مشكلة في عفشة اسبيرانزا

[abdulhafeez]

دي اول مشاركة ليا في المنتدى
وحبيت استفسر عن حاجة في عفشة a516
كنت رحت مركز المتحدة علشان اغير سير الكتينة عند 50 الف كيلو واعمل صيانة .. وقالوا ان عندك علبة الدركسيون محتاجة حشو وتعديل في القطمة ...... وكمان تغيير مساعدين امامي ( بالنسبة للمساعدين ممكن يتغيروا لاحقا )
بصراحة قالي اسعار غالية شوية ومكانش معايا فلوس فغيرت سير الكتينة ومشيت وقالولي ما تنفضش وتعال صلح علبة الدركسيون ...
رحت لبتاع عفشة في الفيوم عندنا فكلي عمودين طلعين من علبة الدركسيون في آخر كل واحد منهم بلية مربوطة في العجل بتاع العربية .. قلي اما تغيرهم ب 200 ج او تكبسهم عند الخراط ب 10 ج علشان البلية تتقل ومتعملش صوت .. ( طبعا قلتلوا اكبسهم ) .. المهم حسيت ان الدركسيون بقى ماسك نفسه اكتر شوية وتقل حبة ( بس مش مشكلة ) ... المهم ان الدبة اللي في العجل الامامي مع المطبات ما رحتش .. رحتله تاني .. قالي عايزة مساعدين قدام علشان الدبة تروح ( في مساعدين لانسر وفي الصيني .. بس اللانسر غالي )) ..... السؤال : اللي حصل ده هو حشو علبة الدركسيون ولا حاجة تانية ...... ومشكلة الدبة دي هل ملهاش حل غير تغيير المساعدين ؟ ( مع ان المساعدين بقالهم 3 سنين ومشيين 55 الف كيلو والطرق عندنا في الفيوم غير آدمية - ده عمرهم الافتراضي ولا لسة فيهم امل - )
وشكرا ............

سؤال صغير :: العربية بتاخد كام لتر زيت 4 ولا 5 .. علشان طول عمري بحط اربعة بس في مكانيكية بتقول 5 ... ؟؟

[mramzy]

ده مش حشو علبه دريكسون ده كبس بيض البارات
الدبه عايزه مساعدين
ونا برضه لسه مغير بيض مقصات
وعايز اغير الماسعد على الاقل اليمين قدام بس المشكله لازم الاثنين مع بعض
فى الشوراع المنيله والغير اداميه ده اكثر من عمرهم الافتراضى
انا عانيت من شوارع المريوطه ايام مكانوا بيبنوا الكوبرى غيرت مساعدين ماتريكس اللى وراء وبعت الماتريكس وجبت الاسبرانزا وبرضه باعنى من المساعدين

[abdulhafeez]

شكرا على الرد السريع
طيب وموضوع حشو علبة الدركسيون ده لازم يتعمل ولا مش مهم خصوصا ان اللي قال عليه بتوع المتحدة بس وروحت عند اتنين بتوع عفشة قالوا علبة الدركسيون سليمة ومفهاش حاجة .............. ولو هركب مساعدين لازم يكون لانسر ولا الصيني بردوا هيسد

[mramzy]

هو يفضل اللانسر لان الصينى مش مضمون
جرب الاول تغير المساعدين الاول وبعدين نشوف الحشو

[abdulhafeez]

الف شكر

[osa92003]

