صيانة الـ20 ألأف=600 جنية!!!!!!! (وائل عطية)

[وائل عطية]

اتصلت امبارح بالتوكيل عشان أحجز لصيانة الـ20 ألف وحدث الآتي:
أولاً أول موعد مُتاح يوم الأحد القادم مع العلم إن العربية عدت الـ 20 ألف (20280)
ثانياً الموظفة طلبت تعرف هاعمل إيه بالظبط في العربية بخلاف الصيانة لأنهم مضغوطين
ثالثاً سألت إيه اللي بيحصل في الصيانة دي (كنت باكلم جسر السويس) قالتلي ماتعرفش، فاتصلت بالصحراوي قالولي تغيير الزيت وجميع الفلاتر وفحص شامل للعربية، واحتمال تغيير التيل، فسألتها هل التيل على الضمان قالت لأ فقولتلها طيب مانتي عارفه إن في شكوى عامة من التيل فالمهم تهربت من الإجابة بحجة إن التيل دا حاجة مُستهلكة
رابعاً سألت التكلفة قالتلي حوالي 600 جنيه (طبعاً بخلاف سعر التيل لو كانوا هايغيروه)
المهم حجزت على يوم الأحد القادم
عايز بقى رأي حضراتكم
هل الكلام دا منطقي كده؟

[h_hezzah]

600 جنيه بتوع ايه يعنى؟
مع احترامى لعشاق الاسبرانزا
بس حسب كلامك لو هايغيروا زيت موبيل 1 اللى ال 4 لتر منه ب 215 وفلتر زيت وهوا وبنزين قول 100 ومصاريف الصيانه كمان 100 فيه كده برضه 200 زيادة عن الطبيعى الا بقى لو كانت الوزة فيها فلاتر تانية كتير غير الطبيعى

[kamatchodj]

اخى العزيز الاستاذ وائل عطيه

لو سيادتك تفتكر انه فى صيانه الالف كانت التكلفه حوالى 300 جنيه وده بيشمل تغير زيت وفلتر زيت

يبقى لما تضيف عليهم 300 تانين لتغير كل باقى الفلاتر فى العربيه يبقى اظن الرقم ده منطقى

وان شاء الله احنا بانتظار تقريرك عن صيانه العشرين الف

[kamatchodj]

استاذى العزيز حازم حزه

اريد فقط ان اوضح ان العربيه الاسبرانزا بتاخد 5 كيلو زيت

[ooo]

السلام عليكم ورحمة الله وبركاته.

أستاذ ايهاب هذا بالنسبة لصيانة العشرين الف . انا اريد ان اسأل عن صيانة الخمسة الاف لأن ميعادها غدا ان شاء الله.
هل يتم تغيير التيل او اصلاحه؟؟؟؟؟؟؟
انا اتصلت بجسر السويس وسألت عن الصيانة وبلغتها ان سيارتي من ضمن السيارات اللي هايتغير لها علبة الدركسيون.
وسألتها علي التيل فردت بأنه لا يتغير ولكن يتم اصلاحه فقط . والحجز كان يوم الثلاتاء وكان متاح الأحد اليوم لكن ظروفي جعلتني احدد غدا الأثنين ان شاء الله للصيانة.

يا ريت الأخوة الأفاضل يذكروا لي ماذا يتم بالضبط في صيانة الخمسة ألاف و تكلفتها تقريبا كام؟
مع تحياتي.

[kamatchodj]

بالنسبه لصيانه الخمس الاف لايتم تغير التيل فيها

ولكن يتم اصلاح الصفاره اللى فى التيل والنتائج غير مرضيه فالاصلاح لا يعالج شئ

وتكلفه صيانه الخمسه الاف حوالى 90 جنيه

وفيها يتم الكشف على الزيت ولا يتم تغيره كذلك الكشف على العربيه بشكل عام واذا كان لديك اى ملحوظات يجب ابلاغهم والتأكد انه تم عمل كل ماتطلب وليس البعض منه

[Nader]

الرقم مش بعيد اوي

[محمد المرسي]

أ.وائل كماتشو .. عندما أذكر لزملائى بالعمل أن العربية أخذت 5 كيلو زيت كانو مستغربين جداً وقالوا لى إن أى عربية لا تأخذ غير 3.5 كيلو أو 4 كيلو بالكتير ؟ فلو حد عنده معلومات حول الموضوع ده ياريت يفدنى وأكون شاكر ..

وتقبلوا تحياتى ..

[h_hezzah]

اتأكد برضه من الكتالوج ولو انى شايف ان 5 لتر كتير شوية. انا الاوكنافيا عندى (1600 برضه )كانت بتاخد 4.5 وكنت مستكترهم. الفرونتيرا 3200 سىس بتاخد 5 بس والشيروكى 4000 سىسى بتاخد 5.5!

