هوا الكشاف اللى فوق النمر بتاع بيشتغل ازاىm11

[ashrafmahmoud93]

السلام عليكم .... كنت عاوز اعرف هوا الكشاف اللى فوق نمر العربية بيشتغل ازاى لان انا شفتة بس مش بيشتغل مع النور هل هوا زينة بس كدا ولا هوا بيشتغل فعلا ولا اعمل ايه عشان اشغلة ياريت لو حد جرب يشغلة يقولى وجزاكم الله كل خير وكل عام وانتم بخير

[khalid_adel]

لازم الكشاف ده ينور مع النور السهاري عشان يكشف النمر بليل
ده بره لو مش شغال تاخد مخالفه عليه :)

[ashrafmahmoud93]

متشكر لردك بس انا بسال عن ازاى اشغلة ف ام 11 خصوصا لان انا شفته موجود لكن لايعمل مع الضوء السهارى
منتظر حد من ملاك ام 11 يفيدنى ف الموضوع دا

[hanysamirzaki]

المفروض أن إنت أول ماتشغل الضوء على الأتو (auto)كل أنور العربية تنور ماعدا فوانيس الضباب ودام وورا دول لازم تشد الدراع عليك مرة ومرة كمان علشان فانوس الضباب الي ورا لو النور بتاع النمر منورش يبقى كده في مشكلة في اللمبة تقريبا فإنتى جرب تجيبو على الاوتو وشوف وإن شاء الله ينور معاك

[ashrafmahmoud93]

انا جبتة ع الاوتو ومشتغلش خالص مش عارف هل هوا فية مشكلة ولا مش متوصل ولا ايه ولا دا طبيعى ف الام 11

[hugan]

المفترض انه يشتغل مع النور الصغير
جرب وشوف كده

[khalid_adel]

هو الموضوع مش موضوع ام 11 بالذات
هو في كل عربيات العالم بينور مع النور السهاري
فكون انه ميشتغلش يبقى كده فيه مشكله
بص على خريطه الفيوزات لو لقيت حاجه باي من الكلمات التاليه (number plate,plate panel) ده كده معناه ان ليها فيوز ساعتها غيره اما لو مفيش وكل اللمض شغاله عادي جرب تخبط عليهم لو منوروش فك واحد منهم وجرب اللمبه بتاعته يمكن متشاله ولا حاجه

[ashrafmahmoud93]

انا جربت كل الاوضاع مشتغلوش انا بسال بس حد معاه ام 11 جايز هيا نازلة كدا من غير ما يشتغلوا او زينة بس فلو حد معاة ام 11 وشغالين معاه هعرف ساعتها انها مشكلة عندى بس فهبدا ادور ع حل لكن لو عامة يبقى ممكن تكون زينة بس او ملهاش وصلة كهربا او اى حاجة

[hugan]

انا جربت كل الاوضاع مشتغلوش انا بسال بس حد معاه ام 11 جايز هيا نازلة كدا من غير ما يشتغلوا او زينة بس فلو حد معاة ام 11 وشغالين معاه هعرف ساعتها انها مشكلة عندى بس فهبدا ادور ع حل لكن لو عامة يبقى ممكن تكون زينة بس او ملهاش وصلة كهربا او اى حاجة

لاء طبعا لازم ينور مع النور الصغير
اكيد في حاجه محتاجه تغيير

[ashrafmahmoud93]

بس العربية بقالها شهرين بس واعتقد انى مشفتوش منور من اول ما جبتها عشان كدا انا محتاج حد معاة نفس العربية لانها ممكن تكون بتنزل كدا
ولو ف مشكلة فعلا استنى ف صيانة ال 5 الاف ف التوكيل ولا اعمل ايه

[hugan]

بس العربية بقالها شهرين بس واعتقد انى مشفتوش منور من اول ما جبتها عشان كدا انا محتاج حد معاة نفس العربية لانها ممكن تكون بتنزل كدا
ولو ف مشكلة فعلا استنى ف صيانة ال 5 الاف ف التوكيل ولا اعمل ايه

بستحيل يكون بتنزل كده
عربيتي ال 25 موديل 82 كان نور اللوحات شغال
والشاهين نفس الكلام
نور اللوحات مش اوبشن اختياري
ان شاء الله الموضوع بسيط جدا ومفيش داعي لانك تقلق
لو مش عايز تستني علي صيانه ال 5
ممكن تطلع علي التوكيل وخصوصا ان العربيه زيرو ومن حقك ان لو في عيب يتعمل وانت واقف
مش عايز اقولك اي كهربائي يقدر يصلحه لان العربيه جديده وبيكون في قلق ان اي حد من خارج التوكيل يشتغل فيها

[khalid_adel]

بستحيل يكون بتنزل كده
عربيتي ال 25 موديل 82 كان نور اللوحات شغال
والشاهين نفس الكلام
نور اللوحات مش اوبشن اختياري
ان شاء الله الموضوع بسيط جدا ومفيش داعي لانك تقلق
لو مش عايز تستني علي صيانه ال 5
ممكن تطلع علي التوكيل وخصوصا ان العربيه زيرو ومن حقك ان لو في عيب يتعمل وانت واقف
مش عايز اقولك اي كهربائي يقدر يصلحه لان العربيه جديده وبيكون في قلق ان اي حد من خارج التوكيل يشتغل فيها

بالظبط كده زي مالراجل الطيب قالك
انا مش عارف هو انت ليه مش مصدقنا احنا والله بننصحك باللي نعرفه ومتأكدين منه 100% مفيهاش عربيه والتانيه
ارجو تقبل مروري :)

[akmm]

فعلا لازم ينور لومستعجل روح لكهربائى ولكن الأفضل استنى لما تروح التوكيل .

[ashrafmahmoud93]

انا مصدق والله ان دا شىء اساسى انا هستنى لصيانة ال 5 افضل من موضوع الكهربائى دا وان شاء الله خير

[khaled_Saga]

بس العربية بقالها شهرين بس واعتقد انى مشفتوش منور من اول ما جبتها عشان كدا انا محتاج حد معاة نفس العربية لانها ممكن تكون بتنزل كدا
ولو ف مشكلة فعلا استنى ف صيانة ال 5 الاف ف التوكيل ولا اعمل ايه

انا معايا العربية من سنة و 4 شهور وبأكد ليك ان النور ده بيشتغل مع نور التابلوه (للى بيقولوا عليه السهارى) وفى الحالة اللى حضرتك بتوصفها يبقى وارد اوى ان فيه مشكلة ومحتاجة تتحل