هل تغير علبه الدريكسيون والعدادات على الضمان

[aftr]

المشكله كنت بشتكى من دبدبه بسيطه يمين وشمال مع المطبات كنت فاكر مساعدين كنت بعمل الصيانات كلها فى فاقوس بس لما روحت تكنو سيرفس اللى فى جسر السويس على شان قربه المياه الفنى طلع بالعربيه قال محتاجه علبه دريكسيون والمهندس اخذ بيانات العربيه على شان يشوفها داخل الضمان
المشكله التانيه انذار الابواب وحزام الامان وتكه الاشارات المهندس المسؤل قال محتاجه لوحه عدادات اخذو رقم تليفونى والرد بعد اسبوع
العربيه عامله 80 الف ياترى العدادت والعلبه داخل الضمان -- رئيكم اطلع على عفشجى وكهربائى واشوف الحوار ايه لان بصراحه حاسس التوكيل شغل مشى حالك على ماتفرج
الراجل اللى موجود فى الامن طلع معرفه وقال فى مهندس فى الحرفين كان شغال هنا وفاتح ورشه لحسابه الخاص وعارف كل حاجه عن الاسبرانزا

[akmm]

التوكيل افضل واحسن واوفر فى حاله حضرتك وطالما لسه داخل الضمان ليه تدفع ............ وده حقك .

[said.d.y]

التوكيل افضل واحسن واوفر فى حاله حضرتك وطالما لسه داخل الضمان ليه تدفع ............ وده حقك .

+111111111111111111111111

[hugan]

ياريت لو قدرت توصل لعنوان او تليفون المهندس
لك جزيل الشكر

[attiahf]

خليك مع الشركة ولو عصلجوا ابعت شكوى على جهاز حماية المستهلك وهما هيعملوا الللازم معاهم

[aftr]

الحمد لله تم تغير لوحه العدادات بدون اى مصاريف لسه علبه الدركسيون كمان اسبوع ان شاء الله