وفيه لعبة تانية التوكيلات بتلعبها
لأن الجركل ال4 لتر ب 215 اما اللتر لوحده بحوالى 60 فلما يحسبولك 5لتر زيت بيحسبوا سعر اللتر * 5 فيكون 300 مع انه لو غيرته فى المحطة يتكلف 275! وممكن كمان يكونوا بيجيبوا العبوات الكبيرة (بالبرميل) وده بيكون سعر اللتر اقل كمان
اخر مرة غيرت فى توتال كان سعر ال جركل 175 (يعنى اللتر ب43.75) واللتر معبأ ب 48 وممكن تملأ الكمية اللى بتحتاجها بالضبط من الماكينة عندهم وبيحسبوها بالعداد (يعنى مثلا 4.5 لتر) ويحسبوا اللتر ب 39 فقط وده بيفرق كتير طبعا
يعنى لو عربيتك بتاخد 4.5 لتر تدفع 175.5 فقط بدل 5*48=240 بطريقة التوكيل. ويمكن فى التوكيل بيضيفوا عليه ضريبة مبيعات كمان.


على فكرة فيه حاجة اسمها صيانة بدون تغيير زيت وتقولهم انك متكفل بتغيير الزيت بنفسك (دى انا شفتها فى كذا توكيل) بس لازم تتأكد انك تقولهم قبل ماتسلم العربية.

[وائل عطية]

شكراً للتوضيح يا أستاذ حازم
بس هى العربية فعلاً بتاخد 5 لتر على حد قولهم
وهاجرب أعمل الصيانة من غير تغيير الزيت لأنهم فعلاً بياخدورا ضريبة مبيعات

[tarek2]

تغيير الزيت وجميع الفلاتر وفحص شامل للعربية، واحتمال تغيير التيل،

وسألتها علي التيل فردت بأنه لا يتغير ولكن يتم اصلاحه فقط .

حـاجـة غـريبـة بقى التوكيـل بيكيـل بمكيالين عـلى رأى المـسـرحـيـة " لحلوح بقى ح نغـيـر التيــل والا نصـلـحــه "
لو حد من التوكيل بيـقـرأ الكـلام ده ياريـت يـجـاوبنـا الله يـسـتـره ....

طـارق أمــــيــن - أسـبرانزاوى 36

[PAYOO]

شوفوا يا جماعه كل حاجه بالعقل والرقم فعلا مبالغ فيه جدا

واحده واحده

فلتر الزيت مش هايزيد عن 20 جنيه
فلتر البنزين ماعتقدش أنه هايتغير بعد عشرين الف !!!
فلتر الهواء مش هايزيد عن 50 جنيه
فلتر هواء التكييف لا يتغير في العمر كله إلا مرتين تلاته

يبقى كده حوالي 70 جنيه فلاتر

الزيت أنصحكم أنكم تشتروه أنتم بنفسكم من محطات البنزين وأرشح لكم احسن زيت عالمي وهو "شل ألترا"(4 لتر) = 195 جنيه ومابتدفعش عليه ضريبه وهاتلاقوا لترات منفصله اللتر بـ 52 جنيه

لحد كده أحنا وصلنا إلى 320 تقريبا

يبقى الباقي أيه بقى ؟؟؟؟؟

وأحب أضيف لكم الكلام بتاع أخونا "جمال أبو شنب"

http://www.nilemotors.net/Forum/viewtopic.php?t=2727

اعتبارا من 22/5/2007
بعد صيانة 1000
ضبط زوايا 36 جنيه *علما بان الجهاز عطلان فى جسر السويس والصحراوى*

ترييح ابواب 24 جنيه

رجلشة فرامل24 جنيه

ضبط ضغط اطارات 12 جنيه*هواء وليس نتروجين* والله سرقه

تنظيف فلتر تكييف 18 جنيه

تطبيب صمام السخن 18 جنيه

توسيع مجرى الزجاج 36 جنيه

رجلشة انوار 12 جنيه

تثبيت درج التابلوه 12 جنيه

ترصيص عجل 18 جنيه

رجلاش دبرياش 12 جنيه

تثبيت كاوتشه او باكته 18 جنيه

*نصيحه لو حد راح صيانة 1000 ميمشيش ولا يتحرك من التوكيل غير لما يعمل كل حاجه ويأكد على كل حاجه من اللى انا كاتبها لان اغلبها موجوده فى كل عربيه قبل صيانة 1000 بس كنا بنعمل جزء فى صيانة 1000 والباقى تباعاً بس كده لازم نقف على دماغهم عشان يخلصو كل حاجه * ولسه البقيه تأتى*
وليه زميل قابلته فى التوكيل غير زجاج امامى ب890 جنيه

واسف للاطاله عليكم

أنا من رأيي يا جماعه أن يتم الأتفاق على ميعاد معين لكي يذهب فيه ما لا يقل عن 15 أو 20 شخص لكي يتم أتخاذ الأجراء اللازم في حينه مع القائمين على التوكيل حتى وإن وصل الأمر إلى التجمهر في مركز الصيانه

