مشكلة في سيارتي التيجو ... محتاج مشورة حضراتكم

[mo7amedgomaa]

السلام عليكم ورحمة الله وبركاته
أنا سيارتي تيجو 2010 الـ 1600 ، هي دلوقتي عاملة حوالي 39500 كم والإستفسار هو :
- عندي صوت شخلله ورا ناحية الجنب اليمين وحاولت أشوف أي حاجة تكون مفكوكه أو ما شابة ولقيت كل حاجه تمام لكن صوت الشخلله موجود وبيظهر أكتر في السلانسيه وبيروح مع السرعة العالية ... لو حد عنده أي فكرة ده إيه يبقي جزاكم الله خير
- كمان بسأل عن صيانة الـ 40000 كم بكام وبتاخد وقت أد إيه وإيه اللي بيحصل فيها بالظبط
وجزاكم الله خيرا

[said.d.y]

انا عملت صيانة ال40 الف كم للتيجو الأوتوماتك ، شهر مارس الماضى بمركز ابو الفتوح الصحراوى الكيلو 32،وبالنسبة للوقت انا رحت مركز الخدمة الساعة 9 صباحاً تقريباً، واستلمت العربية الساعة 1.5ظهراً او قبل كدة موش فاكر اوى.
بنود الصيانة :
1.تغير سير الكاتينة والبلى والشداد الخاص بها (ضمان الكاتينة 40 الف كم او سنتان ايهما اقرب)

2.تغير بوجيهات 3 شمعة.

3.تغير زيت محرك(موبيل 1)\زيت فرامل\زيت الفتيس الأوتوماتك.

4.تغير فلتر الزيت\فلتر الهواء\فلتر البنزين.

5.تغير طبه طلمبة الزيت والورد الخاص بكل طبه .

6.فوم لتنظيف المحرك\شامبو للمساحات.

7.مراجعة الانوار بالكامل (تم تغير 2 لمبة) .

8.مراجعة كاملة للعفشة وتربيطها.

9.وضع السيارة على جهاز خاص بتحديد الاعطال ، ومراجعة السوفت وير الخاص بالفتيس.

تكلفة الصيانة :

- الاجمالى : 2298.66 جم

- التفصيلى :

1.قطع الغيار:1477.72 جم

2.المصنعية :612 جم

3.الضرائب وخلافة:208.94 جم


وبالنسبة لصوت الشخللة ال بتسمعة فى العربية، خليهم يكشفوا علية وانت بتعمل الصيانة.