افتح التكييف .. طب راح فين السحب m11 .. للعلم لسه بلين

[may_moon911]

السلام عليكم

باختصار العربيه لسه ما عملتش غير 300 كيلو و فتحت التكييف لان الجو حر و الناس اللي معايا هتفطس
ادي الاول الاقيها بتسقف ف كل طلعه قولت بنزين او انا ما بعرفش اسوف حبه و بقيت ازود الار بي ام بدل 2 خليتو 3 الا ربع كدا ..... جيت ف تقاطع مدي الاول و اطلعي يا بنت الحلال هوبا العربيه ما ترضاش تطلع و تسحب بسرعه زي اي عربيه و طفت و دارت ف لحظات لوحدها و لولا ستر ربنا ان اللي جاي ف التقاطع اليمين جاي هادي كان زمانو بايس العربيه

قفلت التكيف و طالع نفس الطلعه بسرعه بجرب لقيت ما شاء الله اسد طالع ... يعني من التكييف !!!

استني صيانه الالف و بعدين اشوف حكايه التسقيف مع التكييف "بقول شعر انا ههههه"

ولا التسقيف مع التكييف دا عادي بس السحب هو اللي فيه مشكله هتروح مع صيانه الالف مع العلم اني ما عديتش الار بي ام عن 3 ف اي مره من المرات من ساعه ما جبتها و السرعه 80 لحد 95 يعني بحسس عليها و بطلع الطلعه بالراحه و بردوا بتسقف

طولت عليكم بس مش مشكله للكل يستفيد و ان شاء الله خير

بردوا أيمن

[survey]

كان حد حصل معاه نفس المشكلة دي في المنتدى ..وقال انه طلع العيب في الدستربيوشن ..بس انا ساعتها مافهمتش دي في انهي حتة في العربية
وما اعتقدش انك عايز تنظف رشاشات لان العربية جديدة
على العموم متابع معاك

[dr_abooody]

المفروض ما تشغلش التكييف في اول 1000 كيلو عشان التليين ما تحملش على الموتور

[may_moon911]

كان حد حصل معاه نفس المشكلة دي في المنتدى ..وقال انه طلع العيب في الدستربيوشن ..بس انا ساعتها مافهمتش دي في انهي حتة في العربية
وما اعتقدش انك عايز تنظف رشاشات لان العربية جديدة
على العموم متابع معاك

والله ما اكدبش علي سيادتك مش عارف ايه الدستربيوشن دا انا بفهم اه حبه حلويين بس علي قدي و فوق كل زي علم عليــم .. و ادينا مستنيين اراء الناس و صيانه الالف بعد العيد ان شاء الله

المفروض ما تشغلش التكييف في اول 1000 كيلو عشان التليين ما تحملش على الموتور

والله يا فندم من ساعه ما استلمت العربيه ما شغلتوش الا مرتين كدا عالخفيف .. النهارده بس كان معايا جدتي كبيره ف السن و الحو جر ف شغلتو و بردوا بنقل علي 2.5 ار بي ام و ما عدتش ال90 و ما بشغلش التكييف و العربيه ماشيه علي غيار .. بمور و ادوس دبرياج و اشغلو عشان ما يعملش حمل مفاجئ عالموتور .. انا قريت الحكايه دي ف موقع اجنبي و قال لازم لما تشغل التكييف ما يبقاش في ترس متعشق عشان الحمل المفاجئ عالموتور

طب بعد الالف السحب مع التكييف هايتظبط ولا لأ لاني بدات احس اني راكب افيو "مع صاحبي لو التكييف شغال ما بتمشيش" ..

[dr.hazem]

اعتقد المشكله والله اعلم ان حضرتك بتلين غلط!!!
التليين مش تحسيس عالعربية وتشغيل المكيف عمره مهيعمل حاجه للماتور واللي يقولك متزودش عن 80 والهبل ده هرد اقوله طب منا ممكن اجيب ال 80 عالتالت !!!