دي اول مشاركة ليا في المنتدى
وحبيت استفسر عن حاجة في عفشة a516
كنت رحت مركز المتحدة علشان اغير سير الكتينة عند 50 الف كيلو واعمل صيانة .. وقالوا ان عندك علبة الدركسيون محتاجة حشو وتعديل في القطمة ...... وكمان تغيير مساعدين امامي ( بالنسبة للمساعدين ممكن يتغيروا لاحقا )
بصراحة قالي اسعار غالية شوية ومكانش معايا فلوس فغيرت سير الكتينة ومشيت وقالولي ما تنفضش وتعال صلح علبة الدركسيون ...
رحت لبتاع عفشة في الفيوم عندنا فكلي عمودين طلعين من علبة الدركسيون في آخر كل واحد منهم بلية مربوطة في العجل بتاع العربية .. قلي اما تغيرهم ب 200 ج او تكبسهم عند الخراط ب 10 ج علشان البلية تتقل ومتعملش صوت .. ( طبعا قلتلوا اكبسهم ) .. المهم حسيت ان الدركسيون بقى ماسك نفسه اكتر شوية وتقل حبة ( بس مش مشكلة ) ... المهم ان الدبة اللي في العجل الامامي مع المطبات ما رحتش .. رحتله تاني .. قالي عايزة مساعدين قدام علشان الدبة تروح ( في مساعدين لانسر وفي الصيني .. بس اللانسر غالي )) ..... السؤال : اللي حصل ده هو حشو علبة الدركسيون ولا حاجة تانية ...... ومشكلة الدبة دي هل ملهاش حل غير تغيير المساعدين ؟ ( مع ان المساعدين بقالهم 3 سنين ومشيين 55 الف كيلو والطرق عندنا في الفيوم غير آدمية - ده عمرهم الافتراضي ولا لسة فيهم امل - )
وشكرا ............

سؤال صغير :: العربية بتاخد كام لتر زيت 4 ولا 5 .. علشان طول عمري بحط اربعة بس في مكانيكية بتقول 5 ... ؟؟

يانهار ابيض ؟؟؟؟؟؟؟؟؟؟؟؟ اربعه كيلو ازاى حرام عليك المفروض 5 ليه كده بس

[hugan]

في مونرو صيني مش اوروبي افضل
الزيت 5 لتر بالفلتر

[mmmmgogommmm]

5 كيلو طالما هتغير فلتلر=====بالنسبة للشغل اللى فى علبة الدركسيون فمعلوماتى ان موديل 2006وحتى 20009 كانت علبة الدركسيون بتحتاج تعديل فى القطمة عبارة عن عمل جلب لها---والاخ ايفرام ممكن يفيد حضرتك فى الموضوع دة من واقع خبرتة مع احمد مهران

[mohamed_A516]

يا ريت تزوروا موقعى عن اسبيرانزا 516
و هو فى كل خبرتى فى سيارتى و صيانتها و قطع الغيار لأنى باعمل الصيانه بنفسى لا توكيل و لا ميكانيكى
000webhost.com - free web hosting provider
و مستنى تعليقكم

[mohamed_A516]

SPERANZA_A516

[mohamed_A516]

معلهش عنوان الموقع

.......................................

-----------------------------------
ممنوع وضع لينكات لمواقع منافسه
يرجي مراجعه قوانين المنتدي

11.06م
12/2/2012

م.ع.12

[hemaa_82]

معلهش عنوان الموقع....................

فكرة كويسة جدا ... اهنيك علي روح المبادرة

[abdulhafeez]

طيب مع ابعة لتر زيت مؤشر المقاس بتاع الزيت بيبقى على الماكس حتى مع تغيير الفلتر
يعني بحط اربعة لتر زيت واغير فلتر واشوف المقاس بعد فترة والعربية بارده يدي على آخر حاجة max
ده اللي مخليني مش مصدق المكنيكي

[mramzy]

على فكره فى الكتالوج ولسه شايفه النهارده بتاع توحه 4 كيلو + او - 0.5

[abdulhafeez]

يعني الحمد لله كده اربعة لتر يبقى في الأمان
حتى انا جربت زيت اماراتي من شركة اينوك اسمه بروتك بريميم بيمشي 5000 وتمنه عندي في الفيوم ب 110 ج بس لقيت ناس في القاهرة بتقول عليه بيمشي 8000 وبيبعوه ب 150 ج ..... بصراحة الزيت ده رائع رغم ان هو بيمشي 5000 على كلام اللي بايعه لكن انا غيرته بعد 6500 وكنت زعلان عليه لانه كان لزجته زي الجديد بس كان لونه اسود شويه ..... ودلوقتي ماشي عليه 4000 وناوي ان شاء الله اغيره بعد 7000 او 7500 ولو كان نازل كويس ولسه فيه اللزوجة المرة الجاية هكمل بيه 8000 ان شاء الله