحة
عسكرى الفحص فى التراخيص بيعاملك كأنه لواء أركان حرب
التمريض فى معظم المستشفيات بتعامل الناس كأنهم جراثيم
سواق الأجرة بيتعامل مع الركاب كأنه مالكهم وهم عبيده
صراف البنك ، بياع التذاكر فى المترو ، .......كل الناس...... 70 مليون فرعون

عشان كده الفرعون اللى ماشى فى الشارع لو مش لاقى حد يتفرعن عليه مش هيلاقى مانع ينتقم منك بطريقة تانية
وتلاقيه بينتقم من تليفونات ميناتل فى الشارع ومن القطر ومن الاتوبيس ومن أى لوح زجاج يقابله ومن أى شجرة أو وردة فى الطريق...

دى اسمها إيه؟؟ antisocial behaviour
ودى ظاهرة فظييييعة فى الشارع المصرى الذى يكره حتى نفسه..

[Abonora]

اهلا بحضرتك دكتور اسلام حمدى --رائع ان نجدك معنا هنا --حقيقى انا كنت فى غاية السعادة عندما قرأت توقيعك اسفل الرسالة --اهلا بيك ونورت الموقع --اعتدنا من سيادتك على الكلمة الصادقة الخالية من المبالغة --فلا ترغيب ولا ترهيب ولكن دائما كنت تكتب الصدق --اهلا بحضرتك مرة اخرى ------------------دكتور احمد--قد نكون من اصول فرعونية --ولكنى لست معك اننا 70 مليون فرعون مصرى بالمعنى الذى تقصدة سياتك --الامثلة التى ذكرتها --هى وبكل اسف حقيقية ولكننا نحن من اعطاهم الفرصة لكى يفعلوا هذا لو عرف كل انسان منا ما لة وما علية لن يبقى الحال كما هو علية الان --بالطبع هى ظاهرة غريبة وما هى المتعة التى يجدها هذا المريض الذى يقوم بخدش وتبويظ املاك الغير --حاجة غريبة --دة مرض ---لا يوجد انسان طبيعى يقدم على مثل هذا التصرف-----طمنى بقى اية اخبار الكتور عمر احسن دلوقتى الحمد للة-- :P :P :P

[Dr Ahmed]

طمنى بقى اية اخبار الدكتور عمر احسن دلوقتى الحمد لله-- :P :P :P

الحمد لله عمر دلوقت تمام ، حتى أهه صورته وهو بيلعب مع القطط اللى مربيها..

[megane_man]

ربنا يصبرك أوعا ترش فيه بولش في هايبر أوكارفور لعلاج الشروخ في حالة أن تكون سطحية وللتلميع أيضا أسمهwax

[dr_bandit]

انت واللي من امثالك يا ساتاذ جنيدي هم اللي مخليني اكتب واشترك معاكم مدام الاقي اسماءكم في اي حاجه والله
والعموم ربنا يجمعنا دايما في الخير ان شاء الله وانا متشكر جدا على ردك لرسالتي واتمنى دايما اني اقدر افيد باي شيء (انا عارف ان اي حاجه حقولها مش قد المقام طبعا) لكن اخوكم وبيدلع عليكم ولازم تاخدوني على عيبي
شكرا
اخوكم اسلام حمدي
اسبرانزاوي رقم 8

[Abonora]

برضة اسلوبك مختلف

بالعكس احنا اللى بنستفيد من حضرتك يا دكتور اسلام--صدقنى انا ما عرفتش ان الاسبيرانزا عربية صينى الا بعد ما حجزتها ب 3 شهور ههههههههههههه--وبالتحديد لما اشتركت فى موقعنا القديم --وطبعا الفضل فى محاولة تثقيفى اسبيرانزاويا --يرجع فى المقام الاول للباشمهندس أمر والاستاذ وائل عطية وطبعا الاستاذ سبعاوى --لانهم فعلا اصحاب معلومات وثقافة عالية جدا --وبحاول استفيد منهم على قدر المستطاع --ولكن هذا لا يمنع انك صاحب اسلوب مختلف --فى وصفك لما يحدث واظهار ادق التفاصيل -فيما يخص اى مشكلة تقابلها السيارة او فى طريقة التخلص من المشكلة --شكرا

[ooo]

السلام عليكم ورحمة الله وبركاته.

اخواني الأعزاء يا ريت حد يدلني علي افضل طريقة لمعالجة خدوش السيارة . انا
قرأت طبعا المشاركات السابقة وعرفت انه صعب معالجة الخدوش خصوصا بالنسبة
للسيارات الميتالك. ولكني فعلا حزينة لما حدث في السيارة يعني السيارة لسة ماكملتش
ستة اشهر وكل شوية الاقي خدوش خدوش :( . وانهاردة مازاد الطين بلة هو اني احتكيت
وانا اركن بالعواميد الموضوعة امام العمارة لمنع الركن في مكان معين وهذه العواميد
تكون قصيرة فلم الاحظها واحتكيت بها .
لون سيارتي فضي وارجو المساعدة ماهو افضل حل لمعالجة مثل هذه الخدوش ؟؟؟؟؟؟؟
مفيش اي امل في اخفائها بطريقة سليمة غير الرش؟؟؟؟؟؟؟؟
شكرا لكم .


اسبرانزاية رقم 28.

[Dr Ahmed]

ياريت حضرتك تعدى على أقرب ورشة محترمة وتسألى أقدم واحد فيها ويكون معاكى السيارة علشان يعاينها على الطبيعة وهو يحدد الطريقة المناسبة لحالة السيارة ، وللأسف حتى لو ضحيتى ورشتيها بعد كام يوم هتتخربش تانى ، فى رأيى نحاول نعالج الخدوش كل فترة طويلة - سنة مثلا - بدل ما كل أسبوع نفضل رايحين جايين..

[Daash]

طيب سؤال يا جماعة ايه الضرر من رش العربية عشان انا لسه جايب عربية زيرو وللأسف اتحكت من الجمب وجزء من الصاح دخل لجوة بس ممكن يرجع بشوية خبط بسيط بس التجريح وصل للصاج فهل ممكن اودية لسمكري بيفهم ويظبط الصاج وبعدها ارش الجزء المخدوش فقط .

اصل انا شايف ناس بتقول لو عربيتك زيرو اوعى ترشها لو ايه .. فحسيت انها جريمة .

[shanodaa]

اعمل نفسك مش شايف الخرابيش دي

[Falcon16]

اتخربشت

اه والله العزيزه الغاليه اتخربشت

الوزه اتخربشت


انا لله وانا له لراجعون

الحمد لله

واحد الله يجازيه لف على العربيه وخربشها بمسمار

روحت التوكيل قاللولى لازم تترش

ماحدش عنده حل

معلش ومنهم لله
بس بجد والله ظاهرة غريبة فى ناس تخصصها خربشة اى عربية شكلها جديد
ومش اى خربشة دى خربشة بغل
ليه كده؟

[NaviGator_13]

دى تقريبا بقت عادة جديدة فى الشعب المصرى زى كدا اكل الفول الصبح
والتزويغ من الشغل والنفاق والكدب.....الخ
بعد مااشتريت العربية تقريبا بشهر كنت ركنها جنب مول فى مدينة نصر لمدة نص ساعة تقريبا
طلعت لاقيت على الكبوت خطين فحت بطول الكبوت طبعا كنت هفرقع
واللى خلاص خلانى جبت اخرى
الراجل اللى جاى يجرى عليا علشان ياخد القرشين حق ركنة العربية ):