وصدقوني يا جماعه الموضوع مش هاينفع غير لما نتحد كلنا أمام هذا الأستهتار بالعملاء واللعب بالناس

لازم يبقى فيه موقف جماعي ...لازم يبقى فيه موقف جماعي ... لازم يبقى فيه موقف جماعي

وموضوع التيل ده ماحدش يسكت عليه لأن التيل نازل معيوب وكان واجب عليهم تغييره من البداية وليس معنى أن العميل قد أستخدمه ولم يتكلم أن يكون راضي عن التيل المعيوب

وفي أي حال من الأحوال لا يوجد تيل في العالم يتم تغييره بعد عشرين ألف !!!!!!!! ليه هو تيل قماش ؟؟؟؟؟؟؟؟؟؟؟؟

ياجماعه لازم يبقى في موقف جماعي وأعتقد أن نيل موتورز مش معمول عشان نشكي همنا لبعض ونتريق على بعض وخلاص ... وإلا كده يبقى بصراحه عقلنا صغير قوي لو كنا بنعمل حاجه زي كده

أحنا أتجمعنا هنا عشان نستفيد من بعض ونحاول نصحح مع بعض الأوضاع

وبصراحه أنا عندي كلام كتير جدا بس أنا مستعجل ونازل رايح لدرش

http://www.nilemotors.net/Forum/viewtopic.php?t=2789

[tarek2]

أضـــم صـوتى لـصـوت الأخ / بـايــــــــوو - والا ايـه الفـايـدة من الـرابـطة وكل اللى بنـقــوله هـــــنا وأرى أن خـيـر من يمـثــل الرابـطـة فى تمثيـل الرابـطـة هم الأخـوة الأفـاضـل / بـايـوو ، وائـل مصطـفى " كوماتـشـوو "
أرجـو طـرح الموضـوع للأقـتــراع وعـدم أهـمـالـه ............ شـكـرا لحـسـن تـعـاونـكــم :roll:

طـارق أمــــيــن - أسـبرانزاوى 36

[PAYOO]

أضـــم صـوتى لـصـوت الأخ / بـايــــــــوو - والا ايـه الفـايـدة من الـرابـطة وكل اللى بنـقــوله هـــــنا وأرى أن خـيـر من يمـثــل الرابـطـة فى تمثيـل الرابـطـة هم الأخـوة الأفـاضـل / بـايـوو ، وائـل مصطـفى " كوماتـشـوو "
أرجـو طـرح الموضـوع للأقـتــراع وعـدم أهـمـالـه ............ شـكـرا لحـسـن تـعـاونـكــم :roll:

طـارق أمــــيــن - أسـبرانزاوى 36

"وائل مصطفى" (كاماتشو) لوحده كفايه والله لأنه عنده من الطاقه والحماس ما يكفي

لكن مافيش مانع أننا كلنا نتعاون ويكون في ترابط عشان نقدر نحرك المياه الراكده التي تزداد كل يوم لدى الوكيل وبالنسبة لـ"وائل كاماتشو" أنا أرشحه للصحراوي لأنه من سكان الجيزه و"جمال أبو شنب" و "وائل عطيه" لفرع جسر السويس (هما دول إللي أعلاف منطقة سكنهم) وكل ما يكون العضو قريب من الفرع كل مايكون أحسن لانه هايقدر يتابع بسهوله أكثر

بس أهم حاجه أننا نكون معاه لما يحتجنا (كأنها خناقه هههههههههههه)

[منعم صادق]

ياجماعة الكلام ده منطقى جدا و أنا أؤيده 100% وأعتقد أن أختيار الأستاذ واشل لفرع الصحرواى أختيار موفق جدا و أنا متأكد ان حسن ابو الفتوح بيقرأ هذا الكلام و أعرف نه رجل اعمال ذكى و لن يقيل بأى حال من الأحوال بهذا الكم من الأستهتار و التجنى على العملاء و خصوصا العملاء المخلصين اللى لو أيو الفتوح حب انه بأجر ناس تداافع عن العربية و عن أسمه بهذا الحماس مش هيلاقى.. فمابالك ان أحنا بنعمل ده بدون أى أجر ..لأ و كمان دافعين دم قلبنا و صابرين عليهم.. فمش معقول يكون ده جزاءنا ... باريت ياأستاذ و ائل تقدر توصل لهم الكلام ده و ياريت تقترح عليهم بكلفوا حد من عندهم رسميا بمتابغة المنتدى و المناقشات اللى بتدور فبه علشان من ناحية يعرفوا أحنا قد أبه بندافع عن أسمهم و من ناحية تانية نقدر نتواصل معاهم مباشرة.

مع الشكر

منعم صادق