حسبي الله و نعم والوكيل فى التوكيل ده

[samyfathy1010]

واحد صاحبى اشترى 516 موديل 2007 وعند نقل الملكية تم تقدير الرسوم 1420 جنية ان شايف ان المبلغ كبير حد يفيدنى

[mohamed_edp]

انا إن شاء الله تعالى هروح الاسبوع ده التوكيل وهشوف هعمل اية و اكيد هبلغكو بكل اللى هيحصل إن شاء الله تعالى اما بخصوص الاستاذ اللى بيسال عن العربية والله العظيم العربية عجبانى جداااااا وشايف انها عربية كويسة جدا بس المشكلة اللى حصلت دى هى اللى معكننة عليا بس لكن العربية فى مجملها كويسة من حيث النعومة و الكفاءة و السحب و الاستقرار على الطريق و الكماليات و الشكل العام وطبعا السعر وللمعلومة (الالتو عربية هندى) وياريت يا جماعة لو حد يعرف حد بتاع شكمانات كويس فى منطقة الهرم اوالدقى او الجيزة بوجه عام يقولى علية .

[Tamerabdelgabar]

أسوأ مركز صيانه فى أبو رواش تصوروا كنت هناك الساعه 7.30 صباحا وكنت رقم 32 ومشيت الساعه 6 آخر واحد على الرغم من إن عدد السيارات التى دخلت الصيانه كان 65 وطبعا اللى له حبيب وجاى الساعه 2 ظهرا بيخلص ويمشى وإحنا نترمى على الرغم إن كل الموضوع أنى بعمل صيانة 15000 كيلو و بغير فانوس شبوره وخرجت العربيه قذره جدا ومسروق منها سيديهات ولما كلمت مدير مركز الصيانه وكان بيركب سيارته علشان يروح قالى أحنا ماعندناش مغسلة عربيات علشان ننضفهالك وبعدين ما تبقاش تسيب فيها حاجه تتسرق
الظريف أنهم كانوا عاوزين يغيوا لى سير الكتينه على 15000 كيلو لأنها معايا من 18 شهر وسير الكتينه ب 1600 جنيه شغل سرقه لأن سير الكتينه مرتبط بالكيلومترات موش بالزمن

[shanodaa]

أسوأ مركز صيانه فى أبو رواش تصوروا كنت هناك الساعه 7.30 صباحا وكنت رقم 32 ومشيت الساعه 6 آخر واحد على الرغم من إن عدد السيارات التى دخلت الصيانه كان 65 وطبعا اللى له حبيب وجاى الساعه 2 ظهرا بيخلص ويمشى وإحنا نترمى على الرغم إن كل الموضوع أنى بعمل صيانة 15000 كيلو و بغير فانوس شبوره وخرجت العربيه قذره جدا ومسروق منها سيديهات ولما كلمت مدير مركز الصيانه وكان بيركب سيارته علشان يروح قالى أحنا ماعندناش مغسلة عربيات علشان ننضفهالك وبعدين ما تبقاش تسيب فيها حاجه تتسرق
الظريف أنهم كانوا عاوزين يغيوا لى سير الكتينه على 15000 كيلو لأنها معايا من 18 شهر وسير الكتينه ب 1600 جنيه شغل سرقه لأن سير الكتينه مرتبط بالكيلومترات موش بالزمن

سير كاتينه 1600 جنيه؟

[samirayad]

بسم الله الرحمن الرحيم
امبارح رحت التوكيل المبجل اللى المفروض انة بتاع عربيات اسمها (اسبيرانزا و دايو) اللى فى ابو رواش علشان عندى مشكلة فى الشكمان مشكلة بسيطة جدا وهى باختصار محتاجة لحام او تغيير جوان الفرن على حد خبرتى. المهم مهندس الاستقبال قابلنى وحكيتلة على المشكلة الراجل اقنعنى انى اعمل صيانة ال 5000 كيلو بالمرة قولتيلة مفيش مشكلة و الكلام ده كان الساعة 8 الصبح. فين و فين الساعة بقت 3 ظهرا وعربيتى اخبرا خلصت رحت و بمنتهى حسن النية بسال مهندس الاستقبال وكان الحوار كالاتى

