احسن وارخص معرض لشراء m11/m12

[hishamelhelw]

السلام عليكم

اولا احب اشكر اعضاء المنتدي هنا علي النقاشات المفيدة واللي كان ليها اكبر الاثر في قناعتي بال m11/m12

ثانيا كنت حابب اسال مين ارخص واحسن معرض اجيبها منه ... انا لسه ماقررتش اجيب m11 ول m12 كله ان شاء الله هايعتمد علي حجم الشنطة .. ابوالفتوح بييعهم ب 72000, 73000 ومعرض القاهرة للسيارات قاللي 71500, 72,500 هل فيه حد عنده اقتراح معرض تاني احسن?

[khaled_Saga]

ممكن تتصل او تروح لسمير ريان وتسال هناك .. اسمع انه دايما اقل 500 او 1000 من المعارض التانية

بالتوفيق فى الاختيار واعتقد ان ال m11 شنطتها اكبر وعموما دى نمط وال m12 نمط تانى دى سيدان ودى هاتشباك وكله يرجع لاحتياجاتك ومزاجك انت حابب ايه.

[hishamelhelw]

جزاك الله خيرا يا استاذ خالد .. انا اتفرجت علي الاتنين في ابو الفتوح .. انا شفت شنطة m12 بس ماكانش معاهم مفتاح m11 لفتح الشنطة والبطارية كانت فاضية!!! .. انا حابب شكل m12 بس الشنطة بالنسبة لي مهمة لاني كثير السفر

[khalid_adel]

بص ياتجيب من التوكيل (وده الافضل) او من معرض سمعته كويسه وسمير ريان الصراحة معرض محترم من سابق تعامل معاه

[hishamelhelw]

شكرا استاذ خالد علي الرد ... ولكن ليه التوكيل افضل؟ هل فيه سبب؟

[may_moon911]

انا ذي حضرتك بالظبط .. كان الاختيار بين m11 و البروتون بيرسونا بس السعر لقيته ف العلالي 92 و كلام كدا .. دا الصني الجديده ب 95 يبقي علي ايه ف الاختيار رسي خلاص علي الm11 بس يا ريت حد يقولي شويه حاجات لانه لسه ما عاينتش العربيه
1- استهلاك البنزين اللتر بيعمل كام كيلو
2- فيها كومبيوتر رحلات ولا بقو يشيلوه
3- فيها فئات ولا كلها فل اوبشن
4- التكييف تلاجه ولا ايه ف الحر اللي احنا فيه دا
5- قطع الغيار موجوده ولا زي ما بنسمع عن ابو الفتوح
6- نور التابلوه بيزيد الضوء و كدا ولا لا
7- حساس نور و مطر
8- الجنوط سبور ولا عاديه و مقاس كام
9- ف الدرج بتاعها هل فيه جزء من التكييف ك تلاجه ولا لأ
و لو افتكرت حاجة تانيه هقولهالكو و اسف علي الاطاله و شكرا

[khaled_Saga]

انا ذي حضرتك بالظبط .. كان الاختيار بين m11 و البروتون بيرسونا بس السعر لقيته ف العلالي 92 و كلام كدا .. دا الصني الجديده ب 95 يبقي علي ايه ف الاختيار رسي خلاص علي الm11 بس يا ريت حد يقولي شويه حاجات لانه لسه ما عاينتش العربيه
1- استهلاك البنزين اللتر بيعمل كام كيلو
مجربتهاش على الطريق لانى مش بسافر كتير .. جوة البلد من غير تكييف الصفيحة تعمل من 140 ل 150 كم وبالتكييف 120 كم .. اشتكيت مرة فى الصيانة قالولى ده طبيعى متقلقش لكن انا اعتقد انه كتير حبتين
2- فيها كومبيوتر رحلات ولا بقو يشيلوه
فيها
3- فيها فئات ولا كلها فل اوبشن
كلها فول اوبشنز
4- التكييف تلاجه ولا ايه ف الحر اللي احنا فيه دا
تلاجة لكن بياخد وقت شوية على ما يظبط الجوخصوصا لو راكن العربية فى شمس (تكييف الدايو اشد باعتباره بيبرد الجو بشكل اسرع) .. بيأثر على سحب العربية فى السرعات البطيئة لكن لما تعلى بالسرعة بتحسه مش فارق
5- قطع الغيار موجوده ولا زي ما بنسمع عن ابو الفتوح
زى ما بتسمع عن ابو الفتوح
6- نور التابلوه بيزيد الضوء و كدا ولا لا
بيزيد ويقل عن طريق زرار جمب ازرار ظبط المرايات
7- حساس نور و مطر
الاتنين موجودين
8- الجنوط سبور ولا عاديه و مقاس كام
4 جنوط سبور مقاس 16 + جنط استبن
9- ف الدرج بتاعها هل فيه جزء من التكييف ك تلاجه ولا لأ
لأ ابو الفتوح باشا شايله ولو ان فى الكتالوج فيه كلام عنه !
و لو افتكرت حاجة تانيه هقولهالكو و اسف علي الاطاله و شكرا

