ليه النوم ده ؟

[akmm]

أعزائى كل من بالمنتدى اللى كلنا نعتز به ونقدره ولانه وضح لنا اشياء كثيره وكانت غير معروفه او مبهمه وزاد واضاف الكثير والكثير من الخبرات فى مجال السيلرات وما يختص بها وكذا التواصل بين الأعضاء والسعاده اللى تشعر بها فى حال مساعده الغير فى التوصل لحل لمشكله المت به ....... وهنا فى قسم السياره العزيزه على قلبى سبيرانزا اتساءل لماذا القسم نايم ومفهوش حركه واسئله تفيد الأعضاء اتمنى تنشيط القسم ولكم الشكر جميعا .

[khalid_adel]

كل سنة وانت طيب بقى ده شهر كريم :)

[osa92003]

رمضان كربم وربنا يتقبل منا ومنك ...عايز اقوللك كلنا هنا بنساعد بعض لو فى اى مشاكل ويظهر كده ان المشكل قلت شويه فو الاسبرنزا انا بصراحه شايف انها عربيه ممتازه واعتماديه جدا فى سعرها وانا فى خدمتك فى اى مشكله

[akmm]

متشكر لكل الردود ... وده اعطانى مؤشر ان فيه ناس متابعه ==== وسبيرنزا فعلا سياره كويسه بالمقارنه بالثمن بتاعها لكل الموديلات ....ورمضان كريم .

[khaled_Saga]

كل سنة وحضرتك طيب

اكيد اللى عنده مشكلة بيعرضها علاطول وكلنا بنساعده وانا من اوائل الناس اللى مش بتردد وبعرض مشاكلى مدعمة بالصور وبصراحة ربنا يديم المعروف بينا محدش بيبخل بحاجة.

[hugan]

فعلا القسم نايم
كان الاول في نشاط بس مش بسبب الاعضاء اللي عندهم مشاكل
لكن بسبب الاعضاء اللي دخلين يهاجموا العربيه

[osa92003]

فعلا القسم نايم
كان الاول في نشاط بس مش بسبب الاعضاء اللي عندهم مشاكل
لكن بسبب الاعضاء اللي دخلين يهاجموا العربيه

صح عندك حق يظهر ملاقوش فايده والعربيه لسه الناس بتشتريها واضح انهم مستنين لما ينزل موديل جديد علشان يرجعوا نشاطهم تانى

[akmm]

كل ده كلام جميل ولكن لسه القسم نايم .... ورمضان ... والعيد كله خلص ولسه النوم الأسئله من الأعضاء والإستفسارات بتفتح باب حل ومعرفه عن السياره والفائده للجميع ... ياريت نبتدى ننشط .. وتقبلوا تحياتى .

[akmm]

يانوم يانوم ... ولسه كلنا نايمين ؟؟؟؟؟؟؟؟؟؟؟؟؟؟

[esam722]

يانوم يانوم ... ولسه كلنا نايمين ؟؟؟؟؟؟؟؟؟؟؟؟؟؟

اللهم اجعله خير صباح الخير بالليل

[akmm]

اخيرا حد متجاوب ؟؟؟

[EZABY]

فعلا المنتدي ده هادي شويه, انا لسه مشتري سبرانزا قريب قبلها كنت في منتدى الكيا وكان نشيط جدا وكفايه انك تروحوا تشوفوا منتدي السيفيا او السيراتو عاملين ازاي
لكن للأمانه برضو الناس هنا لما احتجتلهم وسئلت عن حاجات في العربيه الردود جاتلي ومحدش أتأخر
علشان كده انا بقترح اننا نعمل مقابله زي باقي المنتديات ايه رأيكوا؟

[katoba]

والله ياباشا هيا مش حكاية نوم بس تقدر تقول ان الاحداث الجارية بتخلى الواحد مشغول علطول ومس مركز فى اى حاجة ومعتش البال رايق زى زمان بس فعلا اى حد بيعرض موضوع يستاهل النقاش بنرد عليه بحكم معرفتنا

[may_moon911]

طب بما ان القسم نايم زي ما بتقولو مع اني مش شايفو كدا ... انا مصور العربيه حبه صور اتش دي ارفعهم للي عايز يشتري العربيه او بيفكر يجيبها و عايز يشوفلها صور ؟
.
.
.
من غير ماتجاوبو انا هرفعها حاضر :d :p


أيمن

[EZABY]

ياللا ياكبير انا اول واحد مستني :))