ده موقع في زبدة الزبده عن التليين والحقيقه انا بجرب الطريقه بتاعته فعليا واكتشفت تحسن ملحوظ جدا في اداء العربية من اول 100 كيلو لحد 600 كيل كأني ركبت عربيه تانيه خالص

Break In Secrets--How To Break In New Motorcycle and Car Engines For More Power

وبالمناسبه
اي عربية التكييف بيقلل سحبها بس مش لدرجة ان العربية متطلعش

بالنسبالي لما بحتاج اني اكبس او اطلع بسرعه بفصل زرار التكييف وبعد اما تعدي الموضوع ده بشغله تاني

بالنسبه لموضوع تشغيل التكييف والعربية متموره او معشقه
ميكانيكيا مش هتفرق في حاجه!!!
مهو التكييف لما بيبرد بيفصل ويرجع يشبك لوحده وهوا مش دريان انت على ار بي ام كام
فهل ياترى هوا بيستنى اما العربية تمور؟؟؟
ثم ان كده كده الطنبوره بتاعة الكباس دايره كل الفكره ان في كلتش بيعشق المكيف ويفصله فهوا مش هتفق هوا هيعشق ويفصل سواء الار بي ام عالي او واطي....



تحياتي

[hugan]

عايز اعلق علي نقطه واحده بس وهي النقل علي 2/5
النقل علي المستوي ده يخلي العربيه تسقف معاك وتكركر لانك ما بتشبعش الغيار
الاسبرانزا افضل نقل ليها علي 3.5 او 4

[khaled_Saga]

عايز اعلق علي نقطه واحده بس وهي النقل علي 2/5
النقل علي المستوي ده يخلي العربيه تسقف معاك وتكركر لانك ما بتشبعش الغيار
الاسبرانزا افضل نقل ليها علي 3.5 او 4

لأ حضرتك المشكلة مش فى النقل على ار بى ام كام .. مشكلة التسقيف فى ام 11 هى لما تطلع من الثبات او سرعة بطيئة جدا وانت على التانى (طبعا محدش بيطلع من الثبات على التانى لكن اقد مع التهدية فى المطبات) تلاقى التسقيف على ودنه خصوصا مع التكييف .. العربية وزنها تقيل الى حد ما والدبرياج بتاعها واطى مش عالى واعتقد دول السببين الجوهريين للتسقيف مع الغيار التانى ده بخلاف سوء جودة البنزين الموجود فى السوق.
الحل المؤقت والمريح انك متطلعش من سرعة بطيئة الا لما ترجع للغيار الاول وده اللى احيانا بعمله عشان اتفادى الموضوع ده.

كل سنة وانتم طيبين

[M_SALLAM]

انا بصراحة مشفتش حسة واحدة للأسبرانزا m11 لغاية دلوقتى الحسنة الوحيدة اللى فيها شكلها الخارجى و الداخلى فقط لا غير و من المتوقع ان العربية عمرها مهتحقق النجاح اللى حققتوا اختها الصغيرة a516 بصراحة انضف حاجة نزلتها شركة اسبرانزا لـــــــــــــ a516 و النقل عموما عند 2.5 ار بى ام دة فى الغيار الأول و التانى لكن ابتداء من الغيار التالت انقل على 3-3.5 حفاظا على الموتور ..

[AMGAD1521977]

انا فى الموضوع ده احب اعلق على بعض النقاط : اولا فى بداية تليين اى عربية جديدة ( خصوصآ اللى متجمعة فى مصر ) لازم تتبع الكتالوج الخاص بها بمعنى اول 1000 كيلو لازم ما تقرصش على العربية و لا تحمل ركاب زيادة و لا تشد فى المطالع و سرعتك ما تزيدش عن 90 كيلو و لو تقدر تعمل بيها مشوار طويل على سكة سفر يكون احسن اما بالنسبة لتشغيل التكييف فمعروف انه بيستهلك جزء من طاقة المحرك فما بالك بموتور لسة جديد فالافضل انك ما تشغلهوش خالص و بعد صيانة الالف نبدأ نتكلم و نشوف اذا كان فى مشكلة او لا اما تصميم محرك ال m11 فهو لا يختلف كثيرآ عن شقيقتها ال 516 سوى فى نسبة الانضغاط و تصميم المحرك عند عمل غيار للسرعة عند عدد لفات اسرع فما بالك عند تشغيل التكييف و تعليقآ على جزئية عند التهدئة عند المطبات فيكون الافضل هو النزول للغيار الاول و بعد تشبع الموتور بالقوة اللازمة لتحرك السيارة و التكييف يعمل اعطاء الغيار الثانى و هكذا و ارجو ان تكون المشاركة مفيدة للجميع و تحياتى