تحت امرك فى اى سؤال فى اى وقت

[hishamelhelw]

تعقيب بسيط علي موضوع التلاجة اللي في الدرج ... في التوكيل وانا باتفرج عليها قالولي ان التكييف واصل جوه التابلوه لحفظ الحاجات البارده فترة اطول

[khaled_Saga]

تعقيب بسيط علي موضوع التلاجة اللي في الدرج ... في التوكيل وانا باتفرج عليها قالولي ان التكييف واصل جوه التابلوه لحفظ الحاجات البارده فترة اطول

انت خلتنى اشك يا استاذ هشام انا هشغل التكييف وابص كده فى الدرج اشوف فيه فتحة ولا لأ واشوف فعلا الهواء بيدخل جواه ولا لأ واقولكم

[may_moon911]

تحت امرك فى اى سؤال فى اى وقت

الف الف الف شكر و الله كلام جميل ما عدا التوكيل بس هل قطع غيارها دلوقتي متوفره برا التوكيل زي الa516 ولا لازم من عم ابو الفتوح لان العربيه شكلها تحفه و قريت عن موتورها لقيته كويس جدا ... فاضل اني اشوف مساحتها الداخليه و قطع الغيار و دا اللي هايفرق بجد لاني خايف من قطع الغيار جدا
شكرا جزيلا

أيمن

[may_moon911]

تعقيب بسيط علي موضوع التلاجة اللي في الدرج ... في التوكيل وانا باتفرج عليها قالولي ان التكييف واصل جوه التابلوه لحفظ الحاجات البارده فترة اطول

اها ما دا اللي بسال عليه و شوفتلو فيديو عاليوتيوب .. فيه فتحه ف الدرج بتوصل هوا التكييف فيه عشان يسقع و طبعا لو عاملين التكييف تلاجه اكيد الحاجة اللي جوا الدرج هتسقع و كانها بي ام و المسند فيه تلاجه :D

[khalid_adel]

شكرا استاذ خالد علي الرد ... ولكن ليه التوكيل افضل؟ هل فيه سبب؟

بقولك تجيبها من مكان موثوق فيه
في معارض تلاقيه مقلب ولاعه ولا طفايه ولا عده من اللي في الشنطه ولا يمشي بيها كتير ولا يلعبو بالعربيه ولا ممكن تتخبط ويعملوها
عشان كده بقولك تجيبها من مكان موثوق منه وتركز في الحاجات دي قبل ما تستلم العربيه

[may_moon911]

انا شوفت العربيه ف معرض عندنا ف العاشر من رمضان يا جماعه .. السعر عالنت 75 الف بس الراجل دا قولتلو اني هكيش و كدا و هفاصلك هفاصلك قال 73 بس اعتقد ممكن اهز ف االف او 500 كمان

المهم العربيه تحفه بجد و واسعه جدا جدا جدا من ورا دا ممكن يقعد فيها 4 مش 3 و التكييف بجد حلو جدا ف التبريد مع اني حاسس ان الهوايات مش ف مكانها الصحيح بس التكييف حلو و زرايرو حلوه و التابلو مترتب تحسو نضيف و عاملينو بضمير و التقفيل شايفه كويس جدا و حاجة نضيفه بجد اعتقد العربيه دي من انضف ما صنعته الصين .. غالبا هتوكل علي الله و اجيبها من عندنا بال73 الف .. هنزل مصر بس بعد الفطار اشوف اللون بتاعها ف ابو الفتوح ف الحجاز و بعد كدا اتوكل علي الله ... بعدين انا سمعت ان قطع الغيار برا و الحرفيين كمان ابتدو يعملو شغل ف العربيه دي و تعديلات كمان مش صيانه بس و ربنا يوفق ويسهل ان شاء الله

بالنسبه للي مالكين السياره دي هل ينصحوني بحاجة .. و خصوصا و انا بستلمها هل في حزء معين اتاكد منو .. و شكرا جزيلا لتعبكم .. اخوكم الصغير أيمــن

[hishamelhelw]

السلام عليكم استاذ May_Moon اتمني اكون لحقتك قبل الشراء ... سعر M11 في الوكيل دلوقتي 72000 لانه عامل خصم 3000 جنيه عليها وبرده علي M12 .. سمير رضوان قاللي 71500 .. انا حاولت اكلمك دلوقتي علي نمرتك اللي في البروفايل بس حضرتك قفلت عليا ... تحياتي

[khalid_adel]

السلام عليكم استاذ may_moon اتمني اكون لحقتك قبل الشراء ... سعر m11 في الوكيل دلوقتي 72000 لانه عامل خصم 3000 جنيه عليها وبرده علي m12 .. سمير رضوان قاللي 71500 .. انا حاولت اكلمك دلوقتي علي نمرتك اللي في البروفايل بس حضرتك قفلت عليا ... تحياتي

هي دي روح الاخوة بتاعت نايل موتورز
تحيه وشكر ليك بجد