الحمد لله بقيت من ملاك اسبرانزا a516

[mhmdalsaadany]

بسم الله الرحمن الرحيم

اخواني في الله الحمد لله والشكر ربنا وفقني واشتريت اسبرانزا 516 موديل 2012 بعد تجربه مريره مع لادا موديل 2011 وبعتها بخساره حوالي 17 الف جنيه الله يعوض عليا من اللى شوفته منها وطبعا دي كانت سيارة البيت التانيه مش الاساسيه دي للوالد والمدام يركبوها سوا وطبعا انا كمان في المشاوير اللى داخل البلد والقريبه
المهم ربنا كرمني بس كان ليا كذا تعليق وملاحظه وعايزكم تطمنوني او تنصحوني

اولا : السنتر مش بيقفل اتوماتيك مع السرعه 40 زي ما انتوا عارفين لكن شغال كويس بيفتح ويقفل مانوال ومع الريموت وكله تمام مش عارف ليه المشكله دي

ثانيا: انا جايب الموديل الكامل بس لقيت الكاسيت الكينود العادي السي دي مش الكبير وقالولي ان النص الاولاني من السنه كان بينزل من المصنع بالكاسيت الكبير وبعدين من اول سته نزلوا الكاسيت الصغير دا تاني انا بصراحه مش عارف دا كلام بيعين ولا العربيه متخزنه ولا ايه بس بصراحه الورق كان 2012 وريحه الفابريكه موجوده وكله تمام

ثالثا: الدركسيون فيه عوجه بسيطه ناحيه اليمين يعني مش في النص بس العربيه مظبوطه ومش بتحدف خالص

رائيكم الحاجات دي سهله واعملها في صيانه الالف ولا اروح قبل الصيانه واعملها ويفضل اروح ابو رواش ولا اي مركز خدمه سريعه اخر

ارجوكم اقبلوني عضو جديد معاكوا في القسم انا اسمي محمد السعدني مهندس ميكانيكا ومن سكان الهرم
اسف للاطاله وتقبلوا تحياتي

[mhmdalsaadany]

في كمان ملحوظه معلش انا تقلت عليكم بس العشم انا بحس كدا ان في هوا سخن شويه جاي من ناحيه الموتور ياترى دا عيب في العربيه ولا عندي ولا انا مركز معاه اوي زياده عن اللزوم ولا ايه وياتلرى ليه حل

[S O P H O S]

الف مبروك يا باشا
وربنا يباركلك فيها ويكفيك شرها ..
تحياتي

[kar!m]

الف مبروك .. ربنا يبارك لك فيها و يحفظهالك.

[EZABY]

أنا كمان بقيت من ملاك الـ516 من أخر شهر خمسه اللي فات ده وفرصه حلوه اننا نتابع مع بعض العربيتين والتطورات بتاعتهم :)

اولا : السنتر مش بيقفل اتوماتيك مع السرعه 40 زي ما انتوا عارفين لكن شغال كويس بيفتح ويقفل مانوال ومع الريموت وكله تمام مش عارف ليه المشكله دي

عندي انا كمان مبيقفلش على سرعه 40 بس ده بيبقى أوبشن في اجهزه الانذار ومعتقدش انه موجود اصلا في الجهاز بتاعتنا ده, وهم مش كاتبين الأوبشن ده في أي حاجه على ما أعتقد يعني

ثانيا: انا جايب الموديل الكامل بس لقيت الكاسيت الكينود العادي السي دي مش الكبير وقالولي ان النص الاولاني من السنه كان بينزل من المصنع بالكاسيت الكبير وبعدين من اول سته نزلوا الكاسيت الصغير دا تاني انا بصراحه مش عارف دا كلام بيعين ولا العربيه متخزنه ولا ايه بس بصراحه الورق كان 2012 وريحه الفابريكه موجوده وكله تمام