- اية الاخبار
- تمام كل حاجة بقت تمام
- اخبار الصوت بتاع الشكمان اية
- خلاص مبقاش في صوت تماما
- الصوت كان من الجوان و لا فى خرم
- لو كان الصوت من الجوان كنت دفعتك تمنة لانة بره الضمان (اتفرج فى اخر الحوار اية التضارب اللى هيحصل)
- طيب على بركة الله
المهم خرجت من التوكيل و انا ميت بجد من التعب و الرمية اللى اترميتها اكتر من 9 ساعات وسبحان الله اول ما خرجت من باب التوكيل فوجئت بان الصوت موجود زى ما هو فرجعت للمهندس و سمعتة الصوت بنفسة قالى طيب اتفضل فى الاستقبال و هرد عليك خلال 5 دقائق وبعدها جالى و بدا الحوار التانى
- فى وصلة شكمان بايظة ولازم تتغير
- اوك نغيرها اية المشكلة
- المشكلة انها مش موجودة واحنا حلينها حل مؤقت دلوقتى لحد ما تيجى (المفروض الحل ده انهم لحموها)
- طيب هى اتلحمت فعلا
- اكييييييييييييييييييييييييد
- ده انا مكملتش 200 متر يا بشمهندس و الصوت رجع تانى
- طيب هى لازم تتغير و معلش استحمل شوية لحد ما تيجى وانا هعملك ايصال حجز بيها و هنكلمك اول ما تيجى
- طيب انا عاوز اعرف هى هتيجى امتا بالضبط دلوقتى لانها عمالى مشاكل تانية
- انا فعلا معرفش انا كل وظيفتى انى انقل مشكلتك للصيانة و بعدها انقلك اية اللى حصل
- طيب انا عاوز اعرف هتيجى امتا اعرفها من مين
- عند ا/ تامر او ا/طارق
و رحت للاستاذ تامر و الاستاذ طارق وفوجئت بان فى ناس تانية ماسكة فى خناقهم (الناس بتحلف ان عربياتهم متحطش فيها مفك) بدات اكلمهم و كانت المفاجاة
-احنا غيرنا الجوان و لسة الصوت موجود بكدا لازم نغير قطعة تانية (على فكرة دى حاجة تانية غير الوصلة اللى قالى عليها مهندس الاستقبال)
-طيب بس المهندس قالى حاجة تانية خالص غير كده
-طيب احنا نعملك اية دلوقتى قولنالك اللى المفروض تعملة و انتا تاعب نفسك
- طيب فين مدير المركز
-ادخل الصيانة واسال على م/هانى هو مدير قسم الصيانة
دخلت ولاقيت المهندس هانى فعلا وكانت صدمتى انة كان برده بيتخانق مع عميل تانى لنفس الاسباب ده غير ان حوالى الساعة 2 كان بيتخانق برده مع عميل تالت لنفس الاسباب المهم بدات اكلمة و كان ده الحوار
- بشمهندس هانى
- ايوة
-حكيتلة على مشكلتى
- تعالى بركة بدرى
-انا هنا من 8 الصبح عشان المشكلة دى بس وبرده متحلتش انا هاجى بكرة لية
-نلحمهالك
-اتصدمت وقولتلة نعم تلحموها لية هى متلحمتش
- لا طبعا
-لية
-لانى معنديش اوكسيجين
-يعنى اية مفيش اكسيجين
-على قد امكانياتنا
-ده مهندس الاستقبال قال انها اتلحمت و فى اتنين تانين قالولى انهم غيرو جوان!!!!!!!!!!!!!!!
-خلاص يبقا اتلحمت (شايفين الاستفزاز)

بدات الناس تتجمع وبدانا نقول ده اسلوب فعلا مستفز ردو كلهام فى نفس واحد هو ده اسلوبنا ممكن تشتكونا على الارقام دى او تعملو شكوى وطلعولنا مذكرة مطبوعة علشان نملاها. وسمعوا واحد بيقول جمعية حقوق المستهلك ردو بمنتهى الاستفزاز و البرود مش شغالين السبت ممكن تكلموهم بكرة وكانو عايزين يجونا نمرة الجمعية .فى الاخر بجد اتحرق دمى وانا ماشى قررت انى مجيش هنا تانى (ده غير انى كل ما اشتكى من حاجة وتكون عايزة تتغير يقولولى ده بره الضمان) وقولت هعملها بره. رد عليا واحد من الشغالين و قالى بلاش تعملها بره و استنا شوية معلش.
ياجماعة بجد لازم يكون فى حل للموضوع ده لانى بجد تمالكت نفسى بالعافية و للاسف ده مكنش معايا انا بس لكن و الله العظيم ده كان مع اكتر من 8 اشخاص فى ربع ساعة بالضبط و ما خفى كان اعظم
المهم انا عربيتى A113 ياترى رايكو اية استنا ولا اعملها بره و لو هعملها بره محدش يعرف واحد بتاع شكمانات محترم وياترى وضعى اية لو عملتها بره بالنسبة للضمان.
انا اسف انى طولت عليكو بس انا نقلتلكو الصورة كاملة بجد ولازم نحاول نلاقى حل للموضوع ده لان ده بياثر علينا كلنا

صدقنى التوكيلات فى مصر لاتثق فى مصداقيتها بالمرة...................والحمد للة انها جاءت فى الشكمان.................الحاجات البسيطة دى خليك مع نفسك برة التوكيل

[Mr_MoMo]

انا بتهيألي حل الصعايدة احسن , كدا ابو الفتوح و ابنو زودوها اوي , لازم يكون حل فعال!!!!!!!!!!!!!!!!!!!!!!!!!!!!!!

[ashouhdy]

عليك و على عمرو اديب
ما حيصدق جنازة و يشبع فيها لطم
:)))))))))))

[megaman]

سيبوكوا من التوكيل مبيعرفوش يصلحوا حاجه اللى يوديك ابو رواش يوديك 6 اكتوبر مصنع ابو اليزيد للشكمانات حيحل كل المشاكل دى وبتكلفه معقوله جدا حيعيد على اللحامات الضعيفه اللى بتطلع الصوت وفى خلال 15 دقيقه انا عملت كده فى عربية اخويه 113