افيدوني !!

[memomody4]

السلام عليكم ورحمه الله وبركاته

عاوز استفسر منكم يا جماعه الخير .. انا معايا ميزانيه 75 الف جنيه .. وعاوز اركب عرابيه شبابيه وتكون فيها اوبشن وكده وتكون زيرو شفت الsperanza m11 وعجبتني جدا جدا جدا جدا
بس سمعت ان التوكيل مش كويس وقطع الغيار مش متوفره بس هي كعرابيه داخله دماغي
وياريت اصحاب السياره يفيدوني بيها

تاني اختيار كنت بفكر في byd G3 بس مقلق منها علشان مفيش منها كتير في مصر مشفتش غير واحده بس
وتاني حاجه موضوع ماتورها الصيني ده وقطع الغيار ... وفكرت اجيب byd F3 اتوماتيك قسط

ياريت تساعدوني لأني في حيره فظيعه


وشكــــــــــــراً

[katoba]

لو مش عاوز حد يقول راكب عربية صينى ويع والكلام دة هات اى نوع اخر زى الفيرنا او اللانوس او اللوجان لو متفرقش معاك وعاوز تركب عربية محترمة بجد هات الm11 عن تجربه

[memomody4]

لو مش عاوز حد يقول راكب عربية صينى ويع والكلام دة هات اى نوع اخر زى الفيرنا او اللانوس او اللوجان لو متفرقش معاك وعاوز تركب عربية محترمة بجد هات الm11 عن تجربه

والله انا مش فارقه معايا .. المهم العرابيه تبقي كويسه وشكلها كويس والاوبشن الي فيها تمام والتوكيل كويس نوعاً ما وتستحملني لأني مشاويري طويله شويه ورخمه

[khaled_Saga]

لو مش عاوز حد يقول راكب عربية صينى ويع والكلام دة هات اى نوع اخر زى الفيرنا او اللانوس او اللوجان لو متفرقش معاك وعاوز تركب عربية محترمة بجد هات الm11 عن تجربه

طبعا وبكل تأكيد انا مع رأى حبيبى احمد بيه ومنحاز لعربيتى الجميلة ام 11

مفيش شك التوكيل احيانا بيكون سيء الى حد ما لكن مش دايما .. قطع الغيار فعلا مش دايما متوفرة لكن لما بتتوفر بيتم تغييرها فى الحال

بصفة عامة عربية جميلة مظبوطة على تمنها وربنا يباركلنا فيها .. صلى استخارة وشاور عقلك واسأل غيرنا كتير لحد ماتطمن وربنا يوفقك

[memomody4]

طبعا وبكل تأكيد انا مع رأى حبيبى احمد بيه ومنحاز لعربيتى الجميلة ام 11

مفيش شك التوكيل احيانا بيكون سيء الى حد ما لكن مش دايما .. قطع الغيار فعلا مش دايما متوفرة لكن لما بتتوفر بيتم تغييرها فى الحال

بصفة عامة عربية جميلة مظبوطة على تمنها وربنا يباركلنا فيها .. صلى استخارة وشاور عقلك واسأل غيرنا كتير لحد ماتطمن وربنا يوفقك

انشاء الله هتوكل علي الله وهجيبها ... هبقي اروح اتفرج عليها بعد الاجازه في ابو الفتوح :)


الف شكر يا رجاله

[hemaa_82]

طبعا وبكل تأكيد انا مع رأى حبيبى احمد بيه ومنحاز لعربيتى الجميلة ام 11

مفيش شك التوكيل احيانا بيكون سيء الى حد ما لكن مش دايما .. قطع الغيار فعلا مش دايما متوفرة لكن لما بتتوفر بيتم تغييرها فى الحال

بصفة عامة عربية جميلة مظبوطة على تمنها وربنا يباركلنا فيها .. صلى استخارة وشاور عقلك واسأل غيرنا كتير لحد ماتطمن وربنا يوفقك

كنت لما اقول كده يقولي عليا شغال في التوكيل .....ربنا يوفقك للشراء .... العربية كعربية لا غبار عليها ما شاء الله و الناس جابتلك من الاخر بس ربنا يوفقك للخير ان شاء الله

[hemaa_82]

لو هتقارن ال BYD مع ال M11 كتوكيلات ف مهما كان ابو الفتوح مش هيكون اسوأ من الامل ....ده مبيعرفوش يظبطوا الللادا اساسا...

