فرش داخلى لأسرانزا 620

[منعم صادق]

سؤال للشتات الطييبن لمن عنده غلم بالموضوع... أنا لاحظت ان لون فرش العربية الكبيرة فاتح جدا.. وطبعا للى عنده أولاد ماشاء الله زى أولادى يقدر بنسى القرش بكتيره بغد شهر بناء على خبرتى السابقة... فهل ينفع الواحد يركب فرش أضافى فوق الأصلى اللر لمل يتوسخ يقدر يشبله و يركب غيره؟ و طبعا لآزم يكون جلد .. لأن مش معقول العربية تكون فرش جلد و الواحد يركبلها فرش قماش... فلو حد عنده فكرة أو فين و بكام أكةن شاكر أفضالكم.

مع تحباتى

منعم صادق
أسبرانزاوى رقم 59

[tarek2]

أســـــــتـاذ منعم : الســـيارة 620 الفرش بها من الجــلد الطبيعى و طبعا انت ســـيد العارفين ســـــعره كـــــــــــام وكنت أتمنى تركيبه كفرش أضــــــــافى لسـيارتى الـ 516 ولكن لايمكن لضيق ذات اليـد وعلى رأى المثل الكحكـة فى أيــد اليتيم عـجــبـه ،،،،،،، وعـجـبى :D
طــــــارق أمــــيــن -- أســـــــــبرانزاوى 36

[منعم صادق]

ياطارق بيك ربنا يوسع رزقك ورزقنا و تحصل على كل ماتتمناه.

[kamatchodj]

يوجد بالتوكيل يا اخى العزيز الاستاذ منعم صادق فرش كسوه نفس لون الفرش الاصلى ولكن ليس جلد طبيعى برجاء مراجعه التوكيل فى هذا الامر وانا شخصيا مركبه فى العربيه الصغيره وممتاز واعتقد انه فيه زيه للعربيه الكبيره

[منعم صادق]

با وائل بك الف شكر على المعلومة وربنا ميحرمناش منك ومن امثالك الطيبين.

منعم صادق

[kamatchodj]

لاشكر على واجب ياباشا .............. انت اسبرانزاوى يعنى على عينى وراسى ياباشا

[tarek2]

ياطارق بيك ربنا يوسع رزقك ورزقنا و تحصل على كل ماتتمناه

أرجـو الا تكـون فهـمـت كـلامى غـلـط ، انا مش قصـدى الحـسـد والعيـاذ باللـه

ولكن قـصـدى ان بعد الجـلد الطبيعى مافيـش ....


طـارق أمــــيــن - أســـبرانزاوى 36

[Hosam]

استاذ منعم فرش الموديل a620 متميز جداً جداً و احلى حاجة فى العربية هى ريحة الجلد الطبيعى اول ما تدخل العربية و تحس بالفخامة و انت بتستعمله .. ميزة الجلد عن القماش انه سهل التنظيف .. خللى الولاد يتمتعوا و سيبهم ياخدوا راحتهم و استمتع انت بالفرش و تابعه اول باول و كل ما تحس انه بدأ يتوسخ شوية ميه و صابون بعناية يرجعوه ذى الفل و كمان فى سبراى بيتباع فى التوكيل مخصوص عشان الفرش و مش غالى .. و ربنا يباركلك فى العربية كلها.

[tarek2]

أسـتاذ منـعـم أتـفــق فى الـرأى تمـامــــــا مـع الأخ / حســـــام - الفرش أجمل مافى العربيـة ( الفخـامة )
بـارك اللـــــــه لك فيـها وكفـاك شــرهـا .......

طـارق أمــــيــن - اسـبرانزاوى 36

[منعم صادق]

ياطارق باشا أنا لم أقصد أبدا الحسد لاسمح الله.. انا كنت باأدعيلك وأدعى لنفسى فقط؟!!

[TAREK ZIAD]

تحياتى للجميع
فعلا اللون الفاتح للفرش الأصلى لن يتحمل إستعمال الأولاد ودة فعلا حصل لى و لاحظت تغير اللون و البقع بعد يومين، و بالفعل ذهبت الى شارع دمشق لتركيب فرش مشابه و بالفعل وجدت أنواع كثيرة جلد و قطيفة و... و بعد البحث و التدقيق فى الأسعار قمت بإختيار فرش جلد مطعم بالقطيفة ولونه فاتح مشابه جدا للأصلى و كلفنى بالتركيب و البقشيش 250 جنيه، طبعا أصحاب المحلات الكبيرة قالولى 560 أصل دة جلد يابانى يا باشا ..... المهم الكسوة كانت رائعة وما تفرقهاش عن الأصلى لدرجة إن مهندس التوكيل سألنى إنت ليه غيرت كراسى العربية؟؟؟ دى من موبيكا!!!!..مش متخيل إنها كسوة.... المشكلة الوحيدة إنك تاخد بالك عند فك المساند التى بها الشاشات لأنها محتاجة واحد بيفهم. و ممكن تتغاضى عن تركيب الكسوة للمساند لأن شكلها بيكون مش مضبوط تماما.
المهم بقة إن الكل أشاد بالكسوة و أنه لا يمكن تفريقها عن الفرش الأصلى لكن المشكلة الفعلية أن الجلد بيشع حرارة فظيعة خاصة لما يكون معرض للشمس، ودة بيسبب مشكلة للأولاد بعكس الكسوة القماش التى لا تلسع مثل الجلد. لذلك الأولاد عندى بيتخانقوا مين اللى يقعد على الجزء القطيفة من الكنبة الخلفية لتفادى لسع حرارة الجزء الجلد.
نصيحتى لك إنك تختار كسوة جلد فاتح لأنها شيك جدا جداو هاتحافظ على الكراسى الأصلية التى لا تعوض خاصة للأطفال بس تراعى تكون مساحات القطيفة بها كبيرة للكنبة الخلفية ولو أمكن كلها قطيفة يكون أفضل عن تجربة خاصة وإن الكنبة الخلفية بعيدة جدا عن تأثير التكييف خصوصا بعد أن ألغوا فتحات التكييف الخلفية (غباء من التوكيل طبعا). طبعا السوق مليان أنواع و أشكال فالأفضل تتفرج و تسأل. بس نصيحتى لازم تركب الكسوة طالما فى أولاد. (مكان المحل فى شارع دمشق خلف محطة البنزين، أسطى إسمه علام - فنى ممتاز خاصة فك كابل الشاشة)
ووحشنا الكلام فى المفيد عن العربية ومشاركات الإخوة الأعزاء ونرجع تانى لموضوع مع 620 مش قاتقدر تغمض عنيك (موضوع أخونا العزيز أ/حسام) و ربنا يبارك للجميع
تحياتى
م/ طارق زياد

[منعم صادق]

ألستاذ الفاضل طارق زياد

لك منى الف شكر وبارك الله فيك على النصيحة. ياريت تدينى وصف العنوان بالظبط لأن انا من سكان الهرم و معرفتى بمصر الجديدة تكاد تكون معدومة.. علشان انشاء الله لما أنزل أجازة أروح أركب الفرش.

تحياتى

[ragaiy]

شكرا جزيلا على المعلومه وانا برضه بافكر اركب
لانى لسه مستلم و برضه حسيت انه مش حيتحمل خالص

[lokyegypt]

عندى كلام فى موضوع الجلد قالهولى السروجى ان الجلد الطبيعى لو اتغطى بفرش تانى هايبوز
م / على حسن
اسبيرانزاوى 19
الاسكندرية