أنا عندي الكاسيت الكبير بس نوعه اسبيرانزا ولما كنت بشتري في شهر خمسه شفت الأتنين شفت عربيات فيها الكبير وعربيات فيها الكينود زي اللي عندك, الفاتوره بتاعة أبو الفتوح اللي طالعه من الشركه للمعرض اللي حضرتك اشتريت منه -ورقه صفرا كرتون كده مش فاتوره ورقه يعني- دي مكتوب فيها تاريج خروج العربيه لو حضرتك صورتها قبل مايخدوها منك في المرور بص فيها وهتعرف العربيه انتاج شهر كام

ثالثا: الدركسيون فيه عوجه بسيطه ناحيه اليمين يعني مش في النص بس العربيه مظبوطه ومش بتحدف خالص

أنا بقا عندي معووج شمال :)) بس فعلا العربيه مبتحدفش وهي ماشيه

[hugan]

اهلا بيكم نورتم القسم

السنتر المفترض انه بيقفل مع 45 كيلو الا اذا كانوا غيرو في الموديلات اللي بعد كده انا 2008
لان في ناس كتير اشتكن من الحكايه دي
الزوايا طالما سليمه ودي اهم احاجه
الطاره تتظبط في صيانه ال 1000
السخونه تتظبط في صيانه ال 1000
العربيه ممتازه واكثر من رائعه

[mhmdalsaadany]

ربنا يبارك فيكم جميعا وجزاكم الله كل الخير ويتقبل دعائكم

والف مليون شكر لحضرتكم انكم طمنتوني على العربيه

استاذ عزبي فرصه سعيده جدا وان شاء الله نكون على اتصال ونتابع اخبار السيارات مع بعض

[fourseasons]

الف مبروك يا باشا وربنا يديك خيرها و يكفيك شرها.بالنسبة للملاحظات ال حضرتك قولتها

السنتر فعلا من اول موديل 2010 و هو اتلغى انه يقفل لوحده بعد سرعة ال 40ك.
وبالنسبة للكاسيت هو مش هيفرق اولى بس لعلمك ال كينوود احسن من الأسبرانزا .انا عندى ال كلاريون الكبير كان بينزل فيها لحد 2010 و بعد كده نزلوا ال سبيرانزا بس للأمانة توكيل كلاريون هوا هوا توكيل ال كينوود محترميين اووى احسن من توكيل ال كاسيت التانى و هو توكيل"فيديو ياص"

-وبالنسبة للعوجه المهم انها مش مأثرة فى السيارة قوى.
-بالنسبة للهواء الساخن ده جاى منين بالضبط؟عند الدواسة ولا التكييف.وفى الغالب ده عازل و حيظبطوه فى صيانة ال 1000 ان شاء الله.

والحمد لله العربية جميلة كا مجمل يعبها بس عفشتها الناشفة و غير كده الف حمد و شكر ليك يا الله

[HAITHAM1985]

صينى ............ يع يع ........... ضيعت فلوسك كنت ممكن تجيب قرده أحسن ........... هههههههههه بهزر طبعا

العربية اللى أنت إشترتها من أفضل العربيات الصينى اللى نزلت مصر فى الفئة السعرية ......... برغم تفضيلى للبريليانس fsv .......... رجاااااااااااااااااااااااء حار ................... إهتم بالصيانة ومطنش ده سبب دمار الصينى

مبرووووووووووووووك

[mmmmgogommmm]

ياباشا الف مليون مبروك-اركبواتمتع ومتشغلشبالك دى عربيات محترمة جدا جدا انا معايا 2011 --موضوع الدركسيون عادى كان كدة عندى والعبرة هى بتحدف ولالا----وموضوع السخونية راجع فية التوكيل عند صيانة الالف-----اما الكاسيت فبامكانك تغييرة من التوكيل ودفع الفرق اذا كان لم يستخدم بعد اتوقع ذلك====ملحوظة-ابتداء من موديل2010 تم تلافى كل عيوب العفشة والعربية بقت تمام تمام تمام

[mhmdalsaadany]

ربنا يبارك فيكم جميعا وجزاكم الله كل الخير
العربيه تقيمي المبدئي ليها انها ممتازه بالنسبه للفئه السعريه بتاعتها انا كانت المقارنه بينها هي واللوجان والفيرنا واللانوس وطبعا البي واي دي