الميزة اللي في البي واي دي و انا بتكلم علي سماع من راكبيها مش عن تجربة شخصية ... انها هجين من النتسوبيشي مع التويوتا و بتقبل قطع غيارهم ....طبعا ده بيديك اختيارات كتير جدا عند شراء قطع الغيار ....فلو قارنتها ب الm11 في الموضوع ده هي تكسب ....
انما كعربة ... انا شايف ان الm11 احسن كشكل و كمضمون ...غير ان موتور و فتيس ال m11 هوا هوا زي ال516 فموجوده قطع غيارهم ...الفكرة ان الاختلاف في العفشة و قواعد المتور بس ...انا عن نفسي الحمد لله هكمل 3 سنين ف 9 و محتجتش اغير مسمار في العفشة بس هل لما احتاج -ربنا لا يقدر- هلاقي ....؟؟؟؟؟ انا اعتقد ان مفيش حاجة مش موجودة بس الانتشار مش زي ال 516 مثلا ....
و اولا و اخيرا ربنا يهديك لجادة الصواب

[khaled_Saga]

كنت لما اقول كده يقولي عليا شغال في التوكيل .....ربنا يوفقك للشراء .... العربية كعربية لا غبار عليها ما شاء الله و الناس جابتلك من الاخر بس ربنا يوفقك للخير ان شاء الله

للاسف يا هيما كل واحد له دماغه واللى مقتنع ان اسبرنزا وحشة بيهاجم اللى بيشكر فيها بكل عميانية حتى لو هو مركبهاش ولا حتى مرة!!
كل مافى الموضوع ان معاك عربية جميلة مريحاك ومقضية حاجتك وحاسس انها فخمة ومش تعباك فى حاجة .. وانا قبل ما اذكر المميزات ذكرت العيوب وده واجبنا على اى حد طالب النصيحة .. العربية فعلا معملتش دقت نقص معايا ابدا برغم انى غيرت بلى بطاحات وكنترول اى بى اس ومستنى ماستر دبرياج لما يتوفر هغيره ولكن كل الحاجات دى مأثرتش فى أداء العربية او كانت خطر عليا وانا ماشى بيها انما هى بعض عيوب التقفيل المصرى السبب فى الحاجت دى لكن تظل العربية محل احترامى وتقديرى لانى وانا ماشى بيها بحس انى راكب عربية محترمة

تحياتى

[ashrafmahmoud93]

اتوكل ع الله ياباشا انا سالت السؤال دا قبلك والحمد لله نفس الاخوة ردوا عليا وكنت محتار بينها وبين الافيو والحمد لله جبت الام 11 من اسبوعين والحمد لله العربية تمام بس لازم تعرف ان فيها شوية حاجات كدا اولها تزيق العفشة انا لسه ف 200 كيلو وبسمع التزيق بس عادى مش فارق قوى معايا الا لما بدقق عشان اسمعه وبرضة ابعاد العربية صعبة شويه ف القيادة يعنى هتاخد شويه وقت ع اما تتعود ع ابعادها غير كدا ماشاء الله روعه وجميلة جدا بس عاوز اسال سؤال لمبة الشبورة البكرة بتاعتها مش بتيجى شمال عشان تنور انا مش عارف اشغلهم هل فى طريقة معينة

[khaled_Saga]

اتوكل ع الله ياباشا انا سالت السؤال دا قبلك والحمد لله نفس الاخوة ردوا عليا وكنت محتار بينها وبين الافيو والحمد لله جبت الام 11 من اسبوعين والحمد لله العربية تمام بس لازم تعرف ان فيها شوية حاجات كدا اولها تزيق العفشة انا لسه ف 200 كيلو وبسمع التزيق بس عادى مش فارق قوى معايا الا لما بدقق عشان اسمعه وبرضة ابعاد العربية صعبة شويه ف القيادة يعنى هتاخد شويه وقت ع اما تتعود ع ابعادها غير كدا ماشاء الله روعه وجميلة جدا بس عاوز اسال سؤال لمبة الشبورة البكرة بتاعتها مش بتيجى شمال عشان تنور انا مش عارف اشغلهم هل فى طريقة معينة