[hemaa_82]

انا بصراحة مشفتش حسة واحدة للأسبرانزا m11 لغاية دلوقتى الحسنة الوحيدة اللى فيها شكلها الخارجى و الداخلى فقط لا غير و من المتوقع ان العربية عمرها مهتحقق النجاح اللى حققتوا اختها الصغيرة a516 بصراحة انضف حاجة نزلتها شركة اسبرانزا لـــــــــــــ a516 و النقل عموما عند 2.5 ار بى ام دة فى الغيار الأول و التانى لكن ابتداء من الغيار التالت انقل على 3-3.5 حفاظا على الموتور ..

لسلام عليكم اولا و عيد سعيد

تعليق بسيط بس....

لو حد فكر يقرا بس الكتالوجات الاصلي من موقع شيري مش من عند توحة ...

العربيتين كمتور و فتيس حاجة واحدة تماما ماعادا في العفشة ... و معاهم التيجو ال 1600

يعني المتور ال 1600 واحد في ال3 عربيات و بالكود بتاعه
الفتيس واحد في ال 3 عربيات و الكود بتاعه

الفروق في السوفت وير بس اللي بيبقي موجود علي ال ECU اللي بتعدل معدلات الدوران و الحرق لتوليد اعلي قدرة خرج او سحب حسب ماهو مطلوب ... هل المطلوب عزم علي حساب السرعة او سرعة علي حساب العزم

او ببساطة عايز تطلع اقوي او تمشي اسرع

انما كعفشة ... فرق السما من العمى لان ال 516 & وال تيجو تعليق ثلاثي انما الm11 رباعي

و ده بيدي افضلية في الثبات ...انما برضه الm11 اتقلهم وزنا و ده بيخليها في المسافات القصيرة او في التجميع علي التروس الاولي اتقل من ال 516 مثلا

نرجع لصاحب الموضوع ......

مش فارقة تشغل التكييف ولا لا
مش فارقة تمشي بسرعة كام
اللي يفرق معاك اجهاد المتور او الي تقدر تترجمه للفات المتور في الدقيقة.....

لو انت من مدرسة السماع للكتالوج اعمل اللي انت عايزة بس خلي سقفك 3 الاف لفة في الدقيقة ...

مع العلم ان في اتجاه تاني خالص زي اللينك اللي كان فوق بينادي بان احسن و سيلة تحافظ بيها علي موتورك و كفاته لاطول فترة ممكنه انك تحرق عليه جدا خلال فترة التليين...بس مع مراعاة انك تعرف زيوتك مش تحرق علي الهبل اللي بيبقو حطينه في العربية عند الشراء

[aftr]

لسلام عليكم اولا و عيد سعيد

تعليق بسيط بس....

لو حد فكر يقرا بس الكتالوجات الاصلي من موقع شيري مش من عند توحة ...

العربيتين كمتور و فتيس حاجة واحدة تماما ماعادا في العفشة ... و معاهم التيجو ال 1600

يعني المتور ال 1600 واحد في ال3 عربيات و بالكود بتاعه
الفتيس واحد في ال 3 عربيات و الكود بتاعه

الفروق في السوفت وير بس اللي بيبقي موجود علي ال ecu اللي بتعدل معدلات الدوران و الحرق لتوليد اعلي قدرة خرج او سحب حسب ماهو مطلوب ... هل المطلوب عزم علي حساب السرعة او سرعة علي حساب العزم

او ببساطة عايز تطلع اقوي او تمشي اسرع

انما كعفشة ... فرق السما من العمى لان ال 516 & وال تيجو تعليق ثلاثي انما الm11 رباعي

و ده بيدي افضلية في الثبات ...انما برضه الm11 اتقلهم وزنا و ده بيخليها في المسافات القصيرة او في التجميع علي التروس الاولي اتقل من ال 516 مثلا

نرجع لصاحب الموضوع ......

مش فارقة تشغل التكييف ولا لا
مش فارقة تمشي بسرعة كام
اللي يفرق معاك اجهاد المتور او الي تقدر تترجمه للفات المتور في الدقيقة.....

لو انت من مدرسة السماع للكتالوج اعمل اللي انت عايزة بس خلي سقفك 3 الاف لفة في الدقيقة ...

