بخصوص red zone لملاك اسبرانزا

[elmoski]

السلام عليكم..
انا بس كنت عاوز اعرف حاجة بخصوص ال red zone بتاع ال rpm انا عربييتي a113
السؤال بقي هل لو انا وصلت للred zone الموتور بيفصل كنوع من الsafty زي العربيات المحترمة ولا هقول يا رحمان يا رحيم علي الموتور . وربنا يسترها معانا جميعا

[kimocyc]

بيفصل زي العربيات المحترمة..

[elmoski]

شكرا اخي علي المعلومة بس ارجو ان تكون اكيدة

[mmmmgogommmm]

واية اللى هيخليك تحرق على الموتور كدة-------اتقى اللة يا رجل فى سيارتك وفى مالك----يقول اللة تعالى بسم الله الله الرحمن الرحيم(والله لتسئلن يومئذ عن النعيم)---السيارة نعمة احفظها يبارك اللة لك فيها
========لا تغضب من كلامى

[khaled_Saga]

اخى العزيز

طبعا السؤال من حقك ومن حقك علينا الاجابة والافادة .. انا معرفش المعلومة اكيدة او لأ بس اعتقد انك فى اقصى الظروف لا يمكن توصل لل red zone لان ببساطة اعتقد انك مش هيجيلك قلب تحرق على الغيار لحد ماتوصل للمرحلة دى تحت اى ظرف من الظروف وحتى لو انت على الغيار الخامس وافترضنا انك وصلت للمنطقة دى بسبب انك ماشى على اقصى سرعة فمعتقدش اصلا ان ده هيحصل مع ال a113 لان ساعتها المفروض تبقى ماشى مثلا على سرعة اكتر من 200 كم\ساعة واظن العربية متجبش الرقم ده اطلاقا (انا فى عربيتى ال m11 كنت على 160كم\ساعة وكان ال rpm على 4)

تحياتى

[elmoski]

والله يا جماعة انا مش بتاع حرق ولا الكام ده بس انا حصل معايا موقف وكان لازم احرق علي الاول بس مختش بالي من الrpm غير ونا شايل رجلي من البنزين كان علي 6 وبدأ ينزل فأنا خوفت لحسن اكون جبت ال 7 فحبيت اطمن مش اكتر

[mmmmgogommmm]

الحمد للله ربنا ستر-------علشان تتاكد ان الموتور سليم ولم يتاثر افتح غطاء الردياتير صباحا وقبل الدوارة وبشرط الا تقل فترة توقف المحرك عن 10 ساعات ---يعنى تفتح غطا الردياتير الساعة 10 صباحا لو كنت ركنتها بليل الساعة 12 وهكذا وبص على المياة لة لقيتها معختلطة او معرقة بزيت او فيها اثر لزيت يبقةى الموتور محتاج شنبر واذا لقيت المية تمام يبقى ربنا ستر----ممكن تبص فى قربة المية لو الردياتير ما بيفتحش---ربنا يسهلك ويسترها معاك ومعانا

[elmoski]

والله انا هسيبها علي الله وشكرا علي المعلومة يا باشا

[i_Am_Legend]

ايه يا حاج....هو الموتور هايبوظ علشان حرقت عليه مرة ولا اتنين.ولا 100..كبر دماغك ياعم...مافيش اى حاجة هاتحصل...

[akmm]

ان شاء الله خير

[AMRSPEED]

ياباشا عادى جدا ده انا كل يوم بعمل كده عشان اخلى المكنه تعمل التفصيله دى اتطمن

[kimocyc]

اطمن يا باشا..

العربية مراقبة عن طريق ال ecu وطبعا معروف ان دواسة البنزين كهرباء فلما بتدخل الريد زون بيتم إرسال اشارة إلي دواسة البنزين بالتوقف عن ضغط البنزين وبكدا حافظلك على الموتور تمام.. وفي نفس الوقت ساعتها حتحس بشبه نتشة كدا.. والموتور يفصل لغاية لما يهدى عن الحد المسموح وتعاود الدواسة مرة اخرى للعمل

[elmoski]

ربنا يطمنكم انا كدة بالي ارتاح