والحمد لله ربنا وفقني واستقريت على الاسبرانزا لأنها اوسعهم بدون منافسه وانا زهقت من كتر ما اللى يقعد ورايا يقولي طلع الكرسي قدام ههههههههههههه حتى في الكروز هههههههه ولكن بفضل الله العربيه بجد محترمه والعفشه فعلا ناعمه عن عربيات كتير
وانا الحمد لله موسوس صيانه انا عامل صيانه ال30000 كم للكروز والعربيه لسه معملتش 21000 كم لأني بعمل الصيانه كل 4 شهور حتى والعربيه واقفه لاني بشتغل مهندس ميكانيكا في شركة بترول وكمان بسافر اسبوعين اشتغل في الصحراء الغربيه واسبوعين اجازه في البيت

الف شكر ليكوا وربنا يجزيكم خير ان شاء الله

[Salah_sr]

ممكن اعرف سعرها زيرو بكام

[mero.m]

بسم الله الرحمن الرحيم

اخواني في الله الحمد لله والشكر ربنا وفقني واشتريت اسبرانزا 516 موديل 2012 بعد تجربه مريره مع لادا موديل 2011 وبعتها بخساره حوالي 17 الف جنيه الله يعوض عليا من اللى شوفته منها وطبعا دي كانت سيارة البيت التانيه مش الاساسيه دي للوالد والمدام يركبوها سوا وطبعا انا كمان في المشاوير اللى داخل البلد والقريبه
المهم ربنا كرمني بس كان ليا كذا تعليق وملاحظه وعايزكم تطمنوني او تنصحوني

اولا : السنتر مش بيقفل اتوماتيك مع السرعه 40 زي ما انتوا عارفين لكن شغال كويس بيفتح ويقفل مانوال ومع الريموت وكله تمام مش عارف ليه المشكله دي

ثانيا: انا جايب الموديل الكامل بس لقيت الكاسيت الكينود العادي السي دي مش الكبير وقالولي ان النص الاولاني من السنه كان بينزل من المصنع بالكاسيت الكبير وبعدين من اول سته نزلوا الكاسيت الصغير دا تاني انا بصراحه مش عارف دا كلام بيعين ولا العربيه متخزنه ولا ايه بس بصراحه الورق كان 2012 وريحه الفابريكه موجوده وكله تمام

ثالثا: الدركسيون فيه عوجه بسيطه ناحيه اليمين يعني مش في النص بس العربيه مظبوطه ومش بتحدف خالص

رائيكم الحاجات دي سهله واعملها في صيانه الالف ولا اروح قبل الصيانه واعملها ويفضل اروح ابو رواش ولا اي مركز خدمه سريعه اخر

ارجوكم اقبلوني عضو جديد معاكوا في القسم انا اسمي محمد السعدني مهندس ميكانيكا ومن سكان الهرم
اسف للاطاله وتقبلوا تحياتي

الف مبروك على العربيه اولا وربنا يباركلك فيها ان شاء الله......
اولا:انا على ما اعتفد فعلا ان موضوع السنتر اللى مع السرعه دة اتلغى بس حضرتك اسال اضمن فى صيانه 1000..
ثانيا:حضرتك الكاسيت بيغرو باستمرار الكاسيت اللى عند حضرتك كان بينزل فى الهاف اوبشن وكانت الكامله كاسيت كبير بفتحه يو اس بى دة كان فى موديلات 2011 انا عربيتى 2008 وكان الكاسيت كبير وتقليدى جدا فمش هتفرق لان الاصوات واحدة ..
ثالثا:حضرتك مشكله الدريكسيون هتتظبط فى صيانه 1000 مشكله تركيب بس ومادام مفيش مشاكل وانت ماشى عادى..
رابعا:مش فاهم حضرتك الهوا من جوا ولا منيين بس لو من جوا انا كانت عندى نفس المشكله كان بيدخل سخونيه جامدة من الدواسه وكانت المشكله ان ابواب التكييف اللى على الرجل مفتوحه....
ياريت اكون افادتك وتقبل مروورى