مع العلم ان في اتجاه تاني خالص زي اللينك اللي كان فوق بينادي بان احسن و سيلة تحافظ بيها علي موتورك و كفاته لاطول فترة ممكنه انك تحرق عليه جدا خلال فترة التليين...بس مع مراعاة انك تعرف زيوتك مش تحرق علي الهبل اللي بيبقو حطينه في العربية عند الشراء

[aftr]

ده موضوع عن محرك 516 [url=http://www.speranzaclub.com/forum/lofiversion/index.php?t10902.html]Speranza Club -

[aftr]

[url=http://www.speranzaclub.com/forum/lofiversion/index.php?t10902.html]Speranza Club -

[EZABY]

انا معايا 516 يادوب لسه 1200 كيلو وعندي نفس الجوار ده بالظبط ومتابع باهتمام

[may_moon911]

السلام عليكم

معلش يا جماعه تغيب لفتره نتيجه للعيد و سفر والدي و عمليه ل والدتي و بقدم ورق الجيش يعني من كلو بس خير ان شاء الله

انا قريت اللينك بتاع ال Break-In و الراجل لخص الموضوع ف كلمتين Run It Hard
بس Hard بتاعتي تختلف عن غيري .. في واحد يبقولك تسارع مع حرق و في واحد يقول حرق بس تسارع عادي مش استعجال و في واحد زي حالاتي فضل ان ما يبقاش في تسارع عالي ولا حرق و السرعه لحد 110 "كنت مسافر علي طريق السخنه و هموت و اجري بس ما رضيتش . شئ داخلي قالي استني الالف احسن" ... علي العموم انا اخدت قرار الا و هوا
بلاش اعدي ال ار بي ام عن 3 دلوقتي لحد صيانه الالف عشان الزيت و تربيط العفشه و اللذي منو و هانت كل الحكايه 200 كيلو مش حوار يعني
و كل حبه هبقي ازود الار بي ام حبه .. يعني دلوقتي 3 بعد الالف 3 و نص او 4 ... الف و نص الفين كدا نخليها 4 و نص و هكذا ..... و مافيش مانع من اني كل كام حبه ابقي اقرص عليها عالاخر حبه عشان تصحصح معايا مع العلم انها مصحصه خالص الصراحه و سحب حلو ما شاء الله بس الاول و التاني دول فعلا لا يطاقو

و الاستاذ كان بيقول العربيه مافيهاش حسنه واحده .. ههههههه دي ماشاء الله فيها حسنات ف كل حته فيها .... نقول كاوتش عريض .. وزن للثبات علي المنحنيات "كوبري المطار واخدو علي 80 قولت اشوف هايحصل ايه لقيتها ما شاء الله ثابته حلو و المره الجايه هبقي اسرع سنه كمان بس بحذر طبعا " ...... اضائه ليليه واضحه جدا النور فعلا متوجه صح ....... الفرامل تمام التمام مع العلم ان بيبقي في اصوات غريبه لما ال ABS بيشتغل مع الدوسه الجامده .... واسعه من ورا "من رايي .. قاعدين 4 ورا 3 مرجعين ضهرهم و الرابع ما كانش عايز يرجع ضهرو بس كان له مكان .............. اقول ايه تاني سحب عالسرعات ما شاء الله كويس جدا و بتحسسني فعلا انها 117 حصان مش اي كلام صيني و خلاص .... استهلاك البنزين ف السفر بالتكييف ف كلمه واحده "ممتاز" 8 الي 8 ونص لتر كل 100 ....... يعيبها الاستهلاك داخل المدينه عالي شويه من رايي بيوصل ل 14 لتر ف كل 100 علي كلام الكومبيوتر و بيزيد عن كدا كمان ..... ظهر العربيه عالي و بيضايق ساعه الركنه بس هيا دي العيوب من رايي

استاذ aftr
انا ما بعرفش ارد عالخاص اعذرني لجهلي معلش ف حضرتك ممكن تسالني هنا .. و لو المشكله ف ارقام تليفون ف حد يبقي يقولي ابعت ازاي رساله و اعرف انها وصلت

و ياريت نجمع ارائنا عن العربيه حلو او وحش و نخليهم موضوع عشان اللي بيسال عن العربيه يلاقي كلامنا كله متجمع

و كل سنه و انتم طيبين