بص ياعم اشرف البكرة مش بتيجى شمال امال تعمل ايه؟ وانت فاتح النور الصغير او الواطى (يعنى والبكرة على اى وضع ناحية اليمين) تشد البكرة ناحيتك تكة تفتح الشبورة الامامى تكة كمان تفتح الشبورة الخلفى .. معقولة لسه مشغلتش فوانيس الشبورة لحد دلوقتى؟؟

[hemaa_82]

بس و هيه مش في وضع Auto بدل ما تشد المفتاح لحد ما تخلعه :) .... يعني من تاني تكة يمين تقدر تشد تكة شبورة امامي و كمان تكة شبورة خلفي ..... علي فكرة ده زي الاماني "حكما علي الاسكودا اوكتافيا"

[ashrafmahmoud93]

بص ياعم اشرف البكرة مش بتيجى شمال امال تعمل ايه؟ وانت فاتح النور الصغير او الواطى (يعنى والبكرة على اى وضع ناحية اليمين) تشد البكرة ناحيتك تكة تفتح الشبورة الامامى تكة كمان تفتح الشبورة الخلفى .. معقولة لسه مشغلتش فوانيس الشبورة لحد دلوقتى؟؟

الف شكر ليك استاذنا الغالى خالد ربنا يخليك لينا والله انا حاولت بس كنت مفكر انها بتلف شمال بس خلاص بكرة ان شاء الله اجرب الموضوع دا وهاجى اقولك اشتغلت او لا
فى حاجه حصلتى بقة النهاردة زعلت عشانها بس انا عارف ان هيقابلن شويه مشاكل انا الصبح وانا رايح الشغل وماشى بالعربية بسمع صوت تكتة كدا ف العجل قعد حالى 5 دقايق واما بدات ازود السرعه راح الصوت دا مش عارف من ايه

[khaled_Saga]

بس و هيه مش في وضع Auto بدل ما تشد المفتاح لحد ما تخلعه :) .... يعني من تاني تكة يمين تقدر تشد تكة شبورة امامي و كمان تكة شبورة خلفي ..... علي فكرة ده زي الاماني "حكما علي الاسكودا اوكتافيا"

هههههههههههههههههههههه
تصدق يا هيما ان قبل ما اقرا كامك ده جربت اشدها على الاوتو لقيتها مش بتيجى وضحكت لما شوفت كلامك دلوقتى .. يبقى تصحيح بقى: اى وضع على اليمين ماعدا الاوتو

[khaled_Saga]

الف شكر ليك استاذنا الغالى خالد ربنا يخليك لينا والله انا حاولت بس كنت مفكر انها بتلف شمال بس خلاص بكرة ان شاء الله اجرب الموضوع دا وهاجى اقولك اشتغلت او لا
فى حاجه حصلتى بقة النهاردة زعلت عشانها بس انا عارف ان هيقابلن شويه مشاكل انا الصبح وانا رايح الشغل وماشى بالعربية بسمع صوت تكتة كدا ف العجل قعد حالى 5 دقايق واما بدات ازود السرعه راح الصوت دا مش عارف من ايه

عفوا يا استاذ اشرف ده وجبى انى افيدك .. بعدين ماتنزل يا سيدى تجرب دلوقتى وترجع بسرعة تقولى هتخسر ايه مش العربية تحت البيت ؟

طيب قولى الصوت مستمر طول ما انت على سرعة منخفضة ولا هو حصل مرة وراح؟ والصوت ملحوظ اوى يعنى شاكك انه حاجة فى العفشة ولا حاجة عالقة فى العجلة؟

1. وارد يكون مسمار محترم دخل فى الكاوتش وهو اللى بيعمل صوت التكتكة (ياما حصلت معايا) او حتة ظلطة او طوبه صغيره دخلت بين فتحات الكاوتش
2. لو مش الاحتمال اللى فوق ممكن تكون حاجة محتاجة تتربط فى العفشة ومتقلقش نفسك خالص كلنا مرينا بالتكتكة والتزييق والصوصوة دى فى الاول وكله بيتظبط فى الصيانات

[memomody4]

لو سمحتوا سؤال كمان علشان انا مبتدء في حوار العرابيات ده .. هو انا لو اشتريت العرابيه من ابو الفتوح المهندسين ودفعت كاش استلم في اد ايه ... وهل هتيجي مترخصه بأسمي ولا انا هاخدها وارخص

وايه الفرق اني اشتري من التوكيل او من معرض عادي !!؟؟ وانهي احسن ؟