محتاج مساعدة

[waleed Mostafa El_kalaawy]

سلام عليكم ورحمه الله وبركاته كان عندى ملاحظه على العربيه ياجماعه مش عارف دة مشكله ولا انا الى بيتهالى :o انا لاحظيت انى كل يوم الصبح وانا بنقل من الاول للتانى العربيه (بتنتش)كأنى اديت للعربيه غيار اعلى من سرعتها مع انى بكون على سرعه 25 كيلو ومع العلم انى بكون سخنتها حوالى 7 دقائق ودة بيحصل لمدة نص ساعه بعد الطلوع الصبح زى ميكون العربيه بتكون بردة !!!!
لانى بعد كدة الموضوع دة مش بيحصل خالص انا قرأت المدخله بتاعت (تصميم موتورالاسبيرنزا ومشكله السحب) وجربت انى اسخن نص دقيقه بس نفس النتيجه بردوة
ياترى دة مشكله ولآ؟؟؟؟ ولو مشكله تبقى فى ايه؟؟؟؟ علشان انا على الاسبوع الى جاى هعمل صيانه 1000 اقولهم وشكرا للمساعدة
ولا دة علشان انا لسه فى التلين :roll:
شكرا للمساعدة
اخوكم / وليد

اسبرنزاوى 57

[kamatchodj]

الاخ العزيز استاذ وليد

ان شاء الله المشكله مش كبيره

وقول لهم فى صيانه الاف ... وماتسيبش التوكيل الا لما تجرب وتطمن

[Nader]

على فكرة لو انت من هواة التسارع الخاطف او السريع "رجلك تقيلة على دواسة البنزين في بداية سير العربية" العربية هتنتش منك, جرب انك تمشي براحة مغ بداية السير بالعربية وخلي التسارع بتاعك هادي, جرب مش هتخسر حاجة وشوف هتنتش ولا لأ، اصل العربية لسة جديدة فمعتقدش ان السبب هيكون خلل في الميكانيكا مثلاً.

[waleed Mostafa El_kalaawy]

شكرا يا جماعه على الردود السريعه هو انا فعلا رجلى تقيل شويه على دوسه البنزين بس اكيد فى حاجه تانيه لانى بعد وقت من المشى مش بحس بالمشكله دة

[Nader]

لانى بعد وقت من المشى مش بحس بالمشكله دة

مهي المشكلة دي بتحصل في بداية مشيك بالعربية بس بعد كدة مبتبنش

[tarek2]

أتـفـق مع الأخ / نـادرفى الرأى :

على فكرة لو انت من هواة التسارع الخاطف او السريع "رجلك تقيلة على دواسة البنزين في بداية سير العربية" العربية هتنتش منك, جرب انك تمشي براحة مغ بداية السير بالعربية وخلي التسارع بتاعك هادي

فـعـلا حـاول ومش ح تخـسـر حاجة - مطلوب رجلك تكون حسـاسـة حتى تتعـود على دواسـة البنـزيـن .

طـارق أمــــيــن - اســبرانزاوى 36

[waleed Mostafa El_kalaawy]

هاجرب بس لو حد قابلته المشكله دة ياريت يقولى

[prince semsem]

أنا حصلت معايا امبارح مشكة تانية وهي عندما مشيت على شوية حفر سمعت صوت صفارة غريبة وانا ماشي بالعربية وفضلت حوالي 1/2 دقيقة وبعد كدة أختفت ومحصلتشي تاني حد عنده فكرة او حصلت معاه قبل كدة

[Nader]

أنا حصلت معايا امبارح مشكة تانية وهي عندما مشيت على شوية حفر سمعت صوت صفارة غريبة وانا ماشي بالعربية وفضلت حوالي 1/2 دقيقة وبعد كدة أختفت ومحصلتشي تاني حد عنده فكرة او حصلت معاه قبل كدة

ممكن تكون حصوة بتكك فالطنابير ووقعت على طول

[Nader]

معلش غلطة مطبعية، كان قصدي اقول انها ممكن تكون حصوة بتحك فالطنابير بس الحكاية دي بتظهر مع الفرامل.



عاوز اقول برضة ان صعب ان انت اي مشكلة تظهر فالعربية تلاقي حد عارف المشكلة جاية منين بالظبط ودة علشان العربية لسة جديدة فالسوق وخبرة الناس فيها لسة قليلة جداً او تكاد تكون معدومة، ومعظم الردود ما هي الا اجتهادات او خبرات سابقة مع سيارات من انواع اخرى مختلفة.

[tarek2]

ممكن والله وأعلـم تكـون وسـاخة بالتيل أو كالمتفق عليه أن نوعيـة التيل رديئـــة

طـارق أمــــيــن - أسـبرانزاوى 36

[ehabbadr]

استاذ وليد مصطفى أغلب الضن مشكلتك نتيجه عدم تعود على الدواسه فى الاول و بعد شويه رجلك بتاخد عليها و ده حصل معايا لأنى كنت باركب الاسبرانزا و ابدل بهوندا شويه و شويه

[waleed Mostafa El_kalaawy]

شكرا ياجماعه على الافادة وانا هحاول اظبط رجلى على دواسه